ჯორჯიან მანგანეზმა" თანამშრომლების დათხოვნა დაიწყო. კომპანია მაღაროელებს ხელმოსაწერად სთავაზობს   დოკუმენტს,რომლის მიხედვითაც ისინი სამსახურის გარეშე რჩებიან და თანახმა არიან კონკურსში მიიღონ მონაწილეობა.  გაფიცულები მაღაროელები ყველას მოუწოდებენ,აღნიშნულ საბუთს  ხელი არ მოაწერონ .

,,არ მოაწერო ხელი! თუ შენ ხელს მოაწერ კომპანიის შემოთავაზებულ განცხადებას, იცოდე, რომ ხელს აწერ სამუშაოს დაკარგვას.

 კომპანიის განცხადებაზე ხელმოწერით, შენ ადასტურებ, რომ კომპანიის მიმართ არ გაქვს და არც მომავალში გექნება პრეტენზია და რომ ეთანხმები კომპანიის გადაწყვეტილებას რეორგანიზაციის დაწყების და სამსახურიდან მასობრივი დათხოვნის შესახებ.

 კომპანიის განცხადებაზე ხელმოწერით, შენ რჩები კომპანიის ნების ამარა, რომ დაგაბრუნებს სამსახურში. ოღონდ იმ პირობებით, რაც მისთვის იქნება მისაღები.

ეს გულისხმობს იმას, რომ შეგიმცირდება ხელფასი და შეგეცვლება სამუშაო რეჟიმი.

 კომპანიის განცხადებაზე ხელმოწერით, შენ ეთანხმები მხოლოდ 8-საათიან სამუშაო დღეს და ეთანხმები ვახტური რეჟიმის გაუქმებას, რაც ავტომატურად აუქმებს შენი ასობით თანამშრომლის სამუშაო ადგილს.

 კომპანიის განცხადებაზე ხელმოწერით, შენ გადასტურებინებენ ტყუილს, რომ განგემარტა შენი კანონით განსაზღვრული უფლებები.,,-წერია მაღაროელების მიერ გავრცელებულ ინფორმაციაში. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, აჭარაში, იმერეთსა და სამცხე-ჯავახეთში 3 უკანონო სახერხი საამქრო გამოავლინეს.  

1 ლენტური და 1 ცირკული ტიპის სახერხი დანადგარი დალუქულია შუახევის მუნიციპალიტეტის სოფელ ბრილსა და წყალტუბოს მუნიციპალიტეტის სოფელ ფარცხანაყანევში, მოქალაქეების საკარმიდამო ნაკვეთებში.   

ვინაიდან ფაქტები შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებებში გადაიგზავნა.

ბორჯომის მუნიციპალიტეტის დაბა ახალდაბაში კი, უკანონო სახერხი საამქრო გარემოსდაცვითი ზედამხედველობის დეპარტამენტის თანამშრომლებმა შსს-ს ბორჯომის რაიონული სამმართველოს თანამშრომლებთან ერთად ჩატარებული ღონისძიების შედეგად გამოავლინეს. ლენტური ტიპის სახერხი დანადგარი მოქალაქეს საცხოვრებელი სახლის ეზოში ჰქონდა დამონტაჟებული. აღნიშნულ ფაქტზე ბორჯომის შინაგან საქმეთა რაიონულ სამმართველოში გამოძიება დაიწყო. 

 ქუთაისის ცენტრალური პარკის რეაბილიტაცია დასკვნით ეტაპზეა.

დასრულებულია სარწყავი და სადრენაჟე სისტემების მოწყობის, ენერგოეფექტური განათების ბოძების მონტაჟის, არსებული შადრევნების განახლების და საფეხმავლო ბილიკების მოპირკეთების სამუშაოები. პარკში, არსებული გეგმარების უცვლელად, დამახასიათებელი არქიტექტურული ელემენტების გამოყენებით, განახლდა მხოლოდ არსებული ინფრასტრუქტურა. პარკში მოეწყო მედიათეკა და დენდროლოგიური პროექტის შესაბამისად, დამატებით დაირგო ახალი ხე-მცენარეები. ცენტრალურ ნაწილში მოეწყო „გვირილობის მოედანი“, ხოლო ქვედა ნაწილში შეიქმნა ახალი რეკრეაციული სივრცე — „ვარდების ხეივანი“.

ცენტრალური პარკის დასრულების შემდეგ ქუთაისს კეთილმოწყობილი, მრავალფუნქციური, სრულად განახლებული დასასვენებელი სივრცე ექნება, განახლებული ინფრასტრუქტურა ადაპტირებული იქნება როგორც შშმ პირებისთვის, ასევე საბავშვო ეტლით მოსარგებლე მშობლებისთვის.

,,ქალაქებისა და კურორტების განვითარების პროგრამის“ ფარგლებში, ვარლამიშვილის, წმინდა ნინოს, მარი ბროსესა და მიხეილ ლერმონტოვის ქუჩებზე აქტიურად მიმდინარეობს სარებილიტაციო სამუშაოები. ვარლამიშვილისა და წმინდა ნინოს ქუჩებზე უკვე დასრულებულია წყალარინებისა და სანიაღვრე სისტემების მოწყობის, საინჟინრო კომუნიკაციების მიწის ქვეშ განთავსების სამუშაოები, სრულად რეაბილიტირებულია საავტომობილო და საფეხმავლო გზის საფარი, დამონტაჟებულია გარე განათების თანამედროვე სისტემა.

პროექტებს ინფრასტრუქტურის სამინისტროს მუნიციპალური განვითარების ფონდი ახორციელებს, რომლის ჯამური ინვესტიცია 150 მილიონ ლარს აღემატება.

საგამოძიებო სამსახურმა განსაკუთრებით დიდი ოდენობით უაქციზო სიგარეტის შენახვის ფაქტზე ერთი პირი დააკავა.

საგამოძიებო მოქმედებების შედეგად, სამეგრელოს რეგიონში, ბრალდებულისგან ამოღებულ იქნა სარეალიზაციოდ განკუთვნილი, ჯამში, 38 190 კოლოფი უაქციზო სიგარეტი, რომლის საერთო საბაზრო ღირებულება 179 000 ლარს აღემატება.

გამოძიება მიმდინარეობს საქართველოს სისხლის სამართლის კოდექსის მე-200 მუხლის მე-3 ნაწილით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე ვადით.

ჭიათურა მენეჯმენტ კომპანი,რომელიც ქალაქში მაღაროების მუშაობაზეა პასუხისმგებელი, განაცხადებას ავრცელებს. განცხადების მიხედვით,მაღაროების ამუშავება ბლოკირების პირობებში ვერ მოხდება.

,,ჭიათურაში სამთო წარმოების აღდგენა და რეორგანიზაცია დაიგეგმა. წარმოების განახლების პროცესს მაღალკვალიფიციური მენეჯერი მიხეილ სოცკი უხელმძღვანელებს, რომელიც წლების განმავლობაში ურთულეს სამთო ტექნოლოგიურ პროექტებს მართავდა.

მიხეილ სოცკი მოწვეული იყო სამმხრივი კომისიის ფარგლებში შექმნილ სამუშაო ჯგუფში ექსპერტის სტატუსით. სწორედ მისი აქტიური მონაწილეობით შემუშავდა სტაბილურობასა და ეფექტიანობაზე გათვლილი ჭიათურის მაღაროების გახსნის გეგმა.

ახალმა ხელმძღვანელმა უკვე გამართა გაცნობითი სამუშაო შეხვედრა ჭიათურის საწარმოების მენეჯერებთან. 

შემუშავებული გეგმის მიხედვით წარმოების აღდგენა განხორციელდება მხოლოდ რეორგანიზაციის პირობებში. ეს ნიშნავს, რომ ცვლილებები შეეხება ყველა რგოლს, როგორც ტექნიკურ პერსონალს, ასევე ადმინისტრაციის თანამშრომლებს. სწორედ ეს არის ერთადერთი გზა მომგებიანი, სტაბილური და უსაფრთხო ოპერირების დასაბრუნებლად. ყველა თანამშრომელი დეტალურად ინფორმირებული იქნება დაგეგმილი ცვლილებების შესახებ და მათთან კომუნიკაცია გამჭვირვალედ და ეტაპობრივად წარიმართება.

ამავე დროს, რეორგანიზაციის პარალელურად დაიწყება დახურული მაღაროების ტექნიკური ინსპექტირება. თითოეული მაღაროს შესწავლის შემდეგ დაიწყება აღდგენა - გადამაგრებითი სამუშაოები.

კომპანიის პოზიცია უცვლელია –პიკეტირების პირობებში წარმოების აღდგენა შეუძლებელია. 

კომპანია გადაჭრით აცხადებს: ჭიათურაში სამთო წარმოება ან გაიხსნება ახალ წესებზე დაფუძნებული მოდელით – ან საერთოდ ვერ აღდგება.

ამ პროცესის დაწყება შეუძლებელია მაღაროების ბლოკირების პირობებში. ადგილობრივი ჯგუფების მიერ მაღაროები უკვე ერთ წელზე მეტია პარალიზებულია. განსაკუთრებით მძიმეა ვითარება შუქრუთისა და კოროხნალის მაღაროებში, საიდანაც კომპანია მადნის 70%-ზე მეტს მოიპოვებდა – ამ მოცულობის დანაკარგი პირდაპირ აზიანებს როგორც კომპანიას, ასევე საფრთხეს უქმნის რეგიონს .

მოვუწოდებთ ადგილობრივ ჯგუფებს, შეწყვიტონ პიკეტირება და ხელი არ შეუშალონ ჭიათურაში სამთო წარმოების აღდგენას.,,-წერია განცხადებაში.

ვანის მუნიციპალიტეტში შიდა სახელმწიფოებრივი მნიშვნელობის ბაღდათი-ვანი-დაფნარის გზის კმ 15-23 მონაკვეთზე სამუშაოები მიმდინარეობს. პროექტი საავტომობილო გზების დეპარტამენტის დაფინანსებით ხორციელდება და ღირებულება 3 200 000 ლარს შეადგენს. 

სამუშაოები მოიცავს საავტობილო გზის ვაკისის სუსტი გრუნტების შეცვლას, ასფალტ-ბეტონის შემასწორებელ და ზედა ფენის დაგებას, გვერდულების კეთილმოწყობას, საგზაო ნიშნების და უსაფრთხოების მარეგულირებლების,ასევე კიუვეტების და მიერთებების მოწესრიგებას.

აღნიშნული პროექტი ორ ეტაპად განხორციელდება და მეორე ეტაპის ფარგლებში დაგეგმილია გზის კმ 23-29 მონაკვეთის რეაბილიტაცია, რომელზეც ამჟამად საპროექტო სამუშაოები მიმდინარეობს.