თემები

: საზოგადოება; 01 სექტემბერი 2022; გადასვლები: 1022

ჭავჭავაძის გამზირის რეაბილიტაციის გამო ქუთაისში გარკვეულ ქუჩებზე მოძრაობა იზღუდება

შიდასახელმწიფოებრივი მნიშვნელობის ნახშირღელე-ქუთაისი-სამტრედიის საავტომობილო გზაზე დაგეგმილია ქ.ქუთაისის ჭავჭავაძის გამზირის რეაბილიტაცია ასათიანის და ნიკეას ქუჩების კვეთიდან ს.მესხის ქუჩამდე (კმ13+530-კმ14+900 მონაკვეთი).

სარეაბილიტაციო სამუშაოების წარმოების მიზნით, მიმდინარე წლის 5 სექტემბრიდან, პირველ ეტაპზე, ავტოტრანსპორტის მოძრაობა ნაწილობრივ შეიზღუდება ასათიანის და ნიკეას ქუჩების კვეთიდან ე.ნინოშვილის და კ.გამსახურდიას ქუჩების კვეთამდე.

ინფორმაციას საავტომობილო გზების დეპარტამენტი ავრცელებს.

: საზოგადოება; 01 სექტემბერი 2022; გადასვლები: 993

ქალაქ ბაღდათში თბილისის ქუჩის ჩიხების რეაბილიტაცია მიმდინარეობს

ბაღდათის მუნიციპალიტეტის ქალაქ ბაღდათში, თბილისის ქუჩის ჩიხების რეაბილიტაცია მიმდინარეობს. აღნიშნული ქუჩის ჩიხებში ასფალტის საფარი იგება და ეწყობა სანიაღვრეები. მიმდინარე სამუშაოებს სამშენებლო კომპანია შპს "მეკა" ასრულებს და იგი რეგიონებში განსახორციელებელი პროექტების ფონდიდან ფინანსდება. თბილისის ქუჩის სარეაბილიტაციო სამუშაოებს ბაღდათის მუნიციპალიტეტის მერი კახა ენუქიძე, პირველ მოადგილე დავით სილაგაძესთან და მერიის ინფრასტრუქტურის სამსახურის ხელმძღვანელ კახა მსხვილიძესთან ერთად გაეცნო. ბაღდათის მუნიციპალიტეტში შიდა საუბნო გზების რეაბილიტაცია ეტაპობრივად განხორციელდება და მთელ მუნიციპალიტეტს მოიცავს.

: საზოგადოება; 29 აგვისტო 2022; გადასვლები: 1176

საბჭოთა ძალების წინააღმდეგ მოწყობილი 1924 წლის აჯანყებიდან 98 წელი გავიდა

1924 წელს საბჭოთა საოკუპაციო ძალების წინააღმდეგ მოწყობილი აჯანყება უთანასწორო ბრძოლაში დამარცხდა.

შედგენილი გეგმის მიხედვით აჯანყება ყველა ქალაქსა და მაზრაში ერთდროულად -29 აგვისტოს უნდა დაწყებულიყო. ჭიათურაში აჯანყება ერთი დღით ადრე,28 აგვისტოს დაიწყო. ამბოხებულებმა შეძლეს ჭიათურისა და ზოგიერთი ქალაქის აღება.

ჭიათურაში ემიგრირებული მთავრობის იურისდიქციის აღდგენა გამოცხადდა. საბჭოთა მთავრობამ აჯანყება სისხლში ჩაახშო.

ჭიათურიდან სატვირთო მატარებლის ვაგონებით წამოყვანილი ტყვეები შორაპნის სადგურზე დახვრიტეს.

1924 წელს ჭიათურის აჯანყებაში დაღუპული გმირების ხსოვნას პატივი ჭიათურის მუნიციპალიტეტის მერმა მიაგო და მემორიალი გვირგვინით შეამკო.

: საზოგადოება; 28 აგვისტო 2022; გადასვლები: 981

ბორჯომის ხეობაში ხანძრის ქრობის პროცესი დასკვნით ეტაპზეა-შსს

ბორჯომის ხეობაში გაჩენილი ხანძრის ქრობის პროცესი დასკვნით ეტაპზე გადავიდა. ამ დროისთვის მუშავდება ცეცხლის დარჩენილი რამდენიმე მცირე მასშტაბის აქტიური და მხრჩოლავი კერა. გაყვანილია გზები მძიმე ტექნიკის დახმარებით და გრძელდება დარჩენილ კერებთან გზების მიყვანის პროცესი.

დილიდან სალოკალიზაციო-სალიკვიდაციო სამუშაოებში აქტიურად მონაწილეობს ავიაცია.

შინაგან საქმეთა სამინისტროს დანაყოფების მიერ ბორჯომის მუნიციპალიტეტში ხანძრის სალოკალიზაციო-სალიკვიდაციო სამუშაოები მთელი ღამის განმავლობაში, აქტიურ რეჟიმში მიმდინარეობდა.

ხანძრის ქრობის პროცესში, მეხანძრე-მაშველებთან ერთად, უწყვეტ რეჟიმში, კვლავ მონაწილეობენ შინაგან საქმეთა სამინისტროს სხვადასხვა დეპარტამენტის, თავდაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე, გარემოს დაცვისა და სოფლის მეურნეობის სამინისტროს შესაბამისი სამსახურების თანამშრომლები.