უკანონო ნადირობის ყველაზე მეტი ფაქტი იმერეთში გამოვლინდა
საზოგადოება
გადასვლები: 987

 გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ნადირობის სეზონის დაწყებიდან 19 სექტემბრის ჩათვლით, უკანონო ნადირობის 229 ფაქტი გამოავლინეს. 

 
 უკანონო ნადირობის ყველაზე მეტი - 80 ფაქტი დაფიქსირდა იმერეთში. 40 სამართალდარღვევაა გამოვლენილი მცხეთა-მთიანეთში, 36 - სამეგრელო-ზემო სვანეთში, 21 - შიდა ქართლში, 15 - გურიაში, 12 - კახეთში, 9 - აჭარაში, 7 - სამცხე-ჯავახეთში, 5 - ქვემო ქართლში, 2 ფაქტი კი, რაჭა-ლეჩხუმი ქვემო სვანეთში დაფიქსირდა. გარემოსდაცვითი ზედამხედველობის დეპარტამენტის თანამშრომლებმა უკანონო ნადირობის 2 ფაქტი აღკვეთეს ქალაქ თბილისის ადმინისტრაციულ საზღვრებშიც. 
 
გამოვლენილი სამართალდარღვევებიდან 163 აკრძალული იარაღით ან მეთოდით ნადირობის ფაქტებია. 59 შემთხვევაში  სამართალდამრღვევები გარემოდან გადამფრენი ფრინველების ამოღებაზე დაწესებული მოსაკრებლის გადახდის გარეშე ნადირობდნენ,  5 შემთხვევაში ბრაკონიერებმა აკრძალული სახეობები მოინადირეს, 2 კი, გადამფრენ ფრინველებზე ქალაქის ან მუნიციპალიტეტის ტერიტორიაზე ნადირობის ფაქტია. 
 
დაფიქსირდა უკანონო საშუალებით, ფრინველის მოსაზიდი ხელნაკეთი ხმოვანი სიგნალების გამომცემი ელექტრონული მოწყობილობით ნადირობის ფაქტებიც. ნადირობის სეზონის დაწყებიდან 1 თვის განმავლობაში, ამოღებულია 164 ერთეული ხმოვანი სიგნალების გამომცემი ელექტრონული მოწყობილობა. 
 
უკანონო ნადირობის ფაქტების გამოვლენისა და პრევენციის მიზნით,  გარემოსდაცვითი ზედამხედველობის დეპარტამენტის თანამშრომლები, ნადირობის სეზონის განმავლობაში, საქართველოს მასშტაბით 24-საათიან გაძლიერებულ კონტროლს ახორციელებენ. 
 
 
როგორ უნდა აიღოს ქუთაისის სკოლის მოსწავლემ უფასო მგზავრობის ბარათი?
საზოგადოება
გადასვლები: 1583

ქუთაისის ადგილობრივი თვითმმართველობის გადაწყვეტილებით, 33 619 მოსწავლე ქალაქის მუნიციპალური ტრანსპორტით  უფასოდ ისარგებლებს. 

 საშეღავათო ტარიფი „თიბისი ბანკის" მოსწავლის ბარათის მფლობელებისთვის გავრცელდება. მოსწავლის ბარათის აღება უფასოა და შესაძლებელია ქუთაისში, „თიბისი ბანკის" ნებისმიერ ფილიალში. ამისათვის, აუცილებლელია მშობელმა, ან კანონიერმა წარმომადგენელმა „თიბისი ბანკში” წარადგინოს მოსწავლის დაბადების მოწმობა.
 
სკოლის მოსწავლეს შეუძლია  ისარგებლოს საშეღავათო ტარიფით მის საკუთრებაში უკვე არსებული „თიბისი ბანკის” მოსწავლის  ბარათით იმ შემთხვევაში, თუ ბარათი გაცემულია ბანკის ქუთაისის  ფილიალებში.
 
ქუთაისის საჯარო და კერძო სკოლის მოსწავლეებს საშეღავათო ტარიფით  სარგებლობა შეეძლებათ მოსწავლის ბარათის აღებიდან 2 სამუშაო დღის შემდეგ.
 
მუნიციპალური ტრანსპორტით სარგებლობისას, მოსწავლემ ტრანსპორტში განთავსებულ ელექტრონული აღრიცხვის სისტემაზე ბარათი აუცილებლად უნდა დააფიქსიროს.
ქუთაისის სკოლების მოსწავლეები მუნიციპალური ტრანსპორტით უფასოდ იმგზავრებენ
საზოგადოება
გადასვლები: 1227

ქუთაისის  ადგილობრივი თვითმმართველობის გადაწყვეტილებით, ქალაქის  საჯარო და კერძო სკოლების მოსწავლეები მუნიციპალური ავტობუსებით უფასოდ იმგზავრებენ. 

მუნიციპალიტეტის საკრებულომ უკვე შეიტანა შესაბამისი ცვლილება  2021 წლის 28 აპრილის N177 დადგენილებაში „ეკონომიკის რეგულირებად სფეროებად განსაზღვრული ქალაქ ქუთაისის მუნიციპალიტეტის ადმინისტრაციულ საზღვრებში რეგულარული სამგზავრო გადაყვანის M3 კატეგორიის ავტოსატრანსპორტო საშუალებების მარშრუტებზე სამგზავრო ტარიფის ფასდაკლების სისტემის დამტკიცების შესახებ“ .
 
 სკოლის მოსწავლეებს  „თიბისი ბანკის“ სამგზავრო ბარათები უფასოდ გადაეცემათ.  მუნიციპალური ტრანსპორტით  სულ 33 619 მოსწავლე  იმგზავრებს უფასოდ.
27-28 სექტემბერს თბილი ამინდია მოსალოდნელი ,29-დან კი ნალექი
საზოგადოება
გადასვლები: 1023

 27-28 სექტემბერს საქართველოში თბილი და უმეტესად უნალექო ამინდია მოსალოდნელი. დასავლეთ საქართველოს დაბლობ რაიონებში ჰაერის ტემპერატურა +27, +32 გრადუსამდე მოიმატებს. 

 
 შავი ზღვის სანაპირო რაიონებში, კოლხეთის დაბლობზე და ზემო იმერეთში იქროლებს აღმოსავლეთის მიმართულების ძლიერი ქარი. 29 სექტემბერს ზოგან გაწვიმდება. 
 
 ქ. თბილისში თბილი და უნალექო ამინდი იქნება. ჰაერის ტემპერატურა დღისით +25, +27 გრადუსი დაფიქსირდება.
 
 სანაპირო რაიონებში (ბათუმი, ქობულეთი, ანაკლია, ფოთი): 27-28 სექტემბერს თბილი და უმეტესად უნალექო ამინდი იქნება, 29 სექტემბერს კი შესაძლოა ხანმოკლე წვიმა აღინიშნოს. ჰაერის ტემპერატურა დღისით +28, +30 გრადუსია მოსალოდნელი. 
 
დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): 27-28 სექტემბერს თბილი და უნალექო ამინდია მოსალოდნელი. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა დღისით +27, +32 გრადუსი დაფიქსირდება. 29 სექტემბერს  ზოგან იწვიმებს. 
 
დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): 27-28 სექტემბერს თბილი და უნალექო ამინდი იქნება. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა დღისით +25, +30 გრადუსი დაფიქსირდება. 29 სექტემბერს  ზოგან იწვიმებს. 
 
 დასავლეთ საქართველოს მაღალმთიან რეგიონებში (მესტია, ბახმარო): 27-28 სექტემბერს უნალექო ამინდი იქნება, 29 სექტემბერს კი ზოგან იწვიმებს. ჰაერის ტემპერატურა დღისით +21, +26 გრადუსი დაფიქსირდება.
ქართლში (რუსთავი, ბოლნისი, მარნეული, გარდაბანი, გორი, ცხინვალი): 27-28 სექტემბერს  თბილი და უნალექო ამინდი იქნება, 29 სექტემბერს კი ზოგან იწვიმებს. ჰაერის ტემპერატურა დღისით +22, +27 გრადუსია მოსალოდნელი. 
 
კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო,): თბილი და უმეტესად უნალექო ამინდი იქნება.  ჰაერის ტემპერატურა დღისით +21, +26 გრადუსი დაფიქსირდება.
აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): 27-28 სექტემბერს  თბილი და უნალექო ამინდი იქნება, 29 სექტემბერს კი ზოგან იწვიმებს. ჰაერის ტემპერატურა დღისით +22, +27 გრადუსი დაფიქსირდება. 
 
 აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): 27-28 სექტემბერს  უნალექო ამინდი იქნება, 29 სექტემბერს კი ზოგან იწვიმებს.  ჰაერის ტემპერატურა დღისით +15, +20 გრადუსი დაფიქსირდება.
 
 
ქუთაისში აფხაზეთის ომში დაღუპულ გმირებს პატივი მიაგეს
საზოგადოება
გადასვლები: 698

  27 სექტემბერი ერთ-ერთი ყველაზე დრამატულ თარიღია თანამედროვე საქართველოს ისტორიაში - 30 წლის წინ, 1993 წლის 27 სექტემბერს, სოხუმის დაცემით დასრულდა.

იმერეთის ვიცე-გუბერნატორმა ლევან სანიკიძემ, ქუთაისის მერის მოადგილემ თამარ დახუნდარიძემ,  საკრებულოს თავმჯდომარემ ირაკლი შენგელიამ,  ომში დაღუპულთა ოჯახის წევრებთან ერთად,  პატივი მიაგეს აფხაზეთის ომის გმირების ხსოვნას.

 
 ადგილობრივი ხელისუფლების წარმომადგენლებმა „ნინოშვილის სკვერში“ ყვავილებით შეამკეს გმირთა მემორიალი. სასულიერო პირებმა ომში დაღუპულთა სულების მოსახსენებელი პანაშვიდი გადაიხადეს.
 
 სოხუმის დაცემის დღის გამო და აფხაზეთის ომში დაღუპულთა ხსოვნის პატივსაცემად, ქუთაისში,  ყველა ადმინისტრაციულ შენობაზე სახელმწიფო დროშები დაშვებულია.
ბაღდათის წარჩინებულ მოსწავლეებს კომპიუტერები გადაეცათ
საზოგადოება
გადასვლები: 3468

ბაღდათის მუნიციპალიტეტის მერმა კახა ენუქიძემ, საკრებულოს თავმჯდომარე  ნოდარ გიორგიძესთან და საგანმანათლებლო რესურს ცენტრის ხელმძღვანელ ნინო მშვილდაძესთან ერთად, ბაღდათის მუნიციპალიტეტის საჯარო სკოლების  საბაზო საფეხურის წარჩინებულ მოსწავლეებს საჩუქრად პორტატული კომპიუტერები გადასცა.

ბაღდათის მუნიციპალიტეტიდან 2022-2023 სასწავლო წელს 20 საბაზისო საფეხურის წარჩინებული მოსწავლეა.
"მინდა მოგილოცოთ წარჩინებული მოსწავლის ტიტული, ეს წარმატება დიდი შრომის შედეგია, როგორც თქვენი, ასევე პედაგოგების და მშობლების. გისურვებთ ასე წარმატებით დაგემთავრებინოთ სკოლა და უმაღლესი სასწავლებელი. შემდეგ კი თქვენი განათლება და გამოცდილება, ჩვენი მუნიციპალიტეტის  საკეთილდღეოთ გამოგეყენებინოთ".
განაცხადა ბაღდათის მერმა კახა ენუქიძემ.
  1. ბაღდათის მუნიციპალიტეტში აფხაზეთის ომში დაღუპულ გმირებს პატივი მიაგეს
  2. ირაკლი ღარიბაშვილი-სოხუმის დაცემით დასრულდა თანამედროვე საქართველოს ისტორიის ერთ-ერთი ყველაზე დრამატული მოვლენა, აფხაზეთის ომი.
  3. 30 წლის წინ, სოხუმის დაცემის დღეს სეპარატისტებმა ჟიული შარტავა დახვრიტეს
  4. სოხუმის დაცემიდან 30 წელი გავიდა
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search