ასსაფეხურიანი კიბის რეაბილიტაციის დაპირება ქუთაისის მერიამ ჯერ კიდევ 2018 წელს გასცა.
მერიამ საპროექტო-სახარჯთაღრიცხვო დოკუმენტის შესადგენად ტენდერი 3-ჯერ, ხოლო კიბის სარეაბილიტაციოდ ტენდერი 2-ჯერ გამოაცხადა.
კიბეს ჯერაც არ ჩატარებია რეაბილიტაცია მაშინ, როცა ბოლო ტენდერი მერიამ 2021 წელს, წინასაარჩევნოდ გამოაცხადა.
საარჩევნო დაპირების შეუსრულებლობის მიუხედავად, ქუთაისის მერია წლიდან წლამდე გამოყოფილ ბიუჯეტს ვერ ითვისებს.
2020 წელს მერიას ინფრასტრუქტურის განვითარებაში 20 მილიონ ლარამდე უნდა დაეხარჯა, თუმცა მხოლოდ 16 მილიონის დახარჯვა მოახერხა.
2021 წლის პირველ ნახევარში კი გამოყოფილი 11 მილიონის ნაცვლად მხოლოდ 8.5 მილიონის ათვისება შეძლო.
ინფორმაციას "ფლანგვის დეტექტორი"ავრცელებს.
ფოტო აღებულია "ფლანგვის დეტექტორის"ფეისბუქ გვერდიდან.
ქუთაისში ასსაფეხურიანი კიბის და აღმაშენებლის მოედანზე მდებარე ცენტრალური შადრევნის რეაბილიტაციის სახელმწიფო შესყიდვის ტენდერი დასრულდა.მალე ორივე ობიექტის სამშენებლო სამუშაოები დაიწყება.ინფორმაციას ქუთაისის მუნიციპალიტეტის მერია ავრცელებს.
სატენდერო პირობების თანახმად, მათი სრული რეაბილიტაციაა გათვალისწინებული.
ასსაფეხურიანი კიბის პროექტის მიხედვით, შეიცვლება არსებული დაზიანებული მოპირკეთება, განათების და სანიაღვრე სისტემები. განახლდება გამწვანება.
რაც შეეხება ქუთაისის ცენტრალურ მოედანზე არსებული შადრევნის რეაბილიტაციას , პროექტი კი მოიცავს ობიექტის დაზიანებული ელემენტების აღდგენას. აღდგება განათების სისტემა , დაზიანებული მოპირკეთება და გაიწმინდება ფიგურები. სრულად შეიცვლება შადრევნის შიდა ელექტრო მომარაგების სისტემა.
ასსაფეხურიანი კიბის რეაბილიტაცია რამდენიმე წელია, ანონსდება, თუმცა ამ დრომდე დაწყებული არ იყო.
