ქუთაისში უკრაინის დამოუკიდებლობის დღისადმი მიძღვნილი აქცია გაიმართება.სოლიდარობის აქცია ხვალ, 24 აგვისტოს არის დაგეგმილი.18:00 საათზე დავით აღმაშენებლის ძეგლის მიმდებარე ტერიტორიიდან მანქანებით მსვლელობა დაიწყება, მოგვიანებით, 19:30 წუთზე  კი თეთრ ხიდთან პერფორმანსი გაიმართება.

,,პირველ რიგში,აქციის  მიზანია, კიდევ ერთხელ დავაფიქსიროთ გზავნილი- მხარდაჭერა უკრაინას, რადგან ეს ხალხი დღეს უდიდეს ტირანს ებრძვის, იცავს საკუთარ მიწასა და  სუვერენიტეტს.   რუსეთი არის სიბნელე, ძალადობა და  განუვითარებლობა.,,-განუცხადა სააგენტო ,,აქტორს,, აქციის ორგანიზატორმა ბექა ქვაჩაკიძემ.

ხვალ, 24 აგვისტოს, უკრაინაში ეროვნული დღესასწაული, დამოუკიდებლობის დღე აღინიშნება. უკრაინამ სსრკ-ისგან დამოუკიდებლობა 1991 წლის 24 აგვისტოს გამოაცხადა.

ონის მუნიციპალიტეტში, სტიქიის ზონაში სამძებრო სამუშაოების შედეგად მაშველების მიერ კიდევ ერთი ცხედარია ნაპოვნი.  

ონის მუნიციპალიტეტის მერის მოადგილის, ლევან შერაზადიშვილის განცხადებით, შოვში, სტიქიის ზონაში დაუმუშავებელი ტერიტორია აღარ დარჩა.

მისივე თქმით, მოქალაქეთა თხოვნით, მიწის მასის გარკვეული ნაწილი ხელმეორედ დამუშავდა.

ასევე, როგორც მერის მოადგილემ აღნიშნა, 28 ნაპოვნი გარდაცვლილიდან, 2-ის იდენტიფიცირება დღემდე ვერ მოხერხდა.

„გვიან ღამით სამი ადამიანი სოფელ ლაგვანთაში გადმოასვენეს. 28 გარდაცვლილიდან, ამჟამად 2-ს დნმ კვლევები უტარდება. აღარ დარჩა არცერთი კვადრატული მეტრი, რომელიც დამუშავებული არ არის. მოქალაქეთა თხოვნით, მიწის მასის გარკვეული ადგილები ხელმეორედ დამუშავდა.

გარდა ამისა, სამძებრო სამუშაოები როგორც მდინარე ჭანჭახის, ისე მდინარე რიონის სანაპიროებზე აქტიურად მიმდინარეობს, ეწყობა კუნძულები, ფორმირდება კალაპოტები“, - განაცხადა ლევან შერაზადიშვილმა.

აღსანიშნავია, რომ სტიქიის ზონაში ჯერ კიდევ ეძებენ 5 დაკარგულ ადამიანს, საიდანაც 4 ბავშვია.

გარემოს ეროვნული სააგენტოს ინფორმაციით, 21 და 22 აგვისტოს უმეტესად  დღის მეორე ნახევრიდან საქართველოს ტერიტორიაზე, განსაკუთრებით მთიან და მაღალმთიან რაიონებში მოსალოდნელია ხანმოკლე წვიმა, ზოგან ძლიერი, ელჭექი, სეტყვა და ქარი.