ბაღდათის მუნიციპალიტეტის მერის პირველმა მოადგილემ დავით სილაგაძემ, მერის მოადგილემ მერაბ ზირაქაძემ, საკრებულოს თავმჯდომარის მოადგილეებთან, მერიისა და საკრებულოს, მაჟორიტარი დეპუტატის ბიუროს წარმომადგენლებთან და ადგილობრივ მოქალაქეებთან ერთად, სოფელ დიმში ტერიტორიული მთლიანობისთვის დაღუპულ გმირთა დედის მემორიალი, გვირგვინით შეამკეს და პატივი მიაგეს 2008 წლის აგვისტოს ომში დაღუპულ მებრძოლთა ხსოვნას.
დღესვე სოფელ დიმსა და როხში , 2008 წლის აგვისტოს ომში, შინდისში გმირულად დაღუპული ფელიქს კაკაურიძისა და ზვიად კაცაძის საფლავების ყვავილებით შემკობა მოხდა, სადაც მამა ბესარიონ (მშვილდაძემ) და მამა გაბრიელ (დარჯანიამ) პანაშვიდი გადაიხადეს. ადგილობრივი ხელისუფლების წარმომადგენლებმა სოფელ როხში შინდისის გმირთა მემოარიალი შეამკეს და კიდევ ერთხელ გაიხსენეს 2008 წლის აგვისტოს ომის მონაწილე თავდადებული მებრძოლები.
2008 წლის აგვისტოს ომიდან 14 წელი შესრულდა. ეს პერიოდი საქართველოს უახლეს ისტორიაში ერთ -ერთი მტკივნეული თარიღია.
