- პოლიტიკა
- გადასვლები: 654
სისტემა ყარს და ის აუცილებლად უნდა გავიტანოთ პოლიტიკურ სანაგვე ურნაში-ლეიბორისტული პარტიის წევრი ფარულ მოსმენებზე
ლეიბორისტული პარტიის წევრი ირაკლი კიკვაძე ფარული მასალების გავრცელების ფაქტს ეხმაურება. როგორც ოპოზიციონერი პოლიტიკოსი საინფორმაციო სააგენტო ,,აქტორთან,,აცხადებს, სუსის მიერ ყველას და ყველაფრის მოსმენა სიახლე არაა, თუმცა ახლა ფარულმა მიყურადებამ ახალ მასშტაბებს მიაღწია.
,,გამოქვეყნებული ჩანაწერები სუსის მიერ ყველას და ყველაფრის მოსმენისა, ღია ილუსტრაციაა იმისა, რაც ხდებოდა წლების განმავლობაში და რაც ისედაც ვიცოდით. ივანიშვილის რეჟიმმა იმ დონეზე აიყვანა ტოტალური მოსმენები, რომ საბჭოთა უშიშორებასაც კი შეშურდებოდა. ყველაფერს რომ თავი დავანებოთ, მხოლოდ ამიტომ არის ოცნების ხელისუფლება და მისი სახით სისტემა შესაცვლელი და გასასამართლებელი, რადგან მათ ქვეყნის მართვა წარმოუდგენიათ ისევ დაშინებით, შანტაჟით და სხვა ათასგვარი ძალადობის მექანიზმების გამოყენებით, რაც პირდაპირ კავშირშია ადამიანის სოცოცხლესთან და ფუნდამენტურ უფლებებთან. სისტემა ყარს და ის აუცილებლად უნდა გავიტანოთ პოლიტიკურ სანაგვე ურნაში, ამისათვის კი არჩევნები ყველაზე ეფექტური იარაღია,,-აცხადებს ირაკლი კიკვაძე.