ქუთაისის მერმა იოსებ ხახალეიშვილმა ქალაქის ცენტრალურ საავადმყოფოში მოქალაქე  მოინახულა, რომელიც  ძლიერმა ქარმა დააზიანა. 

ძლიერმა ქარმა ქუთაისში პრობლემები შექმნა. დილიდან ა(ა)იპ " სპეციალური სერვისები" მუშაობის საგანგებო რეჟიმზეა გადასული. ქალაქში რამდენიმე ქუჩაზე ხეები წაიქცა და საჰაერო კომუნიკაციები დააზიანა. აღმაშენებლის გამზირზე დაზიანდა რამდენიმე ავტომობილიც. 

ააიპ "ქუთგანათების სერვისის"ინფორმაციით,ძლიერი ქარის გამო,ქუთაისის ერთ-ერთ შემოსასვლელში,ნიკეას ქუჩაზე აღმართული საქართველოს დროშა,უსაფრთხოების მიზნით,დროებით დაეშვება.                                                               ეროვნული სიმბოლიკა ქარის ჩადგომისთანავე აღიმართება.

ძლიერი ქარის შედეგად  ქუთაისში, რამდენიმე ქუჩაზე მოგლეჯილია ასწლოვანი ხეები და დაზიანებულია ელექტროგადამცემი ხაზები,ეტაპობრივად მიმდინარეობს აღდგენითი სამუშაოები.

სასტუმრო "თბილისთან" ხე ავტომანქანას დაეცა, ავტომანქანაში მყოფი  ორი მგზავრი  არ დაშავებულა. 

ძლიერმა ქარმა ხე მოგლიჯა ჭავჭავაძის გამზირზე.

ძლიერი ქარის შედეგად ქუთაისში  მამაკაცი დაშავდა.მას ხის ტოტი დაეცა. ინციდენტი პირველი საჯარო სკოლის წინ მოხდა.

"ქუთაისში  ძლიერმა ქარმა რამდენიმე ადგილას ხეები დააზიანა.  ზოგიერთ ქუჩაზე ხეები ძირ-ფესვიანად არის მოგლეჯილი.