ქუთაისის ცენტრალურ ბულვარში მდებარე კაფე „სავანეს“ მფლობელებმა პროკურატურას მიმართეს. მათ მუნიციპალური განვითარების ფონდის მიერ სავარაუდო კორუფციულ დარღვევებთან დაკავშირებით გამოძიების დაწყება მოითხოვეს. კაფის მფლობელებს მხარდაჭერას ,,ერთიანი ნაციონალური მოძრაობა,, უცხადებს.
,, მუნიციპალური განვითარების და ქუთაისის მერიის მიერ სასამართლოში წარდგენილი დოკუმენტაცია, რის საფუძველზეც შენობას ანგრევენ, გაყალბებული და არასრულია. დოკუმენტაცია იმდენად არასრულია, რომ ესკიზიც კი არ ახლავს იმ შენობის, რომლის გამოც მოქმედ შენობას ანგრევენ.
არავის ილუზია და არც იმის მოლოდინი არ აქვს, რომ ამათი პროკურატურა ამ საქმეზე გამოძიებას დაიწყებს ან მსვლელობას მისცემს, მაგრამ ძალიან მალე, როცა ჩვენ გვეყოლება დამოუკიდებელი პროკურატურა და სასამართლო, აუცილებლად მოუწევთ მსგავსი საქმეების თაროდან ჩამოლაგება და გამოძიების დაწყებაც კონკრეტულად იმ ადამიანებზე, რომლებიც სავარაუდო კორუფციული ინტერესების გამო, საბუთების გაყალბებით, სასამართლო კლანთან ერთად ცდილობენ კერძო საკუთრების მითვისებას“, - თემურ ცამციშვილი, ,,ერთიანი ნაციონალური მოძრაობის,, იმერეთის რეგიონული საბჭოს თავმჯდომარე.
შეგახსენებთ, ქუთაისის საქალაქო სასამართლომ კაფე,,სავანეს,, დემონტაჟის გადაწყვეტილება მიიღო.
