საქართველოს დამოუკიდებლობის დღე ბაღდათის მუნიციპალიტეტში სხვადასხვა სახის საზეიმო და შემეცნებითი ღონისძიებით აღინიშნა.

 რევაზ ლაღიძის სახელობის კულტურის სახლის სკვერში დამოუკიდებლობის დღისადმი მიძღვნილი ფოტო გამოფენა მოეწყო.

გაიმართა ესეების კონკურსის მონაწილეთა  დაჯილდოებაც.კონკურსში ბაღდათის ახალგაზრდული საბჭოს წევრები და მუნიციპალიტეტის საჯარო სკოლების მოსწავლეები იყვნენ ჩართულები.

26 მაისთან დაკავშირებით ქუთაისში საზეიმო ღონისძიებები მიმდინარეობს.

მერაბ კოსტავა  1939 წლის 26 მაისს,თბილისში დაიბადა.ის იყო ქართველი საზოგადო მოღვაწე, საქართველოს ეროვნული გმირი, დისიდენტი და უფლებადამცველი, მუსიკათმცოდნე, პოეტი, საქართველოს ეროვნულ-განმათავისუფლებელი მოძრაობის ყველაზე გამორჩეული ლიდერი.

1972 წელს მერაბ კოსტავამ ზვიად გამსახურდიასთან ერთად ჩმიაყალიბა საქართველოში ადამიანის უფლებათა დაცვის საინიციატივო ჯგუფი. რეპრესიები მის წინააღმდეგ არ წყდებოდა. სუკ-ი გამუდმებით უთვალთვალებდა. მის სახლთან ყოველთვის მორიგეობდა უშიშროების მანქანა. 
1977 წლის 7 აპრილს მერაბ კოსტავა ზვიად გამსახურდიასთან ერთად დააპატიმრეს და 3 წლით პატიმრობა მიუსაჯეს. საბაბი ანტისაბჭოთა აგიტაცია და პროპაგანდა, ჟურნალ „ოქროს საწმისის” გამოცემა იყო.ის არაერთხელ იყო დაპატიმრებული,იყო გადასახლებული ციმბირში.ციხესა და გადასახლებაში ყოფნისას კოსტავამ ჯამში 13 თვეზე მეტი იშიმშილა.

მერაბ კოსტავას საქმიანობამ გადამწყვეტი როლი ითამაშა საქართველოს ეროვნულ-განმათავისუფლებელი მოძრაობის  შექმნაში, ბრძოლასა და წარმატებაში.

1989 წლის 13 ოქტომბერს ქუთაისიდან თბილისისკენ მიმავალი მერაბ კოსტავა სოფელ ბორითთან (ხარაგაულის რაიონი) ტრაგიკულად დაიღუპა.

1918 წლის 26 მაისს გოლოვინის გამზირზე, კავკასიის მეფისნაცვლის ყოფილ რეზიდენციაში, თავისი უკანასკნელი სხდომა ჩაატარა ამიეკავკასიის სეიმმა. ამიერკავკასიის დემოკრატიული ფედერაციული რესპუბლიკა დაშლილად გამოცხადდა. იმავე დარბაზში შედგა საქართველოს ეროვნული საბჭოს სხდომა. სხდომა  16:50წუთზე, ნოე ჟორდანიას თავმჯდომარეობით გაიხსნა . საქართველოს ეროვნულმა საბჭომ 17: 10 წუთზე  „საქართველოს დამოუკიდებლობის აქტი" ერთხმად დაამტკიცა.

ჩამოაყალიბდა დამოუკიდებელი საქართველოს მთავრობა. სახელმწიფოს პოლიტიკური მმართველობის ფორმად კი დემოკრატიული რესპუბლიკა აღიარეს.

საქართველოს დამოუკიდებლობას იმთავითვე მტრულად შეხვდა ბოლშევიკური რეჟიმი, რომლის მიზანს რუსეთის ყოფილი იმპერიის აღდგენა წარმოადგენდა. 1921 წელს საქართველოში წითელი არმია შემოიჭრა და ქვეყნის ანექსია მოახდინა. საქართველოს მთავრობა და დამფუძნებელი კრების უმრავლესობა ემიგრაციაში წავიდა.

1991 წლის 31 მარტის საყოველთაო რეფერენდუმის შედეგად, მოსახლეობის ერთსულოვანი გადაწყვეტილებით, ქვეყანამ დამოუკიდებელი რესპუბლიკის სტატუსი დაიბრუნა. 1991 წლის 9 აპრილს ძალაში შევიდა საქართველოს სახელმწიფოებრივი დამოუკიდებლობის აღდგენის აქტი.