საზოგადოება

: საზოგადოება; 06 მაისი 2021; გადასვლები: 971

გუმათჰესისა და რიონჰესის საგუბარებს წყლისგან დაცლიან-ნამოხვანში გაუჩინარებულ მამაკაცს ამ დრომდე ეძებენ

შინაგან საქმეთა სამინისტროს საგანგებო სიტუაციების მართვის სამსახური განცხადებას ავრცელებს.

"შინაგან საქმეთა სამინისტროს საგანგებო სიტუაციების მართვის სამსახური მიმდინარე წლის 10 აპრილიდან ახორციელებს სოფელ ნამოხვანში გაუჩინარებული მამაკაცის საძიებო-სამაშველო ღონისძიებებს. მდინარე რიონზე სამუშაოები უწყვეტ რეჟიმში მიმდინარეობს.

ოპერაციის ფარგლებში, 7 მაისის 08:00 საათიდან 9 მაისის 18:00 საათამდე იგეგმება გუმათჰესების კასკადისა და რიონჰესის სათავე-ნაგებობის საგუბარების წყლისგან დაცლა. ტერიტორიაზე იმუშავებენ სახანძრო-სამაშველო ჯგუფები.

საგანგებო სიტუაციების მართვის სამსახური ადგილობრივ მოსახლეობას მოუწოდებს გამოიჩინონ მაქსიმალური სიფრთხილე და იყვნენ ყურადღებით.

აღნიშნული სამუშაობის შესახებ ინფორმაცია მოსახლეობას ადგილზეც მოეწოდება."-ნათქვამია განცხადებაში.

: საზოგადოება; 05 მაისი 2021; გადასვლები: 1032

დღეიდან სასაფლაოზე გასვლა ნებადართულია

უწყებათაშორისი საკოორდინაციო საბჭოს გადაწყვეტილებით, კორონავირუსის გავრცელების პრევენციისთვის 2,3,4 მაისს სასაფლაოებზე გასვლა აკრძალული იყო და წესის დამრღვევი 2000 ლარით ჯარიმდებოდა. ქუთაისში არსებულ საფიჩხიის სასაფლაოზე დილიდან ხალხმრავლობა არ შეინიშნებოდა.

: საზოგადოება; 04 მაისი 2021; გადასვლები: 1000

ქუთაისის საერთაშორისო აეროპორტში ოპერირება ყაზახურმა ავიაკომპანიამ დაიწყო

ქუთაისის საერთაშორისო აეროპორტში ოპერირება დაიწყო, ახალმა ყაზახურმა ავიაკომპანიამ FlyArystan. ავიაკომპანია ყაზახეთიდან საქართველოში 3 მიმართულებით (ატირაუ, აქტაუ, ნურ-სულთანი) იფრენს.

საინაუგურაციო ფრენასთან დაკავშირებით აეროპორტში გაიმართა მგზავრების დახვედრის ცერემონიალი, ასევე დაურიგდათ სიმბოლური საჩუქრები.

ღონისძიებას იმერეთში სახელმწიფო რწმუნებული ზვიად შალამბერიძე, საქართველოს აეროპორტების გაერთიანების დირექტორი თამარ არჩუაძე, სამოქალაქო ავიაციის სააგენტოს დირექტორი ლევან კარანაძე და ქუთაისის მერი იოსებ ხახალეიშვილი დაესწრნენ.

აღნიშნულ ღონისძიებაზე ავიაკომპანიის მხრიდან იყვნენ, FlyArystan-ის მმართველი დირექტორი ადრიან ჰამილტონი და FlyArystan-ის აეროპორტის სახმელეთო მომსახურების დირექტორი დანიარ უსკენბაევი.

ქუთაისის დავით აღმაშენებლის სახელობის აეროპორტში მგზავრებს დახვდებათ ოთხჯერ უფრო გაფართოებული ტერმინალი, რომელიც ჯამში დაახლოებით 30 ათასი კვადრატული ერთიანი სივრცეა - საერთო მოფრენისა და გაფრენის დარბაზებით და ყველა იმ აღჭურვილობით, რომელიც აეროპორტის ოპერირებისთვისაა საჭირო.

მოეწყო 18 სარეგისტრაციო დახლი, საიდანაც ორი ე.წ. baggage drop იქნება და მგზავრები რეგისტრაციის ონლაინ რეჟიმში გავლის შემთხვევაში, ბარგის ჩაბარებას თავისით შეძლებენ. ახალი სერვისები და სხვა სიახლეები ოპერირების განახლების პარალელურად აეროპორტში ეტაპობრივად დაინერგება.

რეგულაციების თანახმად, ტერმინალში დაიშვებიან მხოლოდ მგზავრები, გამცილებლის შესვლა კი ნებადართული მხოლოდ არასრულწლოვანისა და შშმ პირის თანხლების შემთხვევაშია. პირბადის გარეშე ტერმინალში შესვლა აკრძალულია. მგზავრები, რომლებსაც 37.5 ზე მეტი ტემპერატურა დაუფიქსირდებათ, შენობაში არ დაიშვებიან.

: საზოგადოება; 04 მაისი 2021; გადასვლები: 923

ყვავილების გამოფენა - გაყიდვა ქუთაისში

ორ მაისობის დღესასწაულთან დაკავშირებით ქალაქის ცენტრალურ ბაღში ყვავილების გამოფენა-გაყიდვა იმართება.

წარმოდგენილია სხვადასხვა ჯიშის ყვავილი- როგორც 20-მდე ვარდის ჯიში, ასევე მინდვრის და დეკორატიული ყვავილების მრავალფეროვნება.

გამოფენაში მონაწილეობას, როგორც ქუთაისის, ასევე, სხვადასხვა კუთხიდან ჩამოსული მეყვავილეები იღებენ.

: საზოგადოება; 03 მაისი 2021; გადასვლები: 1167

ქუთაისში წუხელ სახლი გაძარცვეს-წაღებულია თანხა

ქუთაისში გვიან ღამით საცხოვრებელი სახლი გაქურდეს

ამ დრომდე დაუდგენელი პირები ჯიბლაძის ქუჩაზე მდებარე სახლში მაშინ შევიდნენ, როდესაც ოჯახის წევრებს ეძინათ. წაღებულია ძვირფასი ნივთები და თანხა.

როგორც შინაგან საქმეთა სამინისტროში ,,აიპრესს" განუცხადეს, მომხდარზე გამოძიება სსსკ-ის 177-ე მუხლით მომდინარეობს, რაც ქურდობას გულისხმობს.

: საზოგადოება; 03 მაისი 2021; გადასვლები: 1076

დღეიდან ქვეყნის მთელ ტერიტორიაზე მუნიციპალური ტრანსპორტი არ იმოძრავებს

დღეიდან 12 მაისის ჩათვლით საქართველოს მასშტაბით მუნიციპალური ტრანსპორტი არ იმოძრავებს.შეზღუდვა არ ეხება საქალაქთაშორისო ტრანსპორტს.

გადაწყვეტილება უწყებათაშორისმა საკოორდინაციო საბჭომ 26 აპრილს , კორონავირუსის გავრცელების საპრევენციო ღონისძიებების ფარგლებში მიიღო.

4-11 მაისი საქართველოში უქმე დღეებად არის გამოცხადებული.

დღის სიახლეები

საზოგადოება

Search