ქუთაისში, მოსწავლე-ახალგაზრდობის პარკთან დღეს და ხვალ საავტომობილო მოძრაობა სატესტო რეჟიმში განახლდება
საზოგადოება
გადასვლები: 948

ქუთაისში, ილია ჭავჭავაძის გამზირზე , მოსწავლე-ახალგაზრდობის პარკთან, საავტომობილო მოძრაობის უსაფრთხოების მარეგულირებელი ინფრასტრუქტურის მოწყობა დასრულდა. მიმდინარეობს საგზაო ნიშნების დამონტაჟება და გზის სავალი ნაწილის დახაზვა.
 10 და 11 სექტემბერს, გზის აღნიშნულ მონაკვეთზე, სატესტო რეჟიმში განახლდება საავტომობილო მოძრაობა.
12 სექტემბრიდან კი , ტრანსპორტი ახალი სატრანსპორტო სქემით იმოძრავებს.
 
 
ინფორმაციას ქუთაისის მერია ავრცელებს.
 
ქუთაისში,ფალიაშვილის ქუჩაზე მოძრაობა 10 სექტემბრიდან აღდგება
საზოგადოება
გადასვლები: 798

ქუთაისში, ფალიაშვილის ქუჩის რეაბილიტაციის ძირითადი სამუშაოები დასრულდა. ინფორმაციას ქუთაისის მერია ავრცელებს.
 
10 სექტემბრიდან ფალიაშვილის ქუჩაზე მოძრაობა ყველა ტიპის სატრანსპორტო საშუალებისთვის აღდგება.
 
ამ ქუჩაზე მოძრავი საზოგადოებრივი ტრანსპორტი დაუბრუნდება თავიანთ სვლა-გეზებს და კვლავ დადგენილი განრიგით იმოძრავებს რეაბილიტირებულ ქუჩაზე.
ავტობუსები და მიკროავტობუსები გავლენ წითელი ხიდის მიმდებარე ტერიტორიიდან.
 
ა(ა)იპ "სპეციალური სერვისების" თანამშრომლებმა  ფალიაშვილის ქუჩა უკვე მოაწესრიგეს.
 
 რუსთაველის გამზირზე, ტურიზმის ცენტრიდან მერიამდე მონაკვეთზე  ცალმხრივი მოძრაობა ისევ აღდგება.
ხარაგაულში არასრულწლოვანმა სავარაუდოდ თავი მოიკლა
საზოგადოება
გადასვლები: 730

იმერეთში მოზარდმა სიცოცხლე სავარაუდოდ თვითმკვლელობით დაასრულა.

ხარაგაულის მუნიციპალიტეტში მცხოვრები 17 წლის ლუკა ვეფხვაძე გარდაცვლილი საკუთარ სახლში იპოვეს.

როგორც შინაგან საქმეთა სამინისტროში განაცხადეს , გამოძიება სსსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

ბაღდათის მუნიციპალიტეტში მცხოვრებ 50 ობოლ ბავშვს სწავლის დაწყებასთან დაკავშირებით საჩუქრები გადაეცა
საზოგადოება
გადასვლები: 866

საქართველოს "წითელი ჯვარი"-ს ორგანიზაციამ, ბაღდათის მუნიციპალიტეტის მერიის და საკრებულოს წარმომადგენლებთან ერთად, მუნიციპალიტეტში მცხოვრებ ობოლ ბავშვებს, ახალი სასწავლო წლის დაწყება მიულოცეს და საჩუქრად ჩანთები და სასკოლი-საკანცელარი ნივთები გადასცეს. საქართველოს "წითელი ჯვარი"-ს ორგანიზაცია ბაღდათის მუნიციპალიტეტის ადგილობრივ ხელისუფლებასთან ერთად საქველმოქმედო აქციებს პერიოდულად აწყობს, ამჯერად საჩუქრები მუნიციპალიტეტის მასშტაბით 50 ბავშვს გადაეცა.

მომდევნო დღეებში საქართველოში თბილი და უნალექო ამინდები იქნება
საზოგადოება
გადასვლები: 637

9, 10 და 12 სექტემბერს საქართველოში მოსალოდნელია თბილი და უმეტესად უნალექო ამინდი. 11-12 სექტემბერს ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა დღის საათებში დასავლეთ საქართველოს დაბლობში +28, +33, ხოლო აღმოსავლეთ საქართველოს ბარში +24, +29 გრადუსის ფარგლებში იქნება.
11 სექტემბერს აღმოსავლეთ საქართველოს ზოგიერთ რაიონში წვიმა და ნისლია მოსალოდნელი. ტემპერატურა +18, +23 გრადუსამდე დაიკლებს, 12 სექტემბერს კი +25, +30 გრადუსამდე დათბება.
ქ. თბილისში 11 სექტემბერს გრილი(დღისით +20, +22 გრადუსი) და დღის პირველ ნახევარში წვიმიანი ამინდია მოსალოდნელი, დანარჩენ დღეებში კი (9, 10 და 12 სექტემბერს) თბილი და უნალექო ამინდი იქნება. ჰაერის ტემპერატურა +26, +28 გრადუსის ფარგლებში დაფიქსირდება.
ქუთაისის საკრებულოს წევრი სკოლებში არსებული საცურაო აუზების კეთილმოწყობას ითხოვს და ხელისუფლებას მიმართავს
საზოგადოება
გადასვლები: 777

ქუთაისის  საკრებულოს წევრი ,(პარტია "საქართველოსთვის" ) ელეონორა არჩაია განცხადებას ავრცელებს.
 
,,მეგობრებო, პრობლემა, რომელზეც ახლა ვწერ ახალი არ არის ჩვენი ქალაქისთვის.
ქუთაისის შვიდ საჯარო სკოლაში განთავსებულია თავის დროზე სათანადოდ აღჭურვილი საცურაო აუზები, რომლებიც 15 ათას მოსწავლეზეა გათვლილი. თუმცა, ჯანსაღი ცხოვრებისთვის ასე საჭირო ინფრასტრუქტურით, მოზარდები ვერ სარგებლობენ, რადგან აღნიშნული აუზები გაუქმებულია. ზოგი საწყობადაა გადაქცეული, ზოგიც კი - ნაგავსაყრელად.
როგორც ამ ქალაქის მკვიდრი და პირველ რიგში მშობელი, თავს მოვალედ ვთვლი, მოგიწოდოთ აღნიშნული სკოლების დირექტორებსა და მშობლებს, გააქტიურდეთ და მოითხოვოთ საცურაო აუზებისათვის პირვანდელი ფუნქციის დაბრუნება.
თხოვნით მოგმართავთ ქალაქის ხელისუფლებას, განათლების სამინისტროს, მხარის გუბერნატორს, მაჟორიტარ დეპუტატს.. ყველას, ვისაც ხელგეწიფებათ აღნიშნული საკითხის მოგვარება, ყურად იღოთ ჩემი მომართვა და დაეხმაროთ სკოლებს არსებული პრობლემის მოგვარებაში.
მით უფრო, ყველამ კარგად ვიცით, რომ ოჯახების უმრავლესობას არ აქვს ფინანსური საშუალება, ძვირადღირებულ აუზებზე ატარონ შვილები.
ქვეყანას ჯანსაღი მომავალი სჭირდება.
ჩვენი უპირველესი ვალია, სათანადო გარემო შევუქმნათ მათ ცხოვრების სწორი წესისა და ორიენტირებისათვის.,,-წერს ოპოზიციური პარტიის წევრი სოციალურ ქსელში.
  1. ფემიციდის მორიგი შემთხვევა-იმერეთში ქმარმა ცოლი მოკლა
  2. ეროვნული სატყეო სააგენტოს თანამშრომლებმა იმერეთში ხე-ტყის უკანონო მოპოვებისა და ტრანსპორტირების 6 ფაქტი გამოავლინეს
  3. იმერეთსა და საქართველოს სხვა რეგიონებში ნარკოდანაშაულისთვის10 პირი დააკავეს
  4. იმერეთში აგვისტოში ხე-ტყის უკანონო მოპოვებისა და ტრანსპორტირების 21 ფაქტი დაფიქსირდა
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search