ქუთაისის მე-9 საჯარო სკოლა რეაბილიტირებულ შენობაში განაგრძობს ფუნქციონირებას. განახლებულ შენობაში სწავლა დღეს დაიწყო.
ღონისძიებას ქუთაისის მერი იოსებ ხახალეიშვილი, საკრებულოს თავმჯდომარის მოადგილე თემურ ნადირაძე, ქუთაისის საგანამანთლებო რესურსცენტრის ხელმძღვანელი მაია ცქიტიშვილი დაესწრნენ.
მე-9 საჯარო სკოლის რეაბილიტაცია საქართველოს მუნიციპალური განვითარების ფონდმა განახორციელა. პროცესი 3 წელი მიმდინარეობდა.
კეთილმოეწყო საკლასო ოთახები, საპირფარეშოები, სპორტული მოედნები და ეზოს ტერიტორია. ასევე, დამონტაჟდა გათბობის, წყალმომარაგების და კანალიზაციის სისტემები. სკოლა სრულად ადაპტირებულია შეზღუდული შესაძლებლობის მქონე პირებისთვის.
რეაბილიტაციის პროცესში მეცხრე საჯარო სკოლის მოსწავლეები მეთერთმეტე და მეთორმეტე საჯარო სკოლებში იყვნენ გადანაწილებული.
