კორონავირუსს კიდევ ერთი სასულიერო პირის სიცოცხლე ემსხვერპლა.ინფორმაციას ,,საპატრიარქოს უწყებანი,, ავრცელებს . COVID-19-ით ტყიბულისა და თერჯოლის ეპარქიის მღვდელმსახური, დეკანოზი თეოდორე გამეზარდაშვილი გარდაიცვალა.
,,მამა თეოდორეს ჯანმრთელობის მდგომარეობა დაამძიმა ვირუსით გამოწვეულმა ინფექციამ.
დეკანოზი თეოდორე დასვენებულია თერჯოლის ყოვლადწმინდა ღვთისმშობლის სახელობის საკათედრო ტაძარში. იგი დაიკრძალება ხვალ, 2021 წლის 4 იანვარს.
მწუხარებას გამოვთქვამთ დეკანოზ თეოდორეს გარდაცვალების გამო და თანავუგრძნობთ განსვენებულის ოჯახს, ახლობლებსა და სამწყსოს.,,-ნათქვამია ,,საპატრიარქოს უწყებანის,,მიერ გავრცელებულ ინფორმაციაში.
