საავტომობილო გზების დეპარტამენტის ინფორმაციით,  საერთაშორისო მნიშვნელობის თბილისი-სენაკი-ლესელიძის საავტომობილო გზის 161-ე კმ მონაკვეთზე (სოფელ ვერტყვიჭალასთან) მთის ფერდიდან ჩამოვიდა მიწის მასა (შვავი), რომელმაც გამოიწვია საავტომობილო გზის ჩაკეტვა.

საქართველოს პროკურატურამ  ქრთამის მიცემის ფაქტზე, ერთ პირს ბრალდება წარუდგინა.

გარემოს ეროვნული სააგენტოს ინფორმაციით, 21 მარტამდე საქართველოს ზოგიერთ რაიონში იწვიმებს, ხოლო 21-22 მარტს ქვეყნის ტერიტორიის უმეტეს ნაწილზე დროგამოშვებით ნალექიანი ამინდია მოსალოდნელი. 21-22 მარტს ზოგან იქროლებს დასავლეთის მიმართულების ქარი. 17-19 მარტს ჰაერის ტემპერატურა დღის საათებში დაბლობსა და ბარში +15, +20 გრადუსი იქნება, ხოლო 20-22 მარტს +11, +16 გრადუსამდე დაიკლებს. 

ქუთაისში მეეზოვის დღე განსხვავებული ფორმატით  აღინიშნა. ააიპ სპეციალური სერვისების ადმინისტრაციული შენობის ეზოში  მეეზოვეებმა გამოფენა გამართეს. გაბრიელ მშვენიერაძემ, ვარლამ  ფესტვენიძემ, პოლიკარპე ხურციამ და მიხეილ სახამბერიძემ თავიანთი შემოქმედება საზოგადოებას გააცნეს.ეს  ადამიანები პროფესიული მოვალეობის  შესრულების პარალელურად დროს ხელოვნების ნიმუშების შექმნასაც უთმობენ.       

  გამოფენის ავტორები  დამთვალიერებლებს აცნობდნენ ნამუშევრების შექმნის ისტორიას და მისი ტექნიკურად შესრულების დეტალებს.  გამოფენაზე წარმოდგენილი  იყო ხეში შესრულებული ქართული ჩუქურთმის მრავალსახეობაც.

 

 

ა(ა) იპ "სპეციალური სერვისების" დირექციამ გამოფენის მონაწილეებს სასაჩუქრე ბარათები გადასცა.

 

 ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ88-კმ124 მონაკვეთზე (ლენტეხი-მელე) მსუბუქი ავტოტრანსპორტის მოძრაობა აღდგენილია, ხოლო მისაბმელიანი და ნახევრადმისაბმელიანი ავტოტრანსპორტის გადაადგილება აკრძალულია.

საავტომობილო გზების დეპარტამენტი ინფორმაციას აქვეყნებს.