ქუთაისის თვითმმართველობის შენობის მინები ჩაამსხვრიეს.

უკრაინაში მიმდინარე მოვლენების  შედეგად, უკრაინაში დაზარალებული მოსახლეობისთვის ბაღდათის მუნიციპალიტეტში ჰუმანიტარული ტვირთის შეგროვება დაიწყო.

ზესტაფონში უკრაინის მხარდასაჭერი აქცია ამ წუთებში მიმდინარეობს.მოქალაქეები უკრაინის დროშებით და სიმბოლური ატრიბუტიკით მეზობელ ქვეყანაში რუსეთის შეჭრას გმობენ.აქციის მონაწილეები უკრაინელ ხალხს სოლიდარობას უცხადებენ.

აქცია 16:00 საათზე დაიწყო და ამ დრომდე  გრძელდება.

ფოტოს ავტორი გვანცა თოთაძე.

ექიმი არჩილ ჯალაღონია სოციალურ ქსელში პოსტს აქვეყნებს .როგორც მედიკოსი წერს,  წუთაისის სახელით იგეგმება ჰუმანიტარული ტვირთის ჩატანა უკრაინაში.

" გვინდა  დავეხმაროთ ჩვენს მეგობარ უკრაინელ ხალხს და ჩვენი  ქალაქიდან ჩავიტანოთ სხვადასხვა ჰუმანიტარული ტვირთი უკრაინის ცხელ წერტილებში, რაც მათ ჭირდებათ, აქცენტი არის პირველადი დახმარების სამედიცინო საშუალებები და მედიკამენტები. ვისაც სურვილი და საშუალება გექნებათ, რითაც შეგეძლებათ მოგვაწოდოთ თქვენი  შემოწირულობა. ჩვენ გავუკეთებთ ორგანიზებას და ეს ყველაფერი ჩავა უახლოეს დღეებში უკრაინაში. საიდანაც შემდეგ გადანაწილდება შესაბამისად. 

გერმანიის დედაქალა ბერლინში,ბრანდერბურგის კარიბჭესთან უკრაინის მხარდადაჭერი აქცია გაიმართა .აქციაში მონაწილეობენ ქართველებიც.ისინი რუსეთის ოკუპაციას და უკრაინის ინტერვენციას გმობენ.როგორც ჟურნალისტი ლევან ქემოკლიძე ამბობს, შეკრებილია უამრავი ადამიანი.

"დღეს სახლში დარჩენა და იმ უსამართლობის არ გაპროტესტება,რაც უკრაინაში ხდება,არის დანაშაული.ათასობით ადამიანია ქუჩაში,რომ გააპროტეტოს პუტინის  სისხლიანი რეჟიმი"-აცხადებს ლევან ქემოკლიძე.

ფოტოს ავტორი ლევან ქემოკლიძე.

ქუთაისში უკრაინის მხარდასაჭერი  მორიგი აქცია  გაიმართა. მონაწილეები  ქუთაისის მერიის წინ შეიკრიბნენ.მოქალაქეები ითხოვენ ,რომ სოლიდარობის ნიშნად ადგილობრივი თვითმმართველობის შენობა უკრაინის დროშის ფერებით განათდეს და შენობაზე დროშა გადმოიფინოს

"თუ დროშა ,ან დროშის ფული არ გაქვთ,ჩვენ მოგცემთ ჩვენს დროშას და ის გადმოფინეთ "-თქვეს აქციაზე.