ბაღდათის მუნიციპალიტეტის ქალაქ ბაღდათში, თბილისის ქუჩის ჩიხების რეაბილიტაცია მიმდინარეობს. აღნიშნული ქუჩის ჩიხებში ასფალტის საფარი იგება და ეწყობა სანიაღვრეები. მიმდინარე სამუშაოებს სამშენებლო კომპანია შპს "მეკა" ასრულებს და იგი რეგიონებში განსახორციელებელი პროექტების ფონდიდან ფინანსდება. თბილისის ქუჩის სარეაბილიტაციო სამუშაოებს ბაღდათის მუნიციპალიტეტის მერი კახა ენუქიძე, პირველ მოადგილე დავით სილაგაძესთან და მერიის ინფრასტრუქტურის სამსახურის ხელმძღვანელ კახა მსხვილიძესთან ერთად გაეცნო. ბაღდათის მუნიციპალიტეტში შიდა საუბნო გზების რეაბილიტაცია ეტაპობრივად განხორციელდება და მთელ მუნიციპალიტეტს მოიცავს.

 1924 წელს საბჭოთა საოკუპაციო ძალების წინააღმდეგ მოწყობილი აჯანყება უთანასწორო ბრძოლაში დამარცხდა.

ბორჯომის ხეობაში გაჩენილი ხანძრის ქრობის პროცესი დასკვნით ეტაპზე გადავიდა. ამ დროისთვის მუშავდება ცეცხლის დარჩენილი რამდენიმე მცირე მასშტაბის აქტიური და მხრჩოლავი კერა. გაყვანილია გზები მძიმე ტექნიკის დახმარებით და გრძელდება დარჩენილ კერებთან გზების მიყვანის პროცესი.

შინაგან საქმეთა სამინისტროს დანაყოფების მიერ ბორჯომის მუნიციპალიტეტში ხანძრის სალოკალიზაციო-სალიკვიდაციო სამუშაოები მთელი ღამის განმავლობაში, აქტიურ რეჟიმში მიმდინარეობდა.