ჭიათურის მუნიციპალიტეტის სოფელ შუქრუთში აქციის 180-ე და  შიმშილობის მერვე დღეა.პროტესტის უკიდურეს ფორმას უკვე  ხუთმა ადგილობრივმა მიმართა.სოფლის მაცხოვრებლები პრობლემის გადაჭრაში  ცენტრალური მთავრობის ჩართულობას ითხოვენ.

ჭიათურის მუნიციპალიტეტში, კოროხნალისა და შუქრუთის მაღაროების შესასვლელთან, აქცია უკვე მეექვსე თვეა იმართება. სოფელ შუქრუთში მცხოვრები 35-მდე ოჯახის წარმომადგენლები კომპანია „ჯორჯიან მანგანეზისგან“ ზიანის ანაზღაურებას მოითხოვენ და ღამეს კარავში ათევენ.

აქციის მონაწილეებს პიკეტირებული აქვთ მაღაროს შესასვლელი და 14 მარტის შემდეგ, კომპანიას წიაღისეულის მოპოვების შესაძლებლობას არ აძლევენ.

იმერეთში 2024 წელს 176 984 125 ლარის ღირებულების 2 745 პროექტი ხორციელდება. ამ მიმართულებით სამუშაოები 12-ვე მუნიციპალიტეტში აქტიურად მიმდინარეობს. 

ქუთაისის ცენტრალურ მოედანზე მდებარე მუზეუმის ნაცვლად, მალე ქალაქს მულტიფუნქციური საგამოფენო სივრცე ექნება თავისი რეკრეაციული ინფრასტრუქტურით. აღნიშნულ ობიექტზე სამუშაოები ინტენსიურად მიმდინარეობს. 

ასევე ქალაქში აქტიური სამუშაოებია დასასვენებელი სივრცეების შექმნის თვალსაზრისით. მიმდინარე წელს ქალაქს 6 ახალი სივრცე დაემატა, ამ ეტაპზე სამუშაოები კიდევ 6 ლოკაციაზე ხორციელდება. გარდა ამისა, პროექტები სპორტული ინფრასტრუქტურის მოწესრიგების კუთხითაც მიმდინარეობს. 

,,ყველა პროექტი, რომელიც იმერეთში ხორციელდება მოქალაქეების საჭიროებებზეა მორგებული. რეგიონში სამუშაოები სხვადასხვა მიმართულებით მიმდინარეობს. მონიტორინგის ფარგლებში რამდენიმე ლოკაციაზე გავეცანით სამშენებლო პროცესს და ადგილზე მოვისმინეთ ინფორმაცია ვადებისა და ექსპლუატაციაში შესვლის შესახებ.

2024 წელს იმერეთში სხვადასხვა მიმართულების 2 745 ინფრასტრუქტურული პროექტი განხორციელდება“ - ლევან ზალკალიანი.

მიმდინარე წელს იმერეთის რეგიონში სხვადასხვა ინფრასტრუქტურულ პროექტებზე, რომელთა სამუშაოების შესყიდვა ადგილობრივმა მუნიციპალიტეტებმა განახორციელეს, დასაქმებულთა რაოდენობამ ჯამში 3 000-ზე მეტი ადგილობრივი შეადგინა.

 შპს „მაღაროელმა“ შუქრუთის პროტესტში მონაწილე 3 პირი – რომან მეგრელიშვილი, მალხაზ ლაბაძე და გიორგი ცარციძე სამსახურიდან გაათავისუფლა.

გათავისუფლების შესახებ დოკუმენტში მიზეზად წერია-"დასაქმებულმა ჩაიდინა ქმედება, რომელიც მიმართულია კომპანიის სამუშაო პროცესის შეფერხებისა და ზიანის მიყენებისკენ".  

,,დღეს ჩაბარდათ განთავისუფლების ბრძანება , მექრთამეებისა და კრიმინალების კომპანია ,,ჯორჯიან მანგანეზი,,  სახლებს სასაფლაოების, ტაძრებს და ჩვენ საცხოვრის გარემოს რო ანადგურებს , თურმე მონურად უნდა დამორჩილდე და ხმის ამოღება დანაშაული ყოფილა,,-წერს გვერდი ,,სოფელ შუქრუთის გადასარჩენად,,

ჭიათურის მუნიციპალიტეტის სოფელ შუქრუთში 1 სექტემბრიდან ოთხმა ადამიანმა პროტესტის უკიდურეს ფორმას მიმართა და პირი ამოიკერა.აქციები სოფელში 178 დღეა გრძელდება. მოსახლეობა,,ჰორჯიან მანგანეზის,, საქმიანობას აპროტესტებს  

 2023 წლის 4 სექტემბრიდან საქართველოს 4 დიდ ქალაქში - თბილისში, რუსთავში, ქუთაისსა და ბათუმში, გარემოსდაცვითი ზედამხედველობის დეპარტამენტი მოძრავი ავტოსატრანსპორტო საშუალებების გამონაბოლქვის კონტროლს ახორციელებს. 

საწყის ეტაპზე შემოწმების პროცესში 10 ეკიპაჟი (5 თბილისში, 2 ქუთაისში, 2 ბათუმში, 1 რუსთავში) იყო ჩართული. კონტროლის ეფექტიანობის გაზრდის მიზნით, ავტომობილების რაოდენობა 5 ეკიპაჟით გაიზარდა - 2 ეკიპაჟი დაემატა თბილისში, თითო-თითო კი, ქუთაისში, რუსთავსა და ბათუმში. ეკიპაჟები აღჭურვილია ყველა საჭირო ხელსაწყოთი და აპარატურით.  

კანონის ამოქმედებიდან 2024 წლის 3 სექტემბრის ჩათვლით, გარემოსდაცვითი ზედამხედველობის დეპარტამენტის ეკიპაჟების მიერ, მოძრავი ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობისთვის, ჯამში, 7193 იურიდიული და ფიზიკური პირი დაჯარიმდა. ყველაზე მეტი - 3453 დარღვევა დაფიქსირდა თბილისში, 1403 - ქუთაისში, 1233 - ბათუმში, 1104 - ქალაქ რუსთავში. დაჯარიმებული 7193 სამართალდამრღვევიდან, 6267 ფიზიკური პირია, ხოლო 926 - იურიდიული პირი. 4463 საჯარიმო ქვითარი მსუბუქი ავტომობილების მძღოლების მიმართ არის შედგენილი, 2434 - მიკროავტობუსის, 287 - სატვირთო ავტომობილის, 9 - ავტობუსის.

 ავტოსატრანსპორტო საშუალებების გამონაბოლქვის კანონმდებლობით დადგენილ ნორმასთან შეუსაბამობისთვის, ფიზიკური პირის შემთხვევაში, ჯარიმის ოდენობა პირველ ჯერზე 100 ლარია, მეორე ჯერზე - 300 ლარი, მესამე ჯერზე - 600 ლარი. იურიდიული პირის შემთხვევაში კი, ჯარიმა, შესაბამისად, 500, 1500 და 3000 ლარია. ჯარიმის 10 დღის ვადაში გადახდის შემთხვევაში, სამართალდამრღვევს ჯარიმის ოდენობა 20%-ით შეუმცირდება.

ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძესთან, საგანმანათლებლო რესურს ცენტრის ხელმძღვანელ ნინო მშვილდაძესთან, მერიისა და საკრებულოს წარმომადგენლებთან ერთად, წარმატებულ პირველკურსელებს შეხვდა.

 " გილოცავთ ეროვნული გამოცდების წარმატებით დასრულებას. ბაღდათის მუნიციპალიტეტის საჯარო სკოლებმა ტრადიცია წელსაც არ დაარღვია და კარგი შედეგებით გაგვახარა, რაც ძალიან მნიშვნელოვანია ჩვენი მუნიციპალიტეტისთვის.

კიდევ ერთხელ გილოცავთ სტუდენტობას, ვისურვებდი უმაღლეს სასწავლებელში მიღებული თქვენი ცოდნა მომავალში ბაღდათის კეთილდღეობას მოახმაროთ".-განაცხადა ბაღდათის მუნიციპალიტეტის მერმა კახა ენუქიძემ.

ბაღდათის მუნიციპალიტეტიდან წელს უმაღლეს სასწავლებლებში, მაღალი შეფასებით 20 პირველი კურსელი ჩაირიცხა.

ქალმა ფეხბურთელებმა სექსუალური შევიწროების საქმე ქუთაისის სააპელაციო სასამართლოშიც მოიგეს.ინფორმაციას,,პარტნიორობა ადამიანის უფლებებისთვის,, ავრცელებს . 

ქუთაისის სააპელაციო სასამართლომ ძალაში დატოვა პირველი ინსტანციის გადაწყვეტილება და მწვრთნელის მხრიდან სექსუალური შევიწროების ფაქტი დაადგინა. 

2023 წლის 4 ივლისს, ქუთაისის საქალაქო სასამართლოს მოსამართლე მანანა ნიკაჭაძემ ქალთა საფეხბურთო კლუბი „მართვე“ და მისი მწვრთნელი პაატა დოგრაშვილი პასუხისმგებლად ცნო ამავე კლუბის 9 ქალი ფეხბურთელის მიმართ სექსუალურ შევიწროებაში.დოგრაშვილი ბრალს არ აღიარებს. 

ფეხბურთელები ყოფილ მწვრთნელს სხვადასხვა სახის დისკრიმინაციაში, მათ შორის, სქესისა და ეთნიკური ნიშნით დისკრიმინაციაში ადანაშაულებენ.