ქუთაისში  უწყებათაშორისი საკოორდინაციო საბჭოს და ჯანდაცვის ორგანიზაციების რეკომენდაციების თანახმად,  საზოგადოებრივი ტრანსპორტის მოსაცდელების, სკვერებში არსებული ატრაქციონების და ქუჩებში განთავსებული ბანკომატების დეზინფექცია სპეციალური ხსნარებით დამუშავება დაიწყო. სამუშაოებს მონიტორინგს  ქუთაისის მერის მოვალეობის შემსრულებელი დავით ერემეიშვილი უწევს.

„ქუთაისში უკვე გვაქვს კორონავირუსით დაინიფიცირების ათეულობით შემთხვევა და შესაბამისად, ვამკაცრებთ უსაფრთხოების ზომებსაც. მაქსიმალურად ვცდილობთ, შევაჩეროთ ვირუსის გავრცელება. ტარდება სადეზინფექციო სამუშაოები სხვადასხვა მიმართულებით და ლოკაციებზე. ჩვენი სამსახურები მუდმივ მონიტორინგს უწევენ ამ პროცესებს.“ - აცხადებს დავით ერემეიშვილი.

სადეზინფექციო სამუშაოებს ასრულებს ქუთაისის დეზინფექციისა და სპეციალური ეპიდზედამხედველობის სამსახური. პროცესი ყოველდღიურ რეჟიმში გაგრძელდება.

წერეთლის ქუჩის  ნაწილი რეაბილიტაციის გამო  ერთი თვით იკეტება. 

საქართველოს საავტომობილო გზების დეპარტამენტი, 15 სექტემბერს   ქუთაისში    წერეთლის ქუჩის რეაბილიტაციას იწყებს.პირველი ეტაპის ფარგლებში 15 სექტემბრის 01:00 საათიდან  ილია ჭავჭავაძის  გამზირის კვეთიდან ფოთის ქუჩის კვეთამდე მონაკვეთი ერთი თვით დაიკეტება   და საავტომობილო მოძრაობა შეიზღუდება.

 "პატრიოტთა ალიანსის" საარჩევნო შეკრების დაწყებამდე სამოქალაქო აქტივისტმა აკაკი საღინაძემ  პერფორმანსი მოაწყო. როგორც თავად აცხადებს, პერფორმანსით მან სამოქალაქო პროტესტი გამოხატა.

,,სახლში გავამზადე რუსებისთვის საყვარელი სლავური კერძი ბორში და მივიტანე აქციაზე ქალაქის მოედანზე(სადაც იწყებოდა მათი აქცია) პლაკატით "რუსული ბორში პრორუსებისთვის,, . ეს ქალაქი არ უჭერს ანტიდასავლურ, მოძალადე, რუსეთისგან დაფინანსებულ, ქოცების სატელიტ პოლიტიკურ პარტიას ".- წერს ფეისბუქპოსტში აკაკი საღინაძე

„ჯორჯიან მანგანეზმა“ გარემოსდაცვითი პოლიტიკის ფარგლებში, ახალი პროექტი განახორციელა, რომლის შედეგადაც, ჭიათურაში, მდინარე ყვირილას წყლის ხარისხი საგრძნობლად გაუმჯობესდება.

პროექტი საპილოტეა და თავდაპირველად, ჭიათურის 29-ე ფაბრიკის ტერიტორიაზე განხორციელდა. ახალი პროექტის მიხედვით, წარმოებაში გამოყენებული წყალი მდინარეში აღარ ჩაედინება, წყლისა და შლამის სეპარაცია ლოკალურ დონეზე ხდება, რეცხვის შედეგად მიღებული პროდუქტი, იგივე შლამი კი შრება და კომპანია მას სხვადასხვა დანიშნულებისთვის იყენებს.

ახალი ტექნოლოგიების დანერგვის შედეგად, საწარმოო პროცესს გარემოსთან შემხებლობა აღარ ექნება, მდინარე ყვირილას დაბინძურება კი სრულად გამოირიცხება.

საწარმოს დახურული ციკლის პრინციპით ფუნქციონირება, ერთ-ერთი იმ დაპირებათაგანი იყო, რომელიც ეკოლოგიური პირობების დაცვის თვალსაზრისით, „ჯორჯიან მანგანეზმა“ მოსახლეობას მისცა.

კომპანიამ ახალი ტექნოლოგიის დანერგვასა და თანამედროვე ტექნიკის შეძენაში სოლიდური ინვესტიცია ჩადო, რომლის ღირებულება რამდენიმე ათას დოლარს შეადგენს.

ჭიათურაში, პროექტის პრეზენტაციას იმერეთში სახელმწიფო რწმუნებული ზვიად შალამბერიძე, საქართველოს გარემოს დაცვისა და სოფლის მეურნეობის მინისტრის მოადგილე იური ნოზაძე და მაჟორიტარი დეპუტატი სულხან მახათაძე დაესწრნენ.

მიმდინარე წლის ოქტომბრიდან ქუთაისს 60 თანამედროვე სტანდარტების შესაბამისი ავტობუსი გადმოეცემა. ქუთაისის გარდა ავტობუსები ეტაპობრივად კიდევ რამდენიმე ქალაქში განაწილდება . გორს - 30, ზუგდიდს - 25, რუსთავს - 40, ქუთაისს - 60, ხოლო თელავსა და ფოთს 10-10 გადაეცემა.

შესყიდვა ევროპის რეკონსტრუქციისა და განვითარების ბანკის (EBRD) დაფინანსებით ხორციელდება და პროგრამის ჯამური ღირებულება 19 მილიონი ევროა.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა, ურბანული ტრანსპორტის განვითარების პროგრამის ფარგლებში, 6 ქალაქისთვის 175 ერთეული ავტობუსი შეისყიდა.

გარდა ავტობუსების შესყიდვისა, პროგრამა ითვალისწინებს ქალაქების ახალი სამარშრუტო გეგმისა და სატარიფო სისტემის შედგენას. პროგრამის ფარგლებში, დაგეგმილია ავტობუსების მძღოლების გადამზადებაც.

თერჯოლის მუნიციპალიტეტიდან  მიმდინარე წელს სტუდენტი 153 აბიტურიენტი გახდა, აქეედან ორმა 100 %-იანი, ოთხმა 70 %-იანი, თერთმეტმა კი 50 %-იანი სახელმწიფო სასწავლო გრანტი მოიპოვა.

 მუნიციპალიტეტის საკრებულოს თავმჯდომარე ნინო ჯანელიძე და მერის მოვალეობის შემსრულებელი ლაშა გოგიაშვილი,, ადგილობრივი ხელისუფლების წარმომადგენლებთან ერთად პირველკურსელებს შეხვდნენ, სტუდენტობა მიულოცეს და წარმატებები უსურვეს.შეხვედრა ღია ცის ქვეშ, საზეიმო ვითარებაში გაიმართა.