ქუთაისის სამარცხვინო ხელისუფლებისგან განსხვავებით...-რას წერს გიგა მაქარაშვილი?
საზოგადოება
გადასვლები: 877

ქუთაისის დაძმობილებული ქალაქის,დნიპროს დასახმარებლად სამოქალაქო აქტივისტი გიგა მაქარაშვილი სოციალურ ქსელში ინფორმაციას აქვეყნებს.

,, ქუთაისის სამარცხვინო ხელისუფლებისგან განსხვავებით, დნიპროს მერიასთან საქმიანი და ყოჩაღი ურთიერთობა გავაჩაღეთ .

 გახშირებული დაბომბვების ფონზე, საავადმყოფოებს მედიკამენტების დეფიციტი აქვთ.
ოლქის ჯანდაცამ გამოგვიგზავნა მედიკამენტების სია, რომელსაც  ნებისმიერ დაინტერესებულ პირს მოგაწვდით.
 
დნიპროს ოლქის საავადმყოფოების გასანათებლად სჭრდებათ სხვადასხვა სიმძლავრის რამდენიმე გენერატორი. ამ დეტალებსაც მოგცემთ, თუ ვინმე იყოჩაღებთ.
 
ქუთაისში, ზუგდიდში, ბათუმში რამდენიმე ჯგუფი მუშაობს დნიპროს დასახმარებლად. 
თუ კი ფარმაციაში საჭრო ხალხი გეგულებათ, არ დაზოგოთ, გაუზიარეთ ამბავი 
ყველაფერი გამოგვივა"-წერს მაქარაშვილი. 
 
შეგახსენებთ,უკრაინის ქალაქი დნიპრო რუსეთმა 14 იანვარს დაბომბა.
ქუთაისში, ავტოქარხნის დასახლებაში ახალი საბავშვო ბაღი აშენდება
საზოგადოება
გადასვლები: 891

 აზიის განვითარების ბანკის ფინანსური მხარდაჭერით  ქუთაისში, ავტოქარხნის დასახლებაში, 180 ბავშვზე გათვლილი, ახალი საბავშვო ბაღი შენდება. 

პროექტში გათვალისწინებულია შიდა და გარე სივრცეების, რეკრეაციული ზონების, კომუნიკაციების, სველი წერტილების კეთილმოწყობა.
ახალ საბავშვო ბაღში მოეწყობა სათამაშო და საძინებელი ოთახები, საპირფარეშო და ეზო.
ბაღის შენობა ადაპტირებული იქნება განსაკუთრებული საჭიროებების მქონე პირთათვის.
პროგრამის ჯამური ღირებულება 79 მილიონი ლარია, რომლის დასრულების შემდეგ, ჯამში 2275 ბავშვი ისარგებლებს განახლებული ინფრასტრუქტურით. პროგრამის ფარგლებში ქვეყნის მასშტაბით  20 ახალი საბავშვო ბაღი აშენდება.
ქუთაისი დნიპროსთვის-უკრაინულ მხარესთან პირველი კომუნიკაცია უკვე შედგა
საზოგადოება
გადასვლები: 725

ქუთაისი დნიპროსთვის-სამოქალაქო საზოგადოების ინიციატივითა და ორგანიზებით ქუთაისი დამეგობრებული ქალაქის დახმარებას იწყებს.სოციალურ ქსელში ჯგუფი შეიქმნა.წევრებმა და ორგანიზატორებმა პირველი ონლაინ კომუნიკაცია უკრაინულ მხარესთან უკვე განახორციელეს. 

დნიპროს მხარეს წარმოადგენდა საქველმოქმედო ფონდის ,, TAPS Ukraina" - დირექტორი იულია დმიტროვა , რომელიც ამავდროულად დნიპროს მერის მრჩეველია სოციალურ საკითხებში და  მჭიდრო კოორდინაციაშია ქალაქის მერიის სტრუქტურებთან. 
 როგორც ორგანიზატორები ამბობენ, საუბრისას გამოიკვეთა ,რომ დნიპროსთვის მნიშვნელოვანია ფინანსური დახმარება.  თანხა, რომლიც შეგროვდება, ფონდის ანგარიშზე გადაირიცხება.ანგარიში უახლოეს მომავალში დაიდება.
 
უკრაინის ქალაქი დნიპრო რუსეთმა 14 იანვარს დაბომბა.დნიპროს მერმა ბორის ფილატოვმა ქუთაისს,როგორც დაძმობილებულ ქალაქს,დახმარების თხოვნით მიმართა.
ხანძრის შედეგად დაზარალებულ მოქალაქეს ბაღდათის მერია დაეხმარება
საზოგადოება
გადასვლები: 1300

ბაღდათის მუნიციპალიტეტის სოფელ როხში ანიგრო კუნჭულიას საცხოვრებელი სახლი დაიწვა . 

ანიგრო კუნჭულია ხანდაზმულია და მარტო ცხოვრობს.    დაზარალებულის მდგომარეობას  ბაღდათის მუნიციპალიტეტის  მერი კახა ენუქიძე, საკრებულოს თავმჯდომარე ნოდარ გიორგიძესა და  ტერიტორიულ ერთეულში მერის წარმომადგენელ ლევან კაცაძესთან ერთად გაეცნო. 
ხანძრის შედეგად  მიყენებულ ზარალს, ბაღდათის მუნიციპალიტეტის მერიაში შესაბამისი სამსახური განიხილავს. 
ანიგრო კუნჭულიას ყველა იმ სერვისის ფარგლებში გაეწევა დახმარება,  რაც ბაღდათის მუნიციპალიტეტის მერიას ხანძრით დაზარალებული და ხანდაზმული  მოქალაქეებისთვის აქვს განკუთვნილი.
ამ ეტაპზე კი  ხანძრის შედეგად  დაზარალებული მოქალაქის საცხოვრებლით უზრუნველყოფა მოხდება.
როდემდე გაგრძელდება ქარიანი ამინდები?
საზოგადოება
გადასვლები: 661

გარემოს ეროვნული სააგენტოს ინფორმაციით,28 იანვრამდე საქართველოში მოსალოდნელია უნალექო ამინდი. 

 
 25 იანვრამდე  კოლხეთის დაბლობზე, ზემო იმერეთსა და გორი-სურამის გზის მონაკვეთზე დროგამოშვებით იქროლებს აღმოსავლეთის მიმართულების ძლიერი ქარი. ჰაერის ტემპერატურა დღის საათებში დასავლეთ საქართველოს დაბლობში +11, +16, აღმოსავლეთ საქართველოს ბარში კი +4, +9 გრადუსის ფარგლებშია მოსალოდნელი.
  
ქ. თბილისში უნალექო ამინდი იქნება. ჰაერის ტემპერატურა ღამის საათებში -1, -3, ხოლო დღის საათებში +6, +8 გრადუსის ფარგლებში დაფიქსირდება.
ქუთაისში უკრაინის ქალაქ დნიპროს დასახმარებლად ჯგუფი შეიქმნა
საზოგადოება
გადასვლები: 653

ქუთაისში უკრაინის ქალაქ დნიპროს დასახმარებლად სოციალურ ქსელში ჯგუფი "ქუთაისი დნიპროსთვის"  შეიქმნა.

 
დნიპრო,რომელიც რამდენიმე დღის წინ რუსეთმა დაბომბა,ქუთაისის დამეგობრებული ქალაქებიდან ერთ-ერთია.

"დნიპროს მერის გუშინდელ მიმართვას ქუთაისელების დიდი გამოხმაურება მოყვა.   გაერთიანებული ძალებით შესაძლებელია დიდ  საქმეებს გაბედულად შევეჭიდოთ.  
ბოროტებასთან მებრძოლი უკრაინელი გმირი ხალხი ჩვენგან დახმარებას ითხოვს.
დნიპროს მერის ბორის ფილატოვის ქუთაისისადმი მიმართვა და  დნიპრო-ქუთაისის წლების ურთიერთობა ,  დიდი პასუხისმგებლობა და  ერთგვარი ვალდებულებააცაა  თითოეული ქუთაისელისათვის, მძიმე დროს გასაჭირში მყოფი მეგობარი გააძლიეროს. 
საორგანიზაციო ჯგუფი, რომელიც გეგმავს დნიპროს და ქუთაისის ადგილობრივ თვითმმართველობებთან  ურთიერთთანამშრომლობასაც, საჭიროებებიდან გამომდინარე დასახავს მოქმედების გეგმას.  მჯერა   იდეების  და რესურსების გაერთიანებით და გავაძლიერებთ სიკეთის ენერგიას.  
ძალიან ბევრმა ადამიანმა უკვე გამოთქვა მზაობა. 
ყველა ინფორმაციას მოგაწვდით და თქვენს წინადადებებსაც მივიღებთ.
გავერთიანდეთ დნიპროსთვის!
სიკეთემ უნდა გაიმარჯვოს!"-წერია მიმართვაში.
 
 14 იანვარს  რუსეთის მიერ დაიბომბა ქალაქი დნიპრო. შედეგად დაიღუპა 46 მოქალაქე , მათ შორის 6 ბავშვი . დაშავდა 79  ადამიანი, მათ შორის 16 ბავშვი. ამ დრომდე დაკარგულად ითვლება 25ზე მეტი ადამიანი.
ქალაქი დნიპრო დნეპროპეტროვსკის ოლქის დედაქალაქი, სიდიდით უკრაინის მესამე ქალაქია მილიონიანი მოსახლეობით, რომელიც კიევის სამხრეთ-აღმოსავლეთ ნაწილში მდებარეობს მდინარე დნეპრზე.
  1. ეს არის დღეს საქმე- უკრაინის დახმარება-ხატია დეკანოიძე დნიპროს მერის განაცხადებაზე
  2. არა,ბიჭოს,ქუთაისელებზე ცუდს ვაფიქრებინებდით-გიგა მაქარაშვილი
  3. თაღლითობა-ვის და რატომ აძლევდნენ მოტყუებით ბინებს საირმესა და სხვა კურორტებზე
  4. ქარის შედეგად დაზარალებული მოსახლეობისთვის გადასახური მასალის დარიგება დაიწყო
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search