საზოგადოება

: საზოგადოება; 16 დეკემბერი 2021; გადასვლები: 1011

ქუთაისის მთავარი ნაძვის ხე 20 დეკემბერს აინთება

ქუთაისის მთავარი ნაძვის ხე 20 დეკემბერს, 19 :00 საათზე განათდება.ინფორმაციას ქუთაისის მერია ავრცელებს.

გაიმართება სადღესასწაულო კონცერტი,რომელშიც მონაწილეობას მიიღებენ როგორც ადგილობრივი შემსრულებლები,ასევე მოწვეული მომღელები. ქუთაისის მ. ბალანჩივაძის სახელობის ცენტრალური სამუსიკო სასწავლებლის ბავშვთა გუნდი, ასევე მომღერლები სალომე ბაკურაძე, ელენე ფოჩხუა, მაკა ზამბახიძე, რატი დურგლიშვილი და დათუნა მგელაძე.

პ.ს. ფოტო არქივიდან.

: საზოგადოება; 16 დეკემბერი 2021; გადასვლები: 936

საჩხერეში პროექტ"განახლებული რეგიონების"ფარგლებში 3 377 700 ლარი დაიხარჯება

საქართველოს პრემიერ-მინისტრის მიერ ინიცირებული პროგრამის ,,განახლებული რეგიონები“-ს ფარგლებში საჩხერის მუნიციპალიტეტში თავისუფლებისა და მუხრან მაჭავარიანის ქუჩების ტროტუარების, ღობეებისა და ჭიშკრების მოწყობის სამუშაოები მიმდინარეობს.

სამუშაო პროცესს ადგილზე გაეცნენ იმერეთში სახელმწიფო რწმუნებული, ზვიად შალამბერიძე, რეგიონული განვითარებისა და ინფრასტრუქტურის მინისტრის პირველი მოადგილე, ილია ბეგიაშვილი და საჩხერის მერი, ლევან ივანაშვილი. ამ ეტაპზე სამუშაოები ქალაქის ცენტრალურ ნაწილში მიმდინარეობს.

,, იმერეთის 12-ვე მუნიციპალიტეტში ძალიან ინტენსიური მუშაობა მიმდინარეობს პრემიერ-მინისტრის ინიცირებულ ,,განახლებული რეგიონები“- ს პროექტებზე. ცოტა განსხვავებული პროექტი გვაქვს საჩხერეში. აქ, რეაბილიტაცია უტარდება აკაკი წერეთლის სახლ-მუზეუმთან მისასვლელ ქუჩას. აღნიშნული მონაკვეთი ტურისტული თვალსაზრისითაც ძალიან მნიშვნელოვანია. პროექტი ორწლიანია და ითვალისწინებს მთლიანი ქუჩის რეაბილიტაციას, ჩვენი თანამოქალაქეების ჭიშკრებისა და ღობეების მოპირკეთებას, ასევე ტროტუარების მოწყობას. პროექტის დასრულების შემდეგ, მომავალი წლის ბოლოს ჩვენ, მივიღებთ სრულიად რეაბილიტირებულ და განახლებულ ქუჩას“ - ზვიად შალამბერიძე.

რეგიონული განვითარებისა და ინფრასტრუქტურის მინისტრის პირველი მოადგილის, ილია ბეგიაშვილის განცხადებით პროგრამა ,,განახლებული რეგიონები“ საქართველოს ყველა მუნიციპალიტეტში აქტიურად მიმდინარეობს და მასში ცენტრალურ ხელისუფლებასთან ერთად მუნიციპალიტეტებიც ჩართულია. პროექტების იმპლემენტაციას სამინისტროს მუნიციპალური განვითარების ფონდთან ერთად, ადგილობრივი ხელისუფლებაც ახორციელებს. მინისტრის პირველმა მოადგილემ, მშენებლებისგან დეტალური ინფორმაცია მოისმინა და საჩხერეში მიმდინარე სამუშაოები დადებითად შეაფასა.

საჩხერეში ,, განახლებული რეგიონები“-ს პროექტი გარდამავალია და სახელშეკრულებო ღირებულება 3 377 700 ლარია. სამუშაოებს ტენდერში გამარჯვებული კომპანია შ.პ.ს. ,,არქიტექსი“ ასრულებს.

: საზოგადოება; 15 დეკემბერი 2021; გადასვლები: 1144

აბუ-დაბიდან ქუთაისის აეროპორტში პირველი რეისი შესრულდა

🎉პირველად, ქუთაისის საერთაშორისო აეროპორტის არსებობის მანძილზე, ახლო აღმოსავლეთში პირდაპირი რეგულარული რეისებით მოხვედრა გახდა შესაძლებელი.

ქუთაისის განახლებულ საერთაშორისო აეროპორტში ოპერირება ახალმა ავიაკომპანია Wizz Air Abu Dhabi-მ დაიწყო. რეისები კვირაში ორი სიხშირით სრულდება.

აბუ-დაბიდან ქუთაისის აეროპორტში პირველი რეისი დღეს დაეშვა. ეს არის პირველი ავიაკომპანია, რომელიც უნგრულმა დაბალბიუჯეტურმა Wizz Air-მა ევროპის გარეთ დააფუძნა.

პირველ რეისის 228 მგზავრი ჩამოყვა, რომელთაც საქართველოს აეროპორტების გაერთიანების ორგანიზებით ქუთაისის აეროპორტში ტრადიციული სიმბოლური საჩუქრები დაურიგდათ.

პირველი რეისის მგზავრებს შორის იყო ავიაკომპანია Wizz Air Abu Dhabi-ს კომერციული დირექტორი ირაკლი ნასიძე.

ქართული მხრიდან ახალ ავიაკომპანიასა და მიმართულებას ქუთაისის საერთაშორისო აეროპროტში საქართველოს აეროპორტების გაერთიანების დირექტორი თამარ არჩუაძე, ქუთაისის მერი, საკრებულოს თავმჯდომარე, DMO Imereti-ის ხელმძღვანელი და რეგიონის საკანონმდებლო და აღმასრულებელი ხელისუფლების სხვა წარმომადგენლები დაესწრნენ.

: საზოგადოება; 15 დეკემბერი 2021; გადასვლები: 3108

რატომ დაუშვეს ნიკეას ქუჩაზე აღმართული საქართველოს დროშა?

ძლიერი ქარის გამო,ქუთაისის ერთერთ შემოსასვლელში,ნიკეას ქუჩაზე აღმართული საქართველოს დროშა,უსაფრთხოების მიზნით,დროებით დაუშვეს.ინფორმაციას ააიპ"ქუთგანათების სერვისი"ფეისბუქ გვერდზე ავრცელებს. "ეროვნული სიმბოლიკა მაშინვე აღიმართება როგორც კი სტიქია ამის საშუალებას მოგვცემს,ამინდის პროგნოზის თანახმად 20 დეკემბრამდე."-წერია განცხადებაში.

: საზოგადოება; 14 დეკემბერი 2021; გადასვლები: 1400

სოფელ ობჩაში მასშტაბური ინფრასტრუქტურული პროექტი ხორციელდება

ბაღდათის მუნიციპალიტეტის

სოფელ მეორე ობჩაში ე. წ. ჭყეპნარასა და საბუკიას უბნების გზის რეაბილიტაცია მიმდინარეობს.

აღნიშნული უბნების გზებზე რკინა ბეტონის საფარი დაიგება და მოეწყობა სანიაღვრეები.

საგზაო ინფრასტრუქტურულ პროექტს მუნიციპალური განვითარების ფონდი ახორციელებს,

მიმდინარე სამუშაოებს კი სამშენებლო კომპანია „პალადა“ ასრულებს,

რომლის ღირებულებაც

4,148,999.65 ლარს შეადგენს.

საბუკიას უბანში -5 251 მეტრი გზა დაიგება, ხოლო ჭყეპნარას გზა- 3 311 მეტრია.

ამ ეტაპზე მიმდინარეობს სანიაღვრეების მოწყობა და საყრდენი კედლების მშენებლობა, რომლის დასრულების შემდეგაც რკინა/ბეტონის საფარი დაიგება.

მიმდინარე სამუშაოებს ბაღდათის მუნიციპალიტეტის მერი კახა ენუქიძე, მერიის ინფრასტრუქტურის სამსახურის წარმომადგენელებთან და

სიფელ ობჩის საკრებულოს მაჟორიტარ დეპუტატ მურად ბურჯანაძესთან ერთდა გაეცნო.

სოფელ მეორე ობჩაში ე.წ ჭყეპნარა საბუკიას გზას წლების მანძილზე რეაბილიტაცია არ ჩატარებია.

: საზოგადოება; 10 დეკემბერი 2021; გადასვლები: 1278

დღეს ადამიანის უფლებათა დაცვის საერთაშორისო დღე აღინიშნება

10 დეკემბერს, ადამიანის უფლებათა დაცვის საერთაშორისო დღე აღინიშნება. 1948 წლის 10 დეკემბერს, გაერთიანებული ერების ორგანიზაციის წევრმა ქვეყნებმა შექმნეს უმნიშვნელოვანესი დოკუმენტი „ადამიანის უფლებათა საყოველთაო დეკლარაციის“ სახით. გაერომ 10 დეკემბერი ადამიანის უფლებების დაცვის დღედ 1950 წელს გამოაცხადა. ადამიანის უფლებათა დაცვის კუთხით მომუშავე ორგანიზაციები 10 დეკემბერს ყოველწლიურად აღნიშნავენ.

"დღეს 10 დეკემბერია - ადამიანის უფლებათა დაცვის საერთაშორისო დღე და ამ პოსტით ვუერთდები მედპერსონალის უფლებების დაცვის კამპანიას.

კოვიდის სრულიად არაგონივრულ და უპასუხო მართვას ეწირება ხალხი და მთელი ეს სიმძიმე დაბალანაზღაურებადი ექთნების და სანიტრების ზურგზე გადადის. მათი მძიმე შრომა მხოლოდ 300-500 ლარად ფასდება, რაც წარმოუდგენლად ცოტაა დღევანდელი ინფლაციის პირობებში.

მოვითხოვთ მედპერსონალის შრომის ადეკვატურ ანაზღაურებას."-წერს სოციალურ ქსელში ბაია პატარაია, "საფარის" დამფუძნებელი და უფლებადამცველი.

დღის სიახლეები

საზოგადოება

Search