,,სოფელ შუქრუთის გადასარჩენად”,  ,,ნუ გვინგრევთ სახლებს, ნუ გვაქცევთ ლტოლვილებად”, „სოლიდარობა შუქრუთს” - ამ ლოზუნგებით პარლამენტის წინ ჭიათურის მუნიციპალიტეტის სოფელ შუქრუთის მოსახლეობის აქცია გაიმართა. 

ამ დროისთვის პროტესტის უკიდურეს ფორმას ხუთმა ადამიანმა მიმართა. მათ პირი ამოიკერეს.ისინი  „ჯორჯიან მანგანეზის” საქმიანობას აპროტესტებენ და ამბობენ,რომ საცხოვრებელი სახლები ენგრევათ.ადგილობრივები ღირსეულ კონპენსაციას  ითხოვენ და პრობლემით დაინტერესებას ცენტრალურ ხელისუფლებას თხოვენ.

მოშიმშილეები ღამის გათენებას პარლამენტის წინ აპირებენ.

ფოტო-ნინო გოგუა

 12 სექტემბრის დღის ბოლოდან 13 სექტემბრის დღის ბოლომდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა და ელჭექის დროს ქარის შკვალური გაძლიერება. 

ქუთაისში, დავით კაკაბაძის სახელობის სახვითი ხელოვნების გალერეის კედელზე  ,,ქართული ოცნების,, მხარდამჭერი პლაკატები გააკრეს.შენობა კულტურული მემკვიდრეობის ძეგლის სტატუსს ატარებს.

,,ეს არის დავით კაკაბაძის სახელობის სახვითი ხელოვნების გალერეა. შენობა რომელიც შეტანილია კულტურული მემკვიდრეობათა ნუსხაში. მსგავსი ტიპის შენობებზე პოსტერების,პლაკატების გაკვრა განთავსება დასჯადია კანონით. რათქმაუნდა ამ კონკრეტულ შემთხვევაში არა.

სამაგიეროდ როდესაც ანტი საოკუპაციო და რუსული კანონის წინააღმდეგ გაკრული პოსტერებს ქართული ოცნება ხედავდა ბოძებზეც კი მყისიერი რიაგირებით აჯარიმებდა ახალგაზრდებს.,,-წერს გიორგი კილაძე, "კოალაცია ცვლილებისთვის- გვარამია, მელია, გირჩი, დროა"

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, აჭარასა და იმერეთში 2 უკანონო სახერხი საამქრო გამოავლინეს. 

ჭიათურის მუნიციპალიტეტის სოფელ რცხილათში , მოქალაქეს საკარმიდამო ნაკვეთის ტერიტორიაზე უკანონოდ ჰქონდა მოწყობილი ცირკული ტიპის სახერხი საამქრო. ტერიტორიიდან ამოღებულია წიწვოვანი სახეობის 2 ერთეული დაუფირნიშებელი მრგვალი ხე-ტყე (მორი). 

ლენტური ტიპის არარეგისტრირებული სახერხი დანადგარი დალუქულია შუახევის მუნიციპალიტეტის სოფელ შუბანში. მიმდებარე ტერიტორიაზე მოქალაქეს განთავსებული ჰქონდა უკანონოდ მოპოვებული ხე-ტყე - 18 ერთეული წიწვოვანი სახეობის დაუფირნიშებელი მორი. 

ვინაიდან ორივე ფაქტი სისხლის სამართლის დანაშაულის ნიშნებს შეიცავს, მასალები, შემდგომი რეაგირების მიზნით, შესაბამის უწყებებში გადაიგზავნა. 

 უახლოეს დღეებში საქართველოს ზოგიერთ რაიონში მაღალი ტემპერატურის ფონზე მოსალოდნელია ხანმოკლე წვიმა და ელჭექი.

ქ. თბილისში შესაძლოა ხანმოკლე წვიმა აღინიშნოს. ჰაერის ტემპერატურა დღისით +31, +33 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): ცხელი და უნალექო ამინდია მოსალოდნელი. ჰაერის ტემპერატურა დღისით +33, +35 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 10-11 სექტემბერს ცხელი და უნალექო ამინდია მოსალოდნელი, 12 სექტემბერს კი ზოგან გაწვიმდება. ჰაერის ტემპერატურა დღისით +36, +38 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +30, +34 გრადუსი იქნება. 

დასავლეთ საქართველოს მაღალმთიან რაიონებში (მესტია, ბახმარო): ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +25, +30 გრადუსი იქნება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან მოსალოდნელია ხანმოკლე წვიმა ელჭექით, შესაძლებელია სეტყვა და ქარის გაიერება. ჰაერის ტემპერატურა დღისით +33,+35 გრადუსი იქნება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან მოსალოდნელია ხანმოკლე წვიმა ელჭექით, შესაძლებელია სეტყვა და ქარის გაძლიერება. ჰაერის ტემპერატურა დღისით +32, +35გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +31, +33 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ჰაერის ტემპერატურა დღისით +24, +26 გრადუსი იქნება.

ჭიათურის მუნიციპალიტეტის სოფელ შუქრუთის მაცხოვრებლები  11 სექტემბერს, 19:00 საათზე, პარლამენტის წინ შეკრებას აანონსებენ და საზოგადოებას მხარდაჭერისკენ მოუწოდებენ.

მე-9 დღეა, რაც შუქრუთში ხუთმა  ადგილობრივმა პროტესტის უკიდურეს ფორმას მიმართა და პირი ამოიკერა.

პროტესტის მონაწილე მაღაროელები და ადგილობრივი მოსახლეობის ნაწილი კომპანია “ჯორჯიან მანგანეზისგან” 2019-2021 წლის პროტესტის შედეგად მიღწეული შეთანხმების შესრულებას ითხოვენ.

 ისინი ცენტრალურ მთავრობას პრობლემის მოგვარებაში დახმარებას თხოვენ.

შუქრუთში დღეს პროტესტის 181-ე დღეა.