დღეს ,25 დეკემბერს შობა აღინიშნება.
,,შესწორებული (ახალი) კალენდარული სტილით 25 დეკემბერს მსოფლიოს მართლმადიდებელ ქრისტეანთა უმრავლესობა შობის დღესასწაულს აღნიშნავს.
25 დეკემბერს შობას აღნიშნავენ: კონსტანტინეპოლის მსოფლიო საპატრიარქო, ალექსანდრიის საპატრიარქო, ანტიოქიის საპატრიარქო, რუმინეთის საპატრიარქო, ბულგარეთის საპატრიარქო, კვიპროსის ეკლესია, საბერძნეთის ეკლესია, ალბანეთის ეკლესია, ჩეხეთისა და სლოვაკეთის ეკლესია, ამერიკისა და კანადის ეკლესია, უკრაინის ეკლესია. ასევე, იერუსალიმის საპატრიარქომ და პოლონეთის ეკლესიამ გასცეს კურთხევა თავიანთი სამრევლოებისადმი, რომ სურვილის შემთხვევაში შეუძლიათ შობა იზეიმონ 25 დეკემბერს.
ვფიქრობ, მომავალში საქართველოს საპატრიარქო ეკლესიაც შეუერთდება შესწორებული (ახალი) სტილის კალენდარს, როგორც ეს უკვე ერთხელ იყო მეოცე საუკუნის ოციანი წლების შუა პერიოდში, თუმცა, ეს უნდა მოხდეს სამწყსოსადმი სათანადო ინფორმაციის მიწოდებისა და გონივრული ახსნის საფუძველზე."-წერს თეოლოგი ლაშა დეისაძე-შარვაშიძე.
სერბეთის, საქართველოს და რუსეთის მართლმადიდებლური ეკლესიები შობას 7 იანვარს აღნიშნავენ.
