საზოგადოება

: საზოგადოება; 31 ივლისი 2023; გადასვლები: 907

რუსეთი მტერია და არა მეგობარი-დღეს აქცია ქუთაისშიც გაიმართება

,, რუსეთი მტერია და არა მეგობარი,,-ამ სლოგანით დღეს ქუთაისში აქცია გაიმართება.

,,ბათუმში მიმდინარე აქციის სოლიდარობის ნიშნად, შევიკრიბოთ დღეს საღამოს , 20 00 საათზე, ქუთაისის ცენტრალურ მოედანზე, კოლონადებთან,,-აქციის ორგანიზატორები.

: საზოგადოება; 29 ივლისი 2023; გადასვლები: 866

შავი ზღვის წყლის მორიგი მონიტორინგი-ნორმაშია თუ არა წყლის ხარისხი?

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს მიერ, 16 და 20 ივლისს განხორციელებული მონიტორინგის შედეგების მიხედვით, შავი ზღვის წყლის ხარისხი ნორმის ფარგლებშია.

კვლევებისას განისაზღვრა ქიმიური პარამეტრები, მათ შორის 13 მძიმე მეტალი, ნავთობის ჯამური ნახშირწყალბადები, 16 პოლიაორმატული ნახშირწყალბადისა და სხვა ფიზიკურ -ქიმიური პარამეტრის კონცენტრაცია.

როგორც ცნობილია, გარემოს ეროვნული სააგენტო შავი ზღვის წყლის ხარისხის მონიტორინგს უკვე 10 დღეში ერთხელ, 9 სადგურზე ახორციელებდა, ხოლო 10 ივლისიდან სადგურების რაოდენობა გაიზარდა და დაემატა ანაკლია- განმუხურის ტერიტორიაზე 3 წერტილი. აღებულ სინჯებში ისაზღვრება 59 პარამეტრის მნიშვნელობები.

სინჯები საანალიზოდ გარემოს ეროვნული სააგენტოს ატმოსფერული ჰაერის წყლისა და ნიადაგის ანალიზის აკრედიტირებულ ლაბორატორიაში იგზავნება, რომელიც აღჭურვილია მაღალი სიზუსტის მქონე ანალიტიკური ხელსაწყოებით და სრულად აკმაყოფილებს თანამედროვე მოთხოვნებსა და სტანდარტებს.

დაინტერესების შემთხვევაში მონაცემები არის საჯარო და გამჭვირვალე.

კვლევის შდეგები იხილეთ ლინკზე - https://nea.gov.ge/Ge/News/1176კვლევის

: საზოგადოება; 28 ივლისი 2023; გადასვლები: 720

29 ივლისამდე წვიმაა მოსალოდნელი

29 ივლისის დილამდე საქართველოში შენარჩუნებული იქნება დროგამოშვებით ხანმოკლე წვიმა ელჭექით. აღმოსავლეთ საქართველოში ზოგან შესაძლებელია სეტყვა და ძლიერი ქარი. 29 ივლისს, დილიდან გამოიდარებს და 1 აგვისტომდე დასავლეთ საქართველოში უნალექო ამინდი იქნება.

დასავლეთ საქართველოში ჰაერის ტემპერატურა +26, +31 გრადუსამდე დაიკლებს.

აღმოსავლეთ საქართველოში ხვალიდან მხოლოდ ცალკეულ რაიონში იწვიმებს. ჰაერის ტემპერატურა +32, +37 გრადუსის ფარგლებში იქნება, ხოლო 29-31 ივლისს 3-4 გრადუსით დაიკლებს.

ქ. თბილისში 1 აგვისტომდე შესაძლოა ხანმოკლე წვიმა ელჭექით აღინიშნოს. ჰაერის ტემპერატურა დღის საათებში +32, +34 გრადუსი დაფიქსირდება. 28-29 ივლისს იქროლებს ძლიერი ქარი.

: საზოგადოება; 28 ივლისი 2023; გადასვლები: 1801

ბაღდათის მუნიციპალიტეტში ყოველწლიური ველო ფესტივალი დაიწყო

70-ზე მეტი მონაწილე სამი დღის განმავლობაში როდოპოლისის ციხიდან აჯამეთის ტყეს, ბერიეთის მონასტერს, ეიფელის ხიდს, სოფელ ხანს, ზეკარის უღელტეხილს, ქვა საყდარას, საირმეს გაივლიან და 30 ივლისს ქალაქ ბაღდათში დაბრუნდებიან, სადაც ფინიში იქნება განთავსებული.

სამი დღის განმავლობაში, მონაწილეებს ელოდებათ დაუვიწყარი და მრავალფეროვანი თავგადასავალი.

ველო გადაადგილების პარალელურად, მათ შეეძლებათ დატკბნენ ულამაზესი ბუნებით, მოიპოვონ ქულები დამატებითი თამაშებით და გაიმარჯვონ.

ქულების დაგროვება გზის განმავლობაში შესაძლებელია როგორც გუნდურად, ასევე ინდივიდუალურად.

ხანსა და ქვასაყდარაზე მონაწილეებისთვის მოეწყობა კულტურული ღონისძიებები ადგილობრივი მუსიკოსების მონაწილეობით.

ველო ფესტივალის დასკვნითი ღონისძიება ქალაქ ბაღდათში კვირას 30 ივლისს 17:00 საათზე გაიმართება, სადაც მონაწილეების დაჯილდოებასთან ერთად, ადგილობრივი მეღვინეების ღვინის და რეწვითი ნამუშევრების ბაზრობა გაიმართება. საღამოს დაასრულებს ბენდი “ალუბალი“-ის კონცერტი.

ველო ფესტივალის გახსნას მოწვეულ სტუმრებთან ერთად, ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძე, მერიისა და საკრებულოს წარმომადგენლები დაესწრნენ.

ღონისძიების მხარდამჭერები არიან:

ბაღდათის მუნიციპალიტეტის მერია და მის დაქვემდებარებაში მყოფი აიპები.

"კავკასიის ველო ქსელი"

"საირმე რეზორტი"

"შატო ვარციხე"

DMO Imereti

: საზოგადოება; 28 ივლისი 2023; გადასვლები: 1327

მწვანეყვავილას ქუჩაზე ერთი წლის წინ აშენებული გზა დაზიანებულია

ქუთაისში,მწვანეყვავილას ქუჩაზე გზის საფარი დაზიანებულია.

received 305693815351119

აღნიშნული მონაკვეთის მშენებლობა ზუსტად ერთი წლის წინ,შარშან ზაფხულს დასრულდა.

ტერიტორიის რეაბილიტაცია გზის დახეთქვის და ჩაწევის გამო განხორციელდა. დამსკდარი გზა იყო და მაცხოვრებლებს და მათ სახლებს საფრთხეს უქმნიდა.ადგილზე მოეწყო რკინა-ბეტონის საყრდენი კედელი და კონკრეტული მონაკვეთი თავიდან აშენდა.ერთი წლის შემდეგ კი ისევ იგივე პრობლემა გაჩნდა.

received 829647915397556

received 2203922866466234

: საზოგადოება; 27 ივლისი 2023; გადასვლები: 872

მინიმუმ 5 წელი არ უნდა გაძლოს ასფალტის საფარმა?-აკაკი შანიძის ქუჩაზე გზის საფარის ამორტიზებულია

ქუთაისში,აკაკი შანიძის აღმართზე გზა დაზიანებულია.ქუჩას რეაბილიტაცია 2 წლის წინ ჩაუტარდა.

,,2021 წ. ჩატარდა აკაკი შანიძის აღმართის კაპიტალური რემონტი. "მოიგლიჯა" ქვაფენილი, დაიგო ახალი ტროტუარი, გამოიცვალა ღვარსადენის მილები, დაემატა ღვარსადენის 5 ახალი საწრეტი ჭა. ბოლოს, დროში რომ ვერ ჩაეტიეს, კანალიზაციის ერთ ერთი ჭა შიდა მილით დაუკავშირეს ღვარსადენის ჭას. ამის შედეგი - მუდამ აქოთებული ქუჩა და ბალახვანის მოედნის მარჯვენა მხარე ( ორი ნაბიჯი - ს მაღაზიასთან). ზუსტად 2 თვე აკლია 2 წელიწადს და რა მდგომარეობაა თავადაც ხედავთ. ძალიან მაინტერესებს, რატომ უნდა გადაიყაროს ბიუჯეტი / ჩემი და ჩემნაირი მოქალაქეების გადახდილი ბეგარა/ უნამუსო და უპასუხისმგებლო ტენდერში გამარჯვებული არაპროფესიონალი კომპანიის "დასაქმებაში" და ურცხვი ზედამხედველობის სამსახურის რჩენაში? მინიმუმ 5 წელი არ უნდა გაძლოს ასფალტის საფარმა?-"წერს ნატალია შავგულიძე ჯგუფში,,ქუთაისი ,როგორც შენი საკუთარი ეზო,,

FB IMG 1690446272773

FB IMG 1690446276275

დღის სიახლეები

საზოგადოება

Search