წყალტუბოშო ,,ცივი ტბის” რეაბილიტაცია დასრულდა.

პროექტის ფარგლებში, რეაბილიტაცია ჩაუტარდა ტბაზე გადასახედს, მოეწყო სათევზაო და ნავსადგომის ადგილები, ტბის გარშემო საფეხმავლო და ველოსიპედის ბილიკები. ტერიტორია გამწვანდა დამატებითი ნარგავებით, დამონტაჟდა განათების სისტემა და მოეწყო საავტომობილო პარკინგი.

პროექტი „ქალაქებისა და კურორტების განვითარების პროგრამის“ ფარგლებში განხორციელდა და მისი ღირებულება 16.2 მილიონი ლარია.

10 მაისის დღის ბოლოდან 14 მაისამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება. 

მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

ინფორმაციად გარემოს ეროვნული სააგენტო ავრცელებს .

შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 4 პირი დააკავეს.

დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, გასაღების მომზადების, ასევე, ფსიქოტროპული ნივთიერების და ნარკოტიკული საშუალება მარიხუანას უკანონო შეძენა-შენახვის და ნარკოტიკული საშუალების შემცველი მცენარის უკანონო კულტივირების ბრალდებით დაკავებული არიან: წარსულში ნარკოდანაშაულისათვის ნასამართლევი, 2003 წელს დაბადებული ნ.ჩ., 1978 წელს დაბადებული კ.კ., რუსეთის ფედერაციის მოქალაქე 1981 წელს დაბადებული გ.კ. და იორდანიის მოქალაქე 2003 წელს დაბადებული ო.ა.

დანაშაულები 20-წლამდე თავისუფლების აღკვეთას ითვალისწინებს.

სამართალდამცველებმა ბრალდებულების პირადი და საცხოვრებელი ბინების ჩხრეკის შედეგად და მათ მიერ მითითებული ლოკაციებიდან სხვადასხვა სახის განსაკუთრებით დიდი ოდენობით ნარკოტიკული საშუალებები, მათ შორის: ,,კოკაინი“, „მდმა“, „ლიზერგიდი“, ფსიქოტროპული ნივთიერებები და "მარიხუანა" ამოიღეს. ასევე, ნარკოტიკული საშუალების შემცველი მცენარის კულტივირებისთვის მოწყობილი სპეციალური სათბურიდან ამოღებულია განსაკუთრებით დიდი ოდენობით მცენარე კანაფი.

გამოძიება სისხლის სამართლის კოდექსის 260-ე, 261-ე, 18-260-ე, 265-ე და 273-ე პრიმა მუხლებით მიმდინარეობს.

ბაღდათის მუნიციპალიტეტში, წყალმომარაგებისა და წყალარინების სისტემის მშენებლობის მასშტაბური პროექტი დაიწყო. მუნიციპალიტეტში წყალმომარაგების სისტემის რეაბილიტაცია თითქმის 50 წელზე მეტია არ განხორციელებულა.

ბაღდათის მუნიციპალიტეტის მერი კახა ენუქიძე, სამუშაოებს სამშენებლო ორგანიზაცია ამხანაგობა "ჯეითუნი და სმკ"- წარმომადგენლებთან ერთად გაეცნო. ამ ეტაპზე მილების დაქსელვა სოფელ დაფენილში, წაბლარასხევსა და წყალთაშუაში მიმდინარეობს.დასრულების შემდეგ კი  მასშტაბური სამუშაოები ქალაქ ბაღდათში დაიწყება.

პროექტი „ კომუნალური ინფრასტრუქტურის განვითარება გარემოსა და ტურიზმის გაუმჯობესების მიზნით“ საქართველოს გაერთიანებული წყალმომარაგების კომპანიის, საქართველოს მთავრობის და გერმანიის განვითარების ბანკის KFW მხარდაჭერით ხორციელდება.

 აღნიშნული პროექტი ითვალისწინებს ქალაქ ბაღდათისა და მიმდებარე სოფლების წყალმომარაგების და წყალარინების სისტემის კაპიტალურ მშენებლობას. 

სამუშაოები მოიცავს რუდულის და საირმის სათავეების რეაბილიტაციას, გოთიეთში ახალი სათავის მშენებლობას, მაგისტრალის, მილსადენების და მრიცხველების შეცვლას, ახალი მილების მოწყობას, წყალარინების ქსელის კოლექტორის მშენებლობას, მთავარი და მიკრო სატუმბი სადგურის მშენებლობას, თვითმდენი საკანალიზაციო ქსელის და არხების მოწყობას, ბეტონის არხების მშენებლობას. მშენებლობისას დაზიანებული ასფალტისა და ბეტონის საფარის აღდგენას.

შესრულებული სამუშაოები აუცილებლად უნდა შეესაბამებოდეს ეროვნულ რეგულაციებს.

აღნიშნულ სამუშაოებს ტენდერში გამარჯვებული თურქული ორგანიზაცია ამხანაგობა „ჯეითუნი სმკ“ ასრულებს. სამუშაოების ვადა 730 დღით განისაზღვრა და მისი ჯამური ღირებულება 25 943 404.16 ევროს შეადგენს.

ბაღდათის მუნიციპალიტეტის მერმა კახა ენუქიძემ, მოადგილე მერაბ ზირაქაძესთან, საკრებულოს პირველ მოადგილე გურამ კიკნაველიძესთან და ადგილობრივი თვითმმართველობის წარმომადგენლებთან ერთად ყვავილებით შეამკეს სამამულო ომში გმირულად დაღუპულ ვლადიმერ გუბელაძის ძეგლი და პატივი მიაგეს მის ხსოვნას.

დღესვე მერმა და ადგილობრივი თვითმმართველობის წარმომადგენლებმა ყვავილებით შეამკეს,სოფელ წითელხევში სამამულო ომში დაღუპულ გმირთა მემორიალი.

მამა ილია ( კოტორეიშვილმა) კი გარდაცვლილთა მოსახსენებელი პანაშვიდ გადაიხადა.

ბაღდათის მუნიციპალიტეტში მეორე მსოფლიო ომის არც ერთი მონაწილე აღარ არის ცოცხალი.

ფაშიზმზე გამარჯვებიდან 80 წელი გავიდა, სამამულო ომში საქართველოდან 700 ათასი ქართველი იბრძოდა, აქედან 300 ათასი გმირულად დაეცა ბრძოლის ველზე.

1945 წლის 8 მაისს, გერმანიის მიერ კაპიტულაციის გამოცხადების შემდეგ, მეორე მსოფლიო ომი დასრულდა. 9 მაისი კი, ფაშიზმზე გამარჯვების დღედ გამოცხადდა.

მეორე მსოფლიო ომში, საქართველომ 300 000-მდე ჯარისკაცი დაკარგა.ბრძოლები 40 სახელმწიფოს ტერიტორიაზე მიმდინარეობდა.

აღსანიშნავია, რომ მსოფლიოს მთელ რიგ სახელმწიფოებში ფაშიზმზე გამარჯვების დღე 8 მაისს აღინიშნება, რისკენაც საზოგადოების ნაწილი საქართველოს ხელისუფლებასაც მოუწოდებდა, თუმცა მათი ეს პოზიცია გაზიარებული არ იქნა.

საქართველოში 9 მაისი უქმე დღედაა გამოცხადებული და ეწოდება ფაშიზმზე გამარჯვების დღე.