დღეს, 27 მარტს, „დედამიწის საათი“ გაიმართება, რომლის დევიზია ,,ვაჩუქოთ დღეს დედამიწას 60 წუთი.,,
20:30 სთ-დან 21:30 საათამდე ყველა მოხალისემ შუქი უნდა ჩააქროს, რითაც ბუნებას უზარმაზარი რესურსები დაეზოგება.
"დედამიწის საათს" მთელი მსოფლიო უერთდება.
„დედამიწის საათის“ ისტორია 2007 წლიდან იწყება, როდესაც მოძრაობის ფარგლებში, სიდნეიში სინათლე ჩააქრეს. დროთა განმავლობაში, დედამიწის საათი ერთ-ერთ ყველაზე მასშტაბურ ღონისძიებად იქცა, რომელსაც უკვე 190-ზე მეტი ქვეყანა უერთდება. დღეისათვის, მისი მნიშვნელობა უკვე სცდება სიმბოლურად ერთი საათით სინათლის ჩაქრობას და უფრო მეტად გარემოსდაცვითი გამოწვევების შესახებ ცნობიერების ამაღლების დატვირთვას იძენს .
