ქუთაისში,   გარე ვაჭრობის მოწესრიგებასთან დაკავშირებით,  საგანგებო ღონისძიებები ტარდება. მერიის ზედამხედველობის სამსახურის თანამშრომლებმა,  შინაგან საქმეთა სამინისტროს წარმომადგენლებთან ერთად,  ჭავჭავაძის გამზირზე, მკაცრი მონიტორინგი დაიწყეს. 

ინტენსიური თოვის და დაბალი ტემპერატურის გამო,  შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ106 მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

სოციალური მომსახურების სააგენტო სამტრედიაში მომხდარ ფაქტთან დაკავშირებით ინფორმაციას ავრცელებს.

„სამტრედიაში მომხდარ სამწუხარო ფაქტთან დაკავშირებით, კერძოდ, სოციალური მომსახურების სერვისცენტრში მამაკაცის გარდაცვალების თაობაზე, განვმარტავთ, რომ გარდაცვლილ მოქალაქეს არ ჰქონდა სოციალურად დაუცველის სტატუსი და არ წარმოადგენს სოციალური დახმარების მიმღებ პირს.

აქვე დამატებით გაცნობებთ, რომ სოციალური მომსახურების სააგენტოს სერვისცენტრში გამოძახებულ იქნა სასწრაფო სამედიცინო დახმარების ბრიგადა, რომელიც შემთხვევის ადგილზე გამოძახებიდან 6 წუთში მივიდა. ადგილზე მისულ ეკიპაჟს კი მოქალაქე გარდაცვლილი დახვდა“, - აღნიშნულია განცხადებაში. 

დღეს სამტრედიის სოციალური მომსახურების სააგენტოში მამაკაცს გულის შეტევა მოუვიდა,რის შემდეგაც გარდაიცვალა .

14 იანვარი საქართველოს სახელმწიფო დროშის დღეა.

ქვეყნის ერთ-ერთი მთავარი სიმბოლოს, ეროვნული დროშის დღე 2012 წლიდან სახალხოდ აღინიშნება.

საქართველოს სახელმწიფოს ხუთჯვრიანი დროშა 2004 წლის 14 იანვარს აღდგა.
პანდემიის გამო სახელმწიფო დროშის დღესთან დაკავშირებით მასშტაბური ღონისძიებები დაგეგმილი არ არის.

საავტომობილო გზების დეპარტამენტის ინფორმაციით, ინტენსიური თოვის გამო, შიდასახელმწიფოებრივი მნიშვნელობის ქუთაისი-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია