ქუთაისელი სპორტსმენების წარმატება ტყვიის სროლის საერთაშორისო ტურნირში
სპორტი
გადასვლები: 1186

 ნინო სალუქვაძის ტირში, ტყვიის სროლაში „შ. ქველიაშვილის სახელობის მე-15 ტრადიციული საერთაშორისო ტურნირი ჩატარდა. 

შეჯიბრებაზე წარმატებით იასპარეზეს ქუთაისელმა სპორტსმენებმა. ჩვენმა გუნდმა ტურნირზე 1 ოქროს, ორი ვერცხლის და ორი ბრინჯაოს მედალი მოიპოვა. 
 
ვაჟთა შორის ჩემპიონი გახდა ქუთაისელი გიორგი მუმლაძე. ვერცხლის მედალი მოიპოვა მისმა თანაგუნდელმა იოანე ხვარეშიამ. 
 
ახალგაზრდები 
1 გიორგი მუმლაძე (ქუთაისი) - 557 (88, 90, 94, 94, 95, 96)
2.  იოანე ხვარეშია (ქუთაისი) - 555 (88, 90, 92, 96, 95, 94)
3. შოთა სუმბაძე (თელავი) - 551 (90, 94, 92, 89, 96, 90)
 
ქალთა ტურნირში  მეორე ადგილზე გავიდა ნინო ხუციბერიძე, ბრინჯაოს მედალი მოიპოვა მარიამ ჩაგანავამ. 
ჩემპიონი ჩვენი თანაქალაქელი ლიზი კილაძე გახდა , რომელიც თბილისის გუნდის შემადგენლობაში ასპარეზობდა. 
 
1. ლიზი კილაძე (თბილისი; ტ.ნ.ს.) -  568 ქულა (96, 96, 94, 97, 92, 93)
2. ნინო ხუციბერიძე (ქუთაისი) - 564 (98, 94, 91, 94, 95, 92)
3. მარიამ ჩაგანავა (ქუთაისი) - 553 (91, 91, 94, 91, 94, 92) 
 
შერეულ წყვილთა შეჯიბრებაში  გამარჯვება მასპინძელთა კლუბის - "ტირი ნინო სალუქვაძე" წევრებს - მარიამ მარშავას და აკაკი მოსულიშვილს დარჩათ. ქუთაისს ხუციბერიძე-ხვარეშიას წყვილი წარმოადგენდა, რომლებმაც ტურნირი ბრინჯაოს მედლით დაასრულეს. 
 
1. მარიამ მარშავა-აკაკი მოსულიშვილი (თბილისი, ტ.ნ.ს.) - 379 ქულა
2. მარიამ ფროდიაშვილი (თელავი) - მიხეილ სანიკიძე (თბილისი, ტ.ნ.ს.) - 378
3. ნინო ხუციბერიძე-იოანე ხვარეშია (ქუთაისი) - 371
ქუთაისის ტორპედოს დროებით შოთა ბაბუნაშვილი ჩაიბარებს
სპორტი
გადასვლები: 1283

ქუთაისის "ტორპედოს" მომდევნო შეხვედრებში  შოთა ბაბუნაშვილი უხელმძღვანელებს.ინფორმაცია გუნდის ფეისბუქგვერდზე ვრცელდება. "ტორპედო" მომდევნო მატჩს 7 ნოემბერს,ქობულეთში გამართავს და ადგილობრივ გუნდს დაუპირისპირდება.

 შოთა ბაბუნაშვილი საფეხბურთო კლუბს დროებით,სავარაუდოდ წლის ბოლომდე ჩაიბარებს.ის "ტორპედოს" ყოფილი ფეხბურთელია და სამწვრთნელო შტაბის წევრი.ბაბუნაშვილი ერთხელ უკვე ასრულებდა გუნდის მთავარი მწვრთნელის მოვალეობას.

შეგახსენებთ, "ტორპედოს"მწვრთნელს,კახა ჩხეტიანს ხელშეკრულება რამდენიმე დღის წინ გაუწყვიტა.მიზეზად გუნდის არასახარბიელო სატურნირო მდგომარეობა დასახელდა.
რატომ გაუშვეს კახა ჩხეტიანი ქუთაისის ტორპედოდან?
სპორტი
გადასვლები: 1259

ქუთაისის"ტორპედოს" მწვრთნელი კახა ჩხეტიანი აღარ იქნება.განცხადება  ს.კ. ქუთაისის "ტორპედოს" ფეისბუქგვერდზე გამოქვეყნდა.

"ქუთაისის "ტორპედოს" მიერ ბოლო პერიოდში ნაჩვენები შედეგებისა და დღეის მდგომარეობით არსებული სატურნირო ვითარების გათვალისწინებით, კლუბის ხელმძღვანელობამ მიიღო გადაწყვეტილება, შეეწყვიტა  თანამშრომლობა კახაბერ  ჩხეტიანთან. 
საფეხბურთო კლუბი  ქუთაისის "ტორპედო"  გაწეული სამუშაოსთვის მადლობას უხდის კახაბერ ჩხეტიანს და წარმატებას უსურვებს შემდგომ საქმიანობაში."- წერია განცხადებაში.
 
კახა ჩხეტიანი " ტორპედოს" მწვრთნელი 2017 წლიდან იყო.გარკვეული პერიოდი თბილისის "დინამოში" მუშაობდა,შემდეგ კი ისევ  ქუთაისურ გუნდში დაბრუნდა.
 
 ბოლო მატჩი ქუთაისის "ტორპედომ" გორის "დილასთან" გამართა და 0-3 დამარცხდა
 
ჩხეტიანი მწვრთნელობის გარდა არჩევნებშიც მონაწილეობდა.ის ყოფილი პრემიერის,გიორგი გახარიას პარტიის პროპორციულ სიაში იყო,თუმცა საკრებულოში ვერ მოხვდა.
 
 კახა ჩხეტიანი სატელეფონო ზარებს არ პასუხობს.
 
საფეხბურთო კლუბ,,ტორპედოს,,კონსულტაციას იტალიელი სპეციალისტი გაუწევს
სპორტი
გადასვლები: 1098

ქუთაისს იტალიელი საფეხბურთო სპეციალისტი მასიმილიანო ფერარი ესტუმრა, რომელმაც ხელშეკრულება ,,ტორპედოს,, მფლობელ ,,ნიუ ვიჟენთან,, უკვე გააფორმა. ინფორმაციას ,,ტორპედო ქუთაისი,, ავრცელებს

 ფერარი კონსულტაციას, როგორც ქუთაისურ კლუბს, ასევე ,,ნიუ ვიჟენის,, ახალგაზრდულ გუნდებს გაუწევს და ამასთან, წვლილს ბავშვთა საფეხბურთო აკადემიის ფუნქციურად გამართვაშიც შეიტანს. მისი საქართველოში ჩამოყვანა ინტერის აკადემიისა და ,,ტორპედოს,, სამეთვალყურეო საბჭოს წევრის ანა წერეთლის ძალისხმევით განხორციელდა.
მასიმილიანო ფერარი წლების განმავლობაში, მთელი მსოფლიოს მასშტაბით, ,,მილანის,, აკადემიის მწვრთნელი იყო.
2019 წელს ის ხელმძღვანელობდა ბათუმში გამართულ მილანის ახალგაზრდულ ბანაკს.
 დღესვე იტალიელი სტუმარი ,,ტორპედო ქუთაისის,, გენერალურ დირექტორს გიორგი მჭედლიძეს შეხვდა,  ინფრასტრუქტურა დაათვალიერა და ახალგაზრდული კლუბის საწვრთნელ პროცესსაც დაესწრო.
ქუთაისელი იოანე ხვარეშია პნევმატური პისტოლეტიდან სროლაში სერბეთის საერთაშორისო ტურნირის გამარჯვებულია
სპორტი
გადასვლები: 1417

 იოანე ხვარეშია პნევმატური პისტოლეტიდან სროლაში სერბეთის საერთაშორისო ტურნირის გამარჯვებულია! ქუთაისელმა ჩუბინმა ბელგრადში მიმდინარე "იშტვან პოლიანაკის VII მემორიალზე“ გაიმარჯვა ახალგაზრდებს შორის.

ამ ასაკში მხოლოდ საკვალიფიკაციო ეტაპი ტარდება და მედალოსნები მისი შედეგებით ვლინდებიან. ბიჭებში მხოლოდ ხვარეშია გვყავდა, რომელმაც 10-მეტრზე ყველაზე უკეთ ისროლა და 557 ქულით (96, 93, 96, 93, 90, 89) ჩემპიონიც გახდა. მან თითო ქულით გაუსწრო მეორე-მესამეზე გასულ ბოსნიელ ივან სლილიპჩევიჩს და ბულგარელ ვალენტინ მალაკჩეივს.
შეგახსენებთ, რომ გუშინ ხვარეშიამ თელაველ მარიამ ფროდიაშვილთან ერთად შერეულ წყვილებშიც იასპარეზა და მესამეზე გავიდა.
დღესვე ბელგრადში პნევმატური პისტოლეტიდან სროლაში ინდივიდუალურ პირველობაში ვაჟებიც ჩაებნენ, მათ შორის კი 4 ქართველია: ხვარეშია, კაკო მოსულიშვილი, ლევან ქადაგიძე და ცოტნე მაჭავარიანი. უკვე ჩატარდა საკვალიფიკაციო ეტაპი და გამოვლინდა ფინალში გამსვლელი 8 საუკეთესო მსროლელი. შესარჩევში ყველაზე კარგად მოსულიშვილი გამოვიდა - 581 პირველ ადგილზე გავიდა. 580-ით მეორეზე სერბი დიმიტრი გრგიჩი გავიდა, 577 ქულით კი - ადგილზე სამი მსროლელი გავიდა, რომელთა შორისაც მასპინძელთა ლიდერი, ოლიმპიადის, მსოფლიოსა და ევროპის ვიცე-ჩემპიონი დამირ მიკეციცაა. ამდენივე ქულა დააგროვეს მისმა თანაგუნდელმა დუშკო პეტროვმა და ბოსნიელმა ნიკოლა იოვიჩიჩმა.
ჩვენი მსროლელებიდან ფინალის საგზური ლევან ქადაგიძემაც მოიპოვა - 570 ქულით მე-7 ადგილზეა.
მაჭავარიანი 569-ით მე-9, ხოლო ხვარეშია 557-ით მე-15 ადგილზეა.
ქუთაისელმა იოანე ხვარეშიამ და მისმა მეწყვილემ ტყვიის სროლაში გამართულ საერთაშორისო ტურნირში ბრინჯაოს მედლები აიღეს
სპორტი
გადასვლები: 1504

8 ოქტომბერს ბელგრადში დაიწყო „იშტვან პოლიანაკის მემორიალი“ ტყვიის სროლაში უფროსებსა ადა ახალგაზრდებს შორის, რომელშიც საქართველოს ნაკრებიც გამოდის: ლევან ქადაგიძე, ცოტნე მაჭავარიანი, კაკო მოსულიშვილი, იოანე ხვარეშია, ლიზი კილაძე და მარიამ ფროდიაშვილი.

უკვე გაიმართა შეჯიბრება შერეულ წყვილებში, თუმცა აქ ასაკობრივი დაყოფა არ ყოფილა - ახალგაზრდები და უფროსები ერთად ისროდნენ.
საქართველომ ტურნირში პირველივე დღეს მოიპოვა წარმატება: შერეულ წყვილებში ცოტნე მაჭავარიანისა და სომეხ ელმირა კარაპეტიანის ინტერნაციონალურმა წყვილმა, რომელიც საქართველო-სომხეთის სახელით გამოდიოდა, ხოლო საქართველოს მეორე გუნდმა მოიპოვა მარიამ ფროდიაშვილისა და იოანე ხვარეშიას შემადგენლობით. მათ ბრინჯაოსთვის პაექრობაში ჩვენი პირველი ნაკრები დაამარცხეს, რომელშიც ლიზი კილაძე და კაკო მოსულიშვილი შედიოდნენ.
საკვალიფიკაციო ეტაპი 573 ქულით ხვარეშია-ფროდიაშვილის წყვილმა მოიგო. საინტერესოა, რომ ორივე მათგანი ახალგაზრდული ნაკრების წევრია. თან ჯერ უცხოური ტურნირების გამოცდილებაც არა აქვთ - ქუთაისელმა ხვარეშიამ შარშან ერთხელ კი მიიღო ეს გამოცდილება, თელაველი ფროდიაშვილი კი პირველად გავიდა საზღვარგარეთ.
ჩვენი პირველი გუნდი (კილაძე-მოსულიშვილი) 565- მეხუთე იყო, მათ კი ორქულიანი ჩამორჩენით ქართულ-სომხური დუეტი მისდევდა...
აქვე გეტყვით, რომ ელმირა კარაპეტიანი ჩვენი საერთაშორისო ტურნირის ხშირი სტუმარია.
პლეი ოფში ყველაზე კარგად სწორედ ქართულ-სომხური წყვილი გამოვიდა და ოქროს მედლისთვის ბრძოლის უფლება მოიპოვა. იქ მათი მეტოქე ასევე ინტერნაციონალური დუეტი იყო - ბულგარელი ანტოანეტა კოსტადინოვა და სერბი დუშკო პეტროვი. მაჭავრიანმა და კარაპეტიანმა პაექრობა 15:4 მოიგეს და ჩემპიონებიც გახდნენ, ბრინჯაოს მედლისთვის სროლაში კი ჩვენმა მეორე გუნდმა პირველს 16:8 მოუგო.
  1. ტორპედოს შემდეგ ახალი სპონსორი ყავს ქუთაისის საკალათბურთო გუნდსაც
  2. ქუთაისელმა მოკრივემ,ავთანდილ ხურციძემ აშშ-ს საპატიმრო დღეს უნდა დატოვოს
  3. ქუთაისის მერიასა და ტორპედოს მფლობელ კომპანიას შორის ნასყიდობის ხელშეკრულება გაფორმდა
  4. ქუთაისის ტორპედო გაიყიდა
მარცხენა ბანერი ნიუსებში

დღის სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search