18 ოქტომბერს საქართველოში შენარჩუნებული იქნება დროგამოშვებით ნალექიანი და ნისლიანი ამინდი. ჰაერის ტემპერატურა დღის საათებში დაბლობსა და ბარში +18, +23 გრადუსის ფარგლებში დაფიქსირდება. 19 ოქტომბერს დასავლეთ საქართველოში გამოიდარებს და დათბება, აღმოსავლეთ საქართველოს ცალკეულ რაიონში ისევ ნალექიანი ამინდია მოსალოდნელი. 

ქუთაისში მეტალურგიული ქარხანასთან "ამბიკონ სტილსი" მორიგი აქცია იგეგმება.

ცეცხლი აფხაზეთის ქუჩაზე მდებარე მრავალსართულიანი კორპუსის ერთ-ერთ საცხოვრებელ ბინაში გაჩნდა. როგორც ადგილობრივმა მოსახლემ განაცხადა, მობილიზებულები იყვნენ სახანძრო-სამაშველო ჯგუფები და ხანძრის ჩაქრობა ოპერატიულად მოხდა.

საგანგებო სიტუაციების მართვის სამსახურის ინფორმაციით ხანძარი ამ დროისთვის სრულად ლიკვიდირებულია. შემთხვევის შედეგად არავინ დაშავებულა.

ქუთაისში, რამდენიმე  საათის წინ, ჭავჭავაძის გამზირზე, გორგიას მიმდებარე ტერიტორიასთან,  ელექტრო ენერგიის გამანაწილებელი  ჯიხურის  ეზოში ახალგაზრდა მამაკაცი გადავიდა.მას  შემთხვევით მობილური  ტელეფონი  ორმოში ჩაუვარდა, მის  ამოსატანად ჩასულს დენმა დაარტყა.  ადგილზე მობილიზებული იყო  სასწრაფო დახმარების მანქანა, საპტრულო ეკიპაჟები და სამაშველო  სამსახურის  ჯგუფები. ახალგაზრდამ კისრის არეში მიიღო  დამწვრობა.     შემთხვევით გადარჩენილი მამაკაცი სასწრაფო დახმარების მანქანით კლინიკაში გადაიყვანეს. თვითმხილველების თქმით, ეს ტერიტორია დაცულია, ჭიშკარს ბოქლომი ადევს, თუმცა  ბოქლომი რამდენჯერმე გატეხეს  .  

ქუთაისელი ნუგზარ კოხრეიძე, რომელიც საქართველოს სახალხო დამცველის პოსტზე ერთ-ერთი კანდიდატია,მინიჭებული ქულების მიხედვით,სამეულში მოხვდა.

"სახალხო დამცველის შეფასების კომისიამ დღეს თავისი ქულები გამოაქვეყნა.  ქულების დაჯამების შედეგად მე, 19-ტი კანდიდატიდან მესამე ადგილზე ვარ. 

მიმდინარე წლის 1-ელი იანვრიდან აგვისტოს ჩათვლით, ოჯახში ძალადობის ფაქტებთან დაკავშირებით 5 827 შემაკავებელი ორდერი გაიცა.

როგორც შინაგან საქმეთა სამინისტროს სტატისტიკურ მონაცემებშია ასახული, მსხვერპლი ქალის რაოდენობა 4 574-ს შეადგენს, მსხვერპლი კაცის კი 887-ს. უწყების ცნობით, მოძალადე კაცი 4 329, მოძალადე ქალი კი 805-ია.

რაც შეეხება ძალადობის სახეებს, სამინისტროს ინფორმაციით, ამავე პერიოდში, ქვეყანაში ფიზიკური ძალადობის 146, ფსიქოლოგიურის - 5 382, ეკონომიკურის - 119, სექსუალურის - 24, იძულების 45 და უგულებელყოფის 31 ფაქტი გამოვლინდა.

რეგიონების მიხედვით, ოჯახში ძალადობის ყველაზე მეტი შემთხვევა თბილისში მოხდა.