ქუთაისის მთავარი ნაძვის ხის აწყობა დღეს დაიწყო
საზოგადოება
გადასვლები: 1020

ქუთაისში ცენტრალურ მოედანზე  მთავარი ნაძვის ხის რკინის კონსტრუქციის აწყობა დღეს დაიწყო.

 ახალი ნაძვი დიზაინერების მიერ შექმნილი ფიგურებით მოირთვება.
 
 სამუშაოებს ა(ა)იპ ქუთგანათების სერვისის თანამშრომლები უახლოეს დღეებში დაასრულებენ.
   
ქალაქის მთავარი ნაძვის ხე  24 დეკემბერს,20:00 საათზე საზეიმოდ აინთება.
 
შეახსენებთ,2023 წელს ქუთაისი ახალი,16 მეტრიანი ნაძვის ხით შეხვდება,რომლის შეძენაც ბიუჯეტს 146 ათასი ლარი დაუჯდა.
აკაკი წერეთლის სახელმწიფო უნივერსიტეტსა და ქალთა ფონდ „სოხუმს“ შორის, ურთიერთთანამშრომლობის მემორანდუმი გაფორმდა
საზოგადოება
გადასვლები: 1041

ქუთაისის აკაკი წერეთლის სახელმწიფო უნივერსიტეტსა და ქალთა ფონდ „სოხუმს“ შორის, ურთიერთთანამშრომლობის მემორანდუმი გაფორმდა.

მემორანდუმი გულისხმობს განათლებისა და მეცნიერების სფეროებში ორმხრივი  თანამშრომლობის ხელშეწყობას, გამოცდილების ურთიერთგაცვლას, სტუდენტების დასაქმების და პრაქტიკის პერსპექტივას, კოლაბორაციულ ღონისძიებებს, კონფერენციების და ფორუმების ორგანიზებას და ერთობლივ პროექტებს საზოგადოებისთვის  აქტუალურ თემებზე. 
მემორენდუმს ხელი მოაწერა უნივერსიტეტის რექტორმა პროფესორმა როლანდ კოპალიანმა და ქალთა ფონდ „სოხუმის“ თავმჯდომარემ ალლა გამახარიამ.
ცერემონიას ესწრებოდნენ აწსუ-ს რექტორის მოადგილე შალვა კირთაძე, საგარეო ურთიერთობებისა და განვითარების სამსახურის ხელმძღვანელი დავით გეგეჭკორი, ქალთა ფონდ „სოხუმის“ დირექტორი თეა თორინავა და პროექტის ასისტენტი ანიკა ლომიძე.
24 დეკემბერს ქუთაისში საახალწლო ღონისძიებები გაიმართება
საზოგადოება
გადასვლები: 896

24 დეკემბერს ქუთაისში ქალაქის მთავარი ნაძვის ხე აინთება.საზეიმო ცერემონია 20:00 საათზე დაიწყება.მანამდე კი, ქალაქის ცენტრალურ ნაწილში საახალწლო ღონისძიებები 15:00 საათიდან გაიმართება.

 
15:00-20:00 -საშობაო ბაზრობა: ადგილობრივი ნაწარმის, ხელნაკეთი ნივთების გამოფენა-გაყიდვა, გლინტვეინი, დარიჩინის ორცხობილა, ცხელი შოკოლადი
 
15:00 – 20:00 - საბავშვო სივრცე: საახალწლო სათამაშოების დამზადების შესწავლა,  თამაშები, სახის მოხატვა, ზღაპრის გმირები, თოვლის ბაბუა და საჩუქრები
 
 15:00-20:00 - ზღაპრის გმირების საზეიმო მსვლელობა.
 
 ბავშვების შეხვედრა თოვლის ბაბუასთან    
 
16:00-17:30   - ადგილობრივი შემსრულებლების საბავშვო კონცერტი
 
18:30-19:20 - ნიკო ქაჯაია    
                     
 20:00  - მთავარი ნაძვის ხის საზეიმო ანთება                                
20:15-21:00 - ჯგუფი “New One”  
 
21:00 - საზეიმო ფოიერვერკი
2022 წელს იმერეთში 1365 პროექტი განხორციელდა
საზოგადოება
გადასვლები: 835

 საქართველოს რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა და იმერეთში სახელმწიფო რწმუნებულმა ზვიად შალამბერიძემ, ადგილობრივი ხელისუფლების წარმომადგენლებთან ერთად ქუთაისში, ზესტაფონში, თერჯოლასა და წყალტუბოში მიმდინარე და დასრულებული პროექტები დაათვალიერეს.

 
ობიექტებს შორის იყო, ზესტაფონის მუნიციპალიტეტში მიმდინარე საგზაო ინფრასტრუქტურული სამუშაოები, თერჯოლის მუნიციპალიტეტში ბაღის მშენებლობა და სოფელ ახალთერჯოლაში სასმელი წყლის ქსელის მოწყობის პროექტი, ქუთაისში საგზაო ინფრასტრუქტურისა და სპორტული სკოლის რეაბილიტაციის სამუშაოები, წყალტუბოს მუნიციპალიტეტში სოფლის გზის რეაბილიტაცია.
 
როგორც იმერეთის გუბერნატორმა ზვიად შალამბერიძემ აღნიშნა, 2022 წელს იმერეთში 1365 პროექტი განხორციელდა.
 
„შევძელით მოგვეცვა ისეთი სფეროები, როგორებიცაა საგზაო და საგანმანათლებლო ინფრასტრუქტურა, საბავშვო ბაღების მშენებლობა, სამედიცინო ინფრასტრუქტურა. ასევე, ძალიან მნიშვნელოვანი მიმართულება ჩვენი ქვეყნისთვის და რეგიონებისთვის - სოფლების წყალმომარაგებით უზრუნველყოფა. ფაქტობრივად წლის ბოლოს ყველა პროექტი უკვე დასასრულს მიუახლოვდა, ძირითადი ნაწილი დასრულებულია და მომავალ წელს კიდევ უფრო მეტი ბიუჯეტით მეტ პროექტს დავიწყებთ და ასეთივე წარმატებით დავასრულებთ“-აღნიშნა ზვიად შალამბერიძემ.
 
ილია ბეგიაშვილის თქმით, წელს ქვეყნის მასშტაბით, დაახლოებით, 6 ათასი პროექტი მიმდინარეობდა. ფონდების მიერ დაფინანსებული პროექტების წილმა იმერეთის მხარეში 155 მილიონ ლარამდე შეადგინა, რაშიც შედის რეგიონული განვითარების ფონდი, მთის განვითარების ფონდი, სოფლის მხარდაჭერის პროგრამა, მცირე სარეაბილიტაციო სამუშაოები სკოლებში, სტიქიების ლიკვიდაცია, ევროკავშირის მიერ დაფინანსებული პროექტები.
 
„ჯამურად იმერეთის რეგიონში 1365 პროექტი განხორციელდა. 12-ვე მუნიციპალიტეტში სრულად არის შესრულებული გეგმა-გრაფიკი, როგორც ერთწლიან, ასევე მრავალწლიან პროექტებში. მასშტაბზე მეტყველებს ისიც, რომ წელს მხოლოდ იმერეთის რეგიონში 250 კილომეტრი გზა დაიგო. განხორციელდა ბაღების და სკვერების რეაბილიტაცია, ასევე წყალმომარაგების პროექტები, მოწესრიგდა ტურისტული ინფრასტრუქტურა. დარწმუნებული ვარ, რომ 2023 წელი წლევანდელზე ნაკლები არ იქნება, არა მხოლოდ იმერეთის რეგიონისთვის, არამედ მთლიანად საქართველოს მასშტაბით. მინდა მადლობა გადავუხადო მხარის წარმომადგენლებს, თითოეული მუნიციპალიტეტის მერს და იმ სტრუქტურებს, რომლებიც ახორციელებდნენ ამ პროექტებს“-განაცხადა ილია ბეგიაშვილმა.
 
2022 წელს იმერეთის რეგიონში სხვადასხვა ინფრასტრუქტურულ პროექტებზე, რომელთა სამუშაოების შესყიდვა ადგილობრივმა მუნიციპალიტეტებმა განახორციელეს, დასაქმებულთა რაოდენობამ 2 200-ზე მეტი ადგილობრივი შეადგინა.
2023 წელს ქუთაისი ორი ნაძვის ხით შეხვდება
საზოგადოება
გადასვლები: 1114

ქუთაისს წელს ორი ნაძვის ხე ექნება. 
მთავარი ნაძვი ტრადიციულად მესხიშვილის თეატრის წინ დაიდგმება , ხოლო  მეორე მოსწავლე ახალგაზრდობის პარკში. 
 
 ნაძვის ხის კონსტრუქცია ა(ა)იპ " ქუთგანათების სერვისის" თანამშრომლებმა უკვე ააწყვეს.      
 საახალწლო დეკორაციების მონტაჟი, ქალაქის რამდენიმე ლოკაციაზე  მიმდინარეობს.
 
   ილუმინაციების ნაწილი  უკვე აინთო. 
სამუშაოები უახლოეს დღეებში დასრულდება.
 
რაც შეეხება ახალი,16 მეტრიანი ნაძვის ხეს,ანთების საზეიმო ცერემონიალი 24 დეკემბერს, 20:00 საათზე გაიმართება. 
ძვირფასო ევროპელებო, რას ერჩით ჩემს ქვეყანას? მესხიშვილის თეატრის დირექტორი
საზოგადოება
გადასვლები: 1464

მესხიშვილის თეატრის დირექტორი სულხან გოგოლაშვილი ევროპას ვრცელ სტატუსს უძღვნის.

"ძვირფასო ევროპელებო, ესაა თქვენი ღირებულებები? თქვენ ხომ ეს ყველაფერი იცით ?! მაგრამ მაინც იქცევით საწინააღმდეგოდ, რას ერჩით ჩემს ქვეყანას? რატომ ეწინააღდეგებით სამართალს?! თქვენ ხომ სამართალზე და სამართლიანობაზე დაფუძნებული კავშირი ხართ?! რატომ უბიძგებთ სხვას უსამართლობისკენ?! რამდენჯერ უნდა ინანოთ თქვენი შეცდომები?! რომელსაც შემდეგ უამრავი მსხვერპლი მოჰყვა?! (2008 წლის ომს ჩვენთან და უკრაინის დღევანდელობას ვგულისხმობ)

ნუ შეაძულებთ თავს ჩვენს ქვეყანას! ნუთუ არავინაა ადაკვატური თქვენთან რომ ამ ყველაფერს შეეწინაღმდეგოს?!
ჩვენ გვინდა ევროპა, რადგან ჩვენ ვართ ყველაფრით ევროპელები, მაგრამ თქვენ ყველანაირად ცდილობთ უარი ვთქვათ იმ ევროპულ ღირებულებებზე, რომელითაც გვიზიდავს ევროპა და რომელსაც თქვენ თავად კარგავთ ნელ-ნელა, მაშ რა აზრი აქვს ამ ჩვენ ლტოლვას თქვენსკენ? თითქოს ვერ აგიტანიათ  ის რომ სწორად ვვითარდებით! კანდიდატის წოდება , თუკი ვინმეს ეკუთვნოდა დღეს რეგიონში, ჩვენ ვიყავით, ყველა კუთხით და ასპექტით, მაგრამ რაღაც დავალება გაქვთ, ან კომპრომიტირებულები ხართ და ცდილობთ არ გავხდეთ დამოუკიდებლები, ეკონომიურად ძლიერები, მეტად დემოკრატიულები, პირდაპირ გვიშლით ამაში ხელს, თქვენი გამოთქმებით და დამოკიდებულებით ჩვენს მიმართ!
გვასწავლით მორალს და თავად კარგავთ მას, იძლევით რჩევებს, რომელიც არანაირ მორალს არ ექვემდებარება და თავად გჭირდებათ რჩევები! მხარს უჭერთ იმ ძალას რომელებმაც ყველა ის ღირებულება გათელეს და დაარღვიეს რასაც თქვენ ქადაგებ(დი)თ ! პირდაპირ გვიბიძგებთ უკანონობისკენ და გვევაჭრებით ან ასე უნდა ქნათ ან არადა დავიწყეთ ევროპაო! 
ჩვენ ვართ ევროპა და ვერანაირად ვერ დავივიწყებთ მას, რადგან ღმერთმა ასე ინება, რადგან ჩვენს ტრადიციაში, ენაში და მენტალობაში დევს ის რაც თქვენთვის და მთელი მსოფლიოსთვის მთავარი ღირებულებაა."-წერს გოგოლაშვილი.
  1. 30 დეკემბერს ქუთაისში საახალწლო ველო-მსვლელობა იგეგმება
  2. საახალწლო ღონისძიებები ქუთაისში 24 დეკემბერს დაიწყება და 14 იანვარს დასრულდება
  3. 2023 წლის დასაწყისში ქუთაისში 320 დევნილ ოჯახს ახალი ბინები გადაეცემა
  4. 13 დეკემბრამდე უნალექო,მაგრამ ქარიანი ამინდებია მოსალოდნელი
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search