საქართველოს განათლებისა და მეცნიერების მინისტრი გიორგი ამილახვარი ქუთაისში, იმერეთის რეგიონის სხვადასხვა სკოლის 200-მდე მასწავლებელს შეხვდა.შეხვედრაზე სკოლებში არსებული გამოწვევების შესახებ იმსჯელეს.
საუბარი შეეხო სასკოლო სახელმძღვანელოების გაუმჯობესების, მოსწავლეზე ორიენტირებული სასწავლო გარემოს განვითარების ხელშეწყობისა და მასწავლებელთა პროფესიული განვითარების სქემის ირგვლივ არსებულ საკითხებს.
გიორგი ამილახვარმა განაცხადა, რომ პედაგოგთა კარიერული წინსვლის მხარდასაჭერად საქართველოს განათლებისა და მეცნიერების სამინისტრო აგრძელებს მასწავლებლის პროფესიული განვითარების სისტემის გადახედვის პროცესს, რაც მათი მაქსიმალური ჩართულობით, სქემის დახვეწას გულისხმობს.
შეხვედრა ქუთაისის პირველ საჯარო სკოლაში გაიმართა და მას ქალაქის მერი და მაჟორიტარი დეპუტატი ესწრებოდნენ.
