ქუთაისი დნიპროსთვის-ცხრამეტმა დამფუძნებელმა ქუთაისში ორგანიზაცია დააარსა
საზოგადოება
გადასვლები: 908

ქუთაისში  ორგანიზაცია ,, ქუთაისი დნიპროსთვის"  დაარსდა.

ორგანიზაციას  19 დამფუძნებელი ყავს.
 კოტე ჭარხალაშვილი, მიხეილ მუმლაძე, ლევან ადეიშვილი, მაგული ჩხობაძე,გაგა ( სახე) ავალიანი ,ქეთი ბერძენიშვილი,ხვიჩა ვაშაყმაძე, მარიკა ვაჭარაძე, აკაკი საღინაძე,ლელა მოწონელიძე, მაკა ხეცურიანი,  იმედა ონიანი, ია იაშვილი,ნიკა დეისაძე,ლაშა ბერეკაშვილი,გიორგი გველესიანი,სოფიო როინიშვილი,ზაალ კუხიანიძე, ქეთი დეისაძე.
 
ორგანიზაციამდე ქუთაისში ჯგუფი"ქუთაისი დნიპროსთვის" შეიქმნა,რომელსაც უკრაინულ მხარესთან პირველი კომუნიკაცია უკვე ქონდა.
 
შეგახსენებთ,ქუთაისის დაძმობილებული ქალაქი დნიპრო რუსეთმა 14 იანვარს დაბომბა.დნიპროს მერმა ქუთაისს დახმარება თხოვა.
ბაღდათში ქარის შედეგად დაზარალებულ მოსახლეობას გადასახური მასალა გადაეცემა
საზოგადოება
გადასვლები: 1505

ბაღდათის მუნიციპალიტეტში ძლიერი ქარის  შედეგად დაზარალებული მოსახლეობისთვის გადასახური მასალის დარიგება დაიწყო. 

 
ძლიერმა ქარმა მუნიციპალიტეტის მასშტაბით 23 საცხოვრებელი სახლი და ორი ადმინისტრაციული შენობა დააზიანა.
გადასახური თუნუქი და ხის მასალა დაზარალებულ ოჯახებს დღეს გადაეცეთ.
 
სტიქიით დაზარალებული მოსახლეობის ზარალი ბაღდათის მუნიციპალიტეტის მერიაშია შექმნილმა კომისიამ შეისწავლა და მყისიერი რეაგირება მოახდინა.
10 მილიონი ლარი ქუთაისს-რა პროექტები განხორციელდება ქალაქში?
საზოგადოება
გადასვლები: 811

ქუთაისის მუნიციპალიტეტმა , საქართველოს მუნიციპალიტეტებში განსახორციელებელი პროქტების ფონდიდან  დამატებით 10 მილიონი ლარი მიიღო. 

აღნიშნული თანხით ქუთაისში 7 მასშტაბური პროექტი განხორციელდება: 
 
ჭავჭავაძის გამზირზე ტროტუარების რეაბილიტაცია და მოაჯირების მოწყობა ,  1 800 000 ლარი;
 
 ავტომშენებლის გამზირზე ტროტუარების რეაბილიტაცია, 1 000 000 ლარი ;
 
სპორტის სასახლის რეაბილიტაცია, 950 000 ლარი;
 
ჩოგბურთის კორტების კომპლექსის რეაბილიტაცია, 800 000 ლარი; 
 
ავტომშენებლის გამზირზე არსებული სკვერის  რეაბილიტაცია, 1 000 000 ლარი; 
 
 ციფრული განათლებისა და შემოქმედებითი ინდუსტრიების ცენტრის რეაბილიტაცია , 800 000 ლარი;
 
რუსთაველის გამზირისა და გ. ტაბიძის ქუჩის ფასადების რეაბილიტაცია, 3 650 000 ლარი.
სამუშაოები უახლოეს დღეებში დასრულდება-მესხიშვილის თეატრის ადმინისტრაცია საკრებულოს დეპუტატს პასუხობს
საზოგადოება
გადასვლები: 763

მესხიშვილის თეატრის ადმინისტრაცია განცხადებას ავრცელებს და საკრებულოს ოპოზიციონერი დეპუტატის კრიტიკას პასუხობს.

"12 იანვარს, როცა ქუთაისში ქარის სტიქიის მძვინვარებამ მწვერვალს მიაღწია, მესხიშვილის თეატრის შენობის ფასადის მარჯვენა მხარეს, სვეტებზე განთავსებულმა საახალწლო დეკორაციამ თეატრის ფანჯრების მინები ჩაამსხვრია და ხის ჩარჩოების კონსტრუქცია დააზიანა. ეს იყო ძლიერი  ქარისგან გამოწვეული სრულიად გაუთვალისწინებელი შემთხვევითობა.
თეატრის მიერ ზომები მყისიერად იქნა მიღებული და დაზიანებული ნაწილი დროებითი საფარით შეინიღბა.
დაზიანების ხარისხის დაზუსტება და აღდგენითი სამუშაოების წარმოება შესაძლებელი გახდა გრიგალის ჩადგომის და თეატრის ფასადის ტერიტორიის საახალწლო ატრიბუტებიდან განთავისუფლების შემდეგ.
სპეციალური ტექნიკის დახმარებით, გაკეთდა დაზიანებული ფანჯრის აზომვა; თეატრმა შეიძინა შესაბამისი ხის მასალა და მინა; ფანჯრის ჩუქურთმიანი ჩარჩო-კონსტრუქციის (ძეგლის სტატუსის შესაბამისად) ზუსტად აღდგენის მიზნით, მოძიებულ იქნა ხის დამუშავების საუკეთესო ხელოსანი.
სამუშაოები მიმდინარეობს და უახლოეს დღეებში დასრულდება.-"წერია ინფორმაციაში. 
 
გუშინ საკრებულოს წევრმა,ერთიანი ნაციონალური მოძრაობის წარმომადგენელმა თედო მესხმა სოციალური ქსელით პოსტი გაავრცელა,სადაც თეატრის ხელმძღვანელობას მოუწოდა,დროულად შეეკეთებინათ დაზიანებული ფანჯარა.
 
თედო მესხის განცხადებას გაეცანით ბმულზე👇
 
 
თეატრის დირექტორს მინდა მოვუწოდო,თეატრის შენობას მიხედოს-ქუთაისის საკრებულოს დეპუტატი
საზოგადოება
გადასვლები: 792

Ქუთაისის ლადო მესხიშვილის სახელობის დრამატული თეატრის დირექტორს სულხან გოგოლაშვილს მინდა, მოვუწოდო ევროპული ფასეულობების  ლანძღვას და დაწუნებას,  ჯობია თეატრის შენობას მიხედოთ - ამის შესახებ სოციალურ ქსელში საკრებულოს წევრი "ერთიანი ნაციონალური მოძრაობის "წარმომადგენელი თედო მესხი წერს.

"Ქუთაისის ლადო მესხიშვილის სახელობის დრამატული თეატრის დირექტორს სულხან გოგოლაშვილს მინდა, მოვუწოდო ევროპული ფასეულობების  ლანძღვას და დაწუნებას,  ჯობია თეატრის შენობას მიხედოთ
და ეს სიმახინჯე ჩამოხსნათ თეატრის ფასადიდან 
 
Ცნობისთვის ,თითქმის 2 კვირაზე მეტია ფანჯარა არის დაზიანებული თეატრში და მინის ჩასმის მაგივრად, რაღაც ფანერა აფარეს  დაზიანებულ ადგილს."-წერს თედო მესხი.
ნახშირღელე-ქუთაისი-სამტრედიის მონაკვეთის გარკვეულ ნაწილზე დღეიდან მოძრაობა შეწყდა
საზოგადოება
გადასვლები: 2355

საავტომობილო გზების დეპარტამენტი ინფორმაციას ავრცელებს .

" შიდასახელმწიფოებრივი მნიშვნელობის ნახშირღელე-ქუთაისი-სამტრედიას საავტომობილო გზის კმ1-კმ1+400 მონაკვეთზე სარეაბილიტაციო სამუშაოების წარმოების მიზნით, დაგეგმილია სავალი ნაწილის დროებით შევიწროება და მოძრაობის ჩაკეტვა აღნიშნული გზის 1 კმ-ზე (პკ6+50-პკ9+50 მონაკვეთზე), რა დროსაც 25 იანვრიდან თებერვლის თვის ბოლომდე საერთაშორისო მნიშვნელობის თბილისი-სენაკი-ლესელიძის საავტომობილო გზა ბაღდათის სატრანსპორტო კვანძის და შიდასახელმწიფოებრივი მნიშვნელობის ქუთაისი (საღორია)-ბაღდათი-აბასთუმანი-ბენარას საავტომობილო გზის გამოყენებით დაუკავშირდება შიდასახელმწიფოებრივი მნიშვნელობის ნახშირღელე-ქუთაისი-სამტრედიას საავტომობილო გზის მე-10 კმ-ს.
 
 აღნიშნული მარშრუტით ავტოტრანსპორტის მოძრაობა განხორციელდება როგორც თბილისი-ქუთაისის, ასევე ქუთაისი-თბილისის მიმართულებით."-წერია ინფორმაციაში.
  1. ქუთაისი დნიპროს გენერატორს შეუძენს
  2. ქუთაისის სამარცხვინო ხელისუფლებისგან განსხვავებით...-რას წერს გიგა მაქარაშვილი?
  3. ქუთაისში, ავტოქარხნის დასახლებაში ახალი საბავშვო ბაღი აშენდება
  4. ქუთაისი დნიპროსთვის-უკრაინულ მხარესთან პირველი კომუნიკაცია უკვე შედგა
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search