საზოგადოება

: საზოგადოება; 02 მაისი 2021; გადასვლები: 1172

გვირილობა მეეზოვე ქალბატონებს მიულოცეს

ქუთაისის მერმა იოსებ ხახალეიშვილმა და ა(ა)იპ ,,სპეცსერვისების" ხელმძღვანელმა კოტე ჯავახაძემ „გვირილობა“ მეეზოვე ქალბატონებს მიულოცეს. ქუთაისში „გვირილობა" უკვე მეორე წელია, პანდემიის გამო, განსხვავებული ფორმატით და მასშტაბებით ტარდება. " დღეს 2 მაისია, აღდგომის ბრწყინვალე დღესასწაული და "გვირილობა". ჩვენ ეს დღე დილაადრიანად მივულოცეთ ა(ა)იპ "სპეცსერვისების" თანამშრომლებს, რომლებიც ყველაზე ადრე გამოდიან ჩვენი ქალაქის ქუჩებში და მთელი დღის მანძილზე ზრუნავენ, რომ ქუთაისი იყოს სუფთა და მოწესრიგებული. მეტწილად სწორედ მათი დამსახურებაა, რომ ქუთაისმა " სუფთა ქალაქის " ტიტული დაიმსახურა. მადლობა მინდა ვუთხრა ამ ადამიანებს! „- განაცხადა იოსებ ხახალეიშვილმა.

: საზოგადოება; 01 მაისი 2021; გადასვლები: 1117

სასაფლაოებთან დაკავშირებით დაწესებული შეზღუდვის დარღვევის შემთხვევაში 2 000 ლარიანი ჯარიმა დაწესდა

შინაგან საქმეთა სამინისტროს ინფორმაციით, სასაფლაოების ტერიტორიაზე შეზღუდვების დარღვევის შემთხვევაში, სამართალდამრღვევ პირს დაეკისრება ჯარიმა - 2000 ლარის ოდენობით.აკრძალვა არ ვრცელდება მხოლოდ დაკრძალვის პროცესზე. „საქართველოს მთავრობის 2020 წლის 23 მაისის №322 დადგენილების თანახმად, კორონავირუსის გავრცელების თავიდან აცილების მიზნით, მიმდინარე წლის 2 მაისიდან 4 მაისის ჩათვლით, მთელი საქართველოს მასშტაბით, სასაფლაოების ტერიტორიაზე მოქალაქეების შესვლა იკრძალება. აკრძალვა არ ვრცელდება მხოლოდ დაკრძალვის პროცესზე. 2 მაისიდან, საქართველოს მთელ ტერიტორიაზე, პოლიცია სასაფლაოებთან მისასვლელ გზებსა და დაწესებული რეგულაციების აღსრულების პროცესს გააკონტროლებს. შეზღუდვების დარღვევის შემთხვევაში, სამართალდამრღვევ პირს დაეკისრება ჯარიმა - 2000 ლარის ოდენობით. შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს. საქართველოს ტერიტორიაზე მყოფი ყველა პირი ვალდებულია, დაიცვას საზოგადოებრივი ჯანმრთელობის სფეროში მოქმედი საქართველოს კანონმდებლობის მოთხოვნები”,- აღნიშნავენ უწყებაში.

: საზოგადოება; 30 აპრილი 2021; გადასვლები: 988

იმერეთში განზრახ მკვლელობასა და ცეცხლსასროლი იარაღის ტარებაში ბრალდებული ნაფიცმა მსაჯულებმა გაამართლეს

ზაურ სოფრომაძის მკვლელობაში ბრალდებული ზაზა ჩაფიძე ქუთაისის საქალაქო სასამართლოს დარბაზიდან გაათავისუფლეს. მან საპატიმროში 9 თვე გაატარა. პროკურატურა ჩაფიძეს შურისძიების მოტივით ზაურ სოფრომაძის განზრახ მკვლელობას ედავებოდა. ადვოკატის განცხადებით,გამოძიება არაკვალიფიციურად და მიკერძოებულად წარიმართა და ბრალდების მხარემ სასამართლოს შესაბამისი მტკიცებულებები ვერ წარუდგინა. მკვლელობა ტყიბულში გასული წლის ზაფხულში მოხდა. მომხდარზე 1 პირი იყო დაკავებული. მას გამოძიება სსსკ-ის 108-ე და 236-ე მუხლებით მიმდინარეობდა, რაც განზრახ მკვლელობასა და ცეცხლსასროლი იარაღის უკანონო ტარებას გულისხმობს

: საზოგადოება; 30 აპრილი 2021; გადასვლები: 1006

ბაღდათის მუნიციპალიტეტში უფასო სასადილოს ბენეფიციარებს ნობათები დაურიგდა

ბაღდათის მუნიციპალიტეტის უფასო სასადილოს ბენეფიციარებს სააღდგომოდ, ბაღდათის მუნიციპალიტეტის მერიამ საკვები პროდუქტები გადასცა.

60- მა ბენეფიციარმა სადღესასწაულოდ სურსათი და ტკბილეული მიიღო. ბაღდათის მუნიციპალიტეტის მერია უფასო სასადილოს ბენეფიციარებს ნობათს ტრადიციულად ყოველ წელს ურიგებს.

: საზოგადოება; 29 აპრილი 2021; გადასვლები: 962

მდინარე რიონში მამაკაცის ცხედარი იპოვეს

მაშველებმა მდინარე რიონში მამაკაცის ცხედარი იპოვეს.

ინფორმაცია ამის შესახებ საგანგებო სიტუაციების მართვის სამსახურში დაადასტურეს. გარდაცვლილის შესახებ ოფიციალური ინფორმაცია ამ დრომდე არ ვრცელდება.

არსებობს ვარაუდი იმის შესახებ, რომ ახალგაზრდა მამაკაცი ის პირია, რომელიც მდინარეში რამდენიმე კვირის წინ შევიდა. ის ნამახვანჰესის მშენებლობის წინააღმდეგ გამართულ აქციაზე შემთხვევამდე ორი დღით ადრე ჩავიდა.

: საზოგადოება; 29 აპრილი 2021; გადასვლები: 961

აფხაზეთის დევნილთა მინისტრმა იმერეთის რეგიონში მცხოვრებ ომში დაღუპული მეომრების ოჯახებს სააღდგომო ნობათები გადასცა

აფხაზეთის დევნილთა მინისტრი ლევან თევზაია იმერეთის რეგიონში მცხოვრებ, ომში დაღუპული მეომრების ოჯახებს ესტუმრა, დამდეგი აღდგომის ბრწყინვალე დღესასწაული მიულოცა და სააღდგომო ნობათები გადასცა.

აფხაზეთის დევნილთა სამინისტროს სოციალური სოლიდარობის მხარდაჭერის პროგრამის ფარგლებში ,

სააღდგომო საჩუქრები თბილისსა და რეგიონებში მცხოვრებ,

მეორე მსოფლიო ომის ვეტერანებს, აფხაზეთის ომის I და II ჯგუფის ინვალიდებს, დედ-მამით ობოლ არასწრულწლოვნებს, ომში დაღუპული მეომრების დედებსა და სხვადასხვა კატეგორიის სოციალურად დაუცველ დევნილ ოჯახებს გადაეცემათ .

სააღდგომო ნობათი აფხაზეთის ა/რ მთავრობის ინიციატივითა და აფხაზეთის დევნილთა სამინისტროს ორგანიზებით მთელი საქართველოს მასშტაბით დარიგდება.

დღის სიახლეები

საზოგადოება

Search