ადვოკატ ლევან ჭელიძის ინფორმაცით, ახალგაზრდა  ქალის   მკვლელობის  მცდელობაში ბრალდებულ  მამაკაცს, (მამამთილს) ქუთაისის საქალაქო სასამართლომ აღკვეთის ღონისძიების სახით, პატიმრობა შეუფარდა .

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ქუთაისში, სხვადასხვა დროს, 1977 წელს დაბადებული დ.ზ. - არასრულწლოვნის მიმართ ჩადენილი იძულების ბრალდებით, ხოლო 1988 წელს დაბადებული, გ.რ. - სექსუალური ხასიათის სხვაგვარი ქმედებისთვის დააკავეს.

 შიდასახელმწიფოებრივი მნიშვნელობის ნახშირღელე-ქუთაისი-სამტრედიის საავტომობილო გზაზე დაგეგმილია ქ.ქუთაისის ჭავჭავაძის გამზირის რეაბილიტაცია ე.ნინოშვილის და კ.გამსახურდიას ქუჩების კვეთიდან გუგუნავას ქუჩის კვეთამდე.

ვაკის პარკში მომხდარი ტრაგედიის საქმეზე 9 პირია დაკავებული.

აღნიშნულის შესახებ შინაგან საქმეთა სამინისტროში გამართულ ბრიფინგზე, თბილისის პოლიციის დეპარტამენტის უფროსის მოადგილე კახა მურადაშვილმა განაცხადა.

დაკავებულთა შორის არიან კომპანია "გრინსერვის პლუსის" ხელმძღვანელი ლაშა ფურცხვანიძე და თბილისის მერიის გარემოს დაცვის სამსახურის უფროსის მოადგილე გ.ვ.

9-ვე პირი დაკავებულია სისხლის სამართლის კოდექსის 342-ე მუხლის მე-2 ნაწილით, რაც სამსახურეობრივი გულგრილობას გულისხმობს, რამაც ადამიანის სიცოცხლის მოსპობა გამოიწვია.

შეგახსენებთ, რომ მიმდინარე წლის 13 ოქტომბერს, ვაკის პარკში, შადრევანში სამი ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი ბავშვის, 13 წლის გოგონას, მარიტა მეფარიშვილის მდგომარეობა თავიდანვე მძიმე იყო და ის ხეჩინაშვილის კლინიკაში გარდაიცვალა.

გამოძიება საქართველოს სისხლის სამართლის კოდექსის 240-ე პრიმა მუხლის პირველი ნაწილით დაიწყო. გამოძიების მსვლელობისას დაზუსტდა კვალიფიკაცია და გამოძიება გრძელდება სისხლის სამართლის კოდექსის 240-ე პრიმა მუხლის პირველი და მეორე ნაწილებით, რაც გულისხმობს ელექტრო ობიექტზე უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა. დანაშაული 4-დან 7 წლამდე ვადით თავისუფლების აღკვეთას ითვალისწინებს.

ბაღდათის მუნიციპალიტეტის სოფელ როხში ე. წ. სანიკიანების უბანში, საავტომობილო გზის რეაბილიტაცია აქტიურად მიმდინარეობს. ამ ეტაპზე იგება ასფალტის საფარი ,რომლის დასრულების შემდეგ სანიაღვრეები და ცხაურები მოეწყობა.
აღნიშნული გზის კეთილმოწყობა, აქამდე არასდროს განხორციელებულა.
სოფელ როხში ე.წ. სანიკიანების უბნის რეაბილიტაცია რეგიონებში განსახორციელებელი პროექტების ფონდიდან და ადგილობრივი ბიუჯეტიდან ფინანსდება. სამუშაოებს ტენდერში გამარჯვებული სამშენებლო კომპანია შ.პ.ს. "ჯ და ჯ" ასრულებს. სამშენებლო სამუშაოები აგვისტოს ბოლოს დაიწყო და ნოემბერში დასრულდება.

სოფელ როხის ე.წ სანიკიანები უბნით 100-მდე ოჯახი სარგებლობს და ადგილობრივებისთვის სტრატეგიული მნიშვნელობისაა.

ქუთაისის მერიის შენობაში განთავსებული მედიაცენტრი გაქურდეს. წაღებულია "მთავარი არხის" ჟურნალისტის,ირაკლი ვაჩიბერაძის  ნოუთბუქი და “ტვ პირველის”  ვიდეო კამერა. კამერებში ჩანს, რომ ამ დროისთვის დაუდგენელი კაცი   07:15 საათზე შენობაში ფანჯრიდან შედის.

ადგილზე სამართალდამცავები მუშაობენ.როგორც შინაგან საქმეთა სამინისტროში  განაცხადეს, მომხდართან დაკავშირებით გამოძიება სსსკ-ის 177-ე მუხლით დაიწყო, რაც ქურდობას გულისხმობს.