კომპანია "Watrad"-ქუთაისის მუხნარის ტყის მასივის მდგომარეობის ფუნდამენტალურ შესწავლას და ნიადაგის კვლევას იწყებს. პროექტი ტყის შემდგომი რეაბილიტაციისა და რეკულტივაციის მრავალწლოვანი გეგმის ნაწილია.
კომპანია სპეციალიზირებულია ჰიდროგეოლოგიაზე და ევროკავშირის სტანდარტების შესაბამისი გარემოსდაცვითი პოლიტიკისა და სამოქმედო გეგმების შედგენაზე. ამ მიმართულებით იგეგმება მემორანდუმის გაფორმება, შემდეგ კი, პროექტში ჩაერთვება ჩეხეთის რესპუბლიკის საერთაშორისო განვითარების სააგენტო, რომელიც მზადყოფნას გამოხატავს , რომ დააფინანსოს აღნიშნული კვლევა 40% ის ოდენობით.
კომპანია "Watrad"-ის გენერალურ დირექტორს მიხალ ვანჩეკს ქუთაისის მერი იოსებ ხახალეიშვილი შეხვდა. შეხვედრას ქუთაისის მაჟორიტარი დეპუტატი ზაზა ლომინაძე და ფონდ ქართუს პროექტების დირექტორი, ვახტანგ ცაგარელი ესწრებოდნენ.
მუხნარის ტყე ბოლო პერიოდია სავალალო მდგომრეობაშია.ტყეში უძველესი მცენარეები ხმება,მათ შორის უნიკალური, წითელ ნუსხაში შემავალი ენდემური იმერული მუხა.
