ქუთაისში   37 წლის თინათინ ორმოცაძე მე-7 შვილის დედა გახდა.  ახალშობილი მართა გალანტია  და დედა თავს კარგად გრძნობენ. მათ უკვე დატოვეს სამშობიარო სახლი.

სურსათის ეროვნულმა სააგენტომ დაავადებათა კონტროლისა და საზოგადოებრივი ჯანმრთელობის ეროვნული ცენტრიდან მიიღო მორიგი შეტყობინება ტრიქინელოზის კლინიკურად დადასტურებული შემთხვევის შესახებ.

 6-7 ივლისს დასავლეთ საქართველოში შენარჩუნებული იქნება ცხელი და უმეტესად უნალექო ამინდი. ჰაერის ტემპერატურა ზოგან +35, +37 გრადუსამდე მოიმატებს.  8-9 ივლისს ტემპერატურა +25, +30 გრადუსამდე დაიკლებს და    მოსალოდნელია წვიმა ელჭექით.

 ქუთაისის საქალაქო სასამართლომ ქალთა საფეხბურთო კლუბ "მართვეს,, მწვრთნელის მხრიდან 9 ქალი ფეხბურთელის მიმართ  სექსუალური შევიწროება დაადგინა. ინფორმაციას  ორგანიზაცია "პარტნიორობა ადამიანის უფლებებისთვის" ავრცელებს. 

საავტომობილო გზების დეპარტამენტის ინფორმაციით, შპს „ჯორჯიან მანგანეზის“ მიერ, საერთაშორისო მნიშვნელობის თბილისი–სენაკი–ლესელიძის საავტომობილო გზის კმ195-196 (ქ. ზესტაფონი) მონაკვეთზე, 2023 წლის 3 - 7 ივლისს, დაგეგმილია პირველი და მეორე მთავარი სარკინიგზო ლიანდაგების კვეთაზე არსებული გადასასვლელების კაპიტალური შეკეთება. რის გამოც, 2023 წლის 3, 4, 5, 6 და 7 ივლისს, ყოველდღე 10:00 სთ-დან, 18:00 სთ-მდე, აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა. ხოლო, დღე-ღამის დანარჩენ  პერიოდში ავტოტრანსპორტის მოძრაობა თავისუფალია.

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს მიერ, გასულ კვირას განხორციელებული კვლევების შედეგების მიხედვით, შავი ზღვის წყლის სინჯებში ბიოგენური ელემენტების, მძიმე მეტალებისა და ჯამური ნავთობის ნახშირწყალბადების კონცენტრაციები ნორმის ფარგლებშია.