სამტრედია-გრიგოლეთის გზა 10 წელია შენდება,თუმცა 4 ლოტიდან 3 ამ დრომდე დაუსრულებელია
საზოგადოება
გადასვლები: 809

ფლანგვის დეტექტორის ინფორმაციით,სამტრედია-გრიგოლეთის 4 მონაკვეთიდან ყველაზე გვიან – 2019 წელს – მე-3 ლოტი უნდა დასრულებულიყო,თუმცა ამჟამად მხოლოდ ერთი მონაკვეთია დასრულებული, 3 კი კვლავ დაუსრულებელია, 

 2013 წლის ბიუჯეტის თანახმად მშენებლობისთვის სულ 237 მილიონი ლარი იყო საჭირო, თუმცა  2021 წელს თანხა 1 მილიარდ ლარს გასცდა.
 
სამტრედია-გრიგოლეთის გზის მშენებლობა 4 ლოტად ხორციელდება, დაფინასების წყარო კი ევროპის საინვესტიციო ბანკია (EIB). სამშენებლო მონაკვეთის სიგრძე ჯამში  51.5 კმ-ია.
 
ყველაზე ნაკლებად პრობლემური მე-2 ლოტი აღმოჩნდა. მიუხედავად იმისა, რომ თავდაპირველი გეგმის თანახმად სამუშაოები 2018 წელს უნდა დასრულებულიყო, დასრულების ვადები 2020 წლამდე გადაიწია. თუმცა მიმდინარე მონაცემებით ეს ერთადერთი მონაკვეთია, რომელიც გაიხსნა. 
 
დაუსრულებელია 3 ლოტი, საიდანაც ყველაზე პრობლემურად პირველი ლოტია,რომლის  მშენებლობაც 2014 წლის 21 მაისს დაიწყო და 2016 წლის 21 ნოემბერს უნდა დასრულებულიყო, თუმცა კონტრაქტორის მხრიდან („Road Building ALTCOM“) ხელშეკრულებით ნაკისრი ვალდებულებების შეუსრულებლობის გამო, გზების დეპარტამენტმა 2017 წლის 2 ოქტომბერს ხელშეკრულება შეწყვიტა. 
 
დეპარტამენტს ახალ კონტრაქტორთან („Akkord lndustry Construction Investment Corporation“) მოუწია ხელშეკრულების გაფორმება. ამჯერად სამუშაოები 2018 წლის 3 დეკემბერს დაიწყო და 2020 წლის 3 დეკემბერს უნდა დასრულებულიყო, თუმცა   დეპარტამენტმა კონტრაქტორის მხრიდან ხელშეკრულებით ნაკისრი ვალდებულებების შეუსრულებლობის გამო, 2021 წლის 3 აგვისტოს შეწყვიტა ხელშეკრულება.
 
პირველი ლოტის მშენებლობის დასრულების მიზნით დეპარტამენტს მესამე კონტრაქტორთან (“შპს ჯეუ გრუპი”)  მოუწია ხელშეკრულების გაფორმება. კომპანიამ სამშენებლო სამუშაოები 2021 წლის 22 ნოემბერს დაიწყო და 2022 წლის 25 აგვისტოს უნდა დაესრულებინა. თუმცა როგორც გზების დეპარტამენტი აღნიშნავს, სამშენებლო სამუშაოების მიმდიანრეობისას გამოვლენილი დამატებით შესასრულებელი სამუშაოებიდან გამომდინარე მშენებლობის ვადა გაგრძელდა 2022 წლის 15 ნოემბრის ჩათვლით.
 
 რაც შეეხება მე-3 ლოტს კონტრაქტორმა კომპანიამ („Todini Costruzioni Generali S.p.A.“) სამუშაოები 2017 წლის 12 ივნისს დაიწყო და 2019 წლის 12 ივლისს უნდა დაესრულებინა. დეპარტამენტმა კონტრაქტორის მხრიდან ხელშეკრულებით ნაკისრი ვალდებულებების შეუსრულებლობის გამო ხელშეკრულება 2019 წლის 4 მარტს შეწყვიტა.ამჟამად კი ტენდერში გამარჯვებულ კომპანიასთან ხელშეკრულების გაფორმებისთვის საჭირო პროცედურები მიმდიანრეობს.
 
მეოთხე ლოტის მშენებლობის  2015 წლის 24 მაისს დაიწყო და 2017 წლის 24 მაისს უნდა დასრულებულიყო, თუმცა ამჟამად დასრულების ვადად 2022 წლის ბოლოა მითითებული.
 
ფოტო-საავტომობილო გზების დეპარტამენტი. სამტრედია-გრიგოლეთის გზის მშენებლობა. 
.
ბაღდათის მუნიციპალიტეტში საგზაო ინფრასტრუქტურული პროექტები მიმდინარეობს
საზოგადოება
გადასვლები: 1388

 ქალაქ ბაღდათში, თბილისის ქუჩის რეაბილიტაცია დასასრულს უახლოვდება. აღნიშნული ქუჩის ჩიხებში  ასფალტის საფარი დაიგო. ამ ეტაპზე  სანიღვრეების მოწყობა მიმდინარეობს. სამუშაოებს ტენდერში გამარჯვებული სამშენებლო კომპანია შ.პ.ს."მეკა"ასრულებს.
 
საავტომობილო გზის სარეაბილიტაციო სამუშაოები მიმდინარეობს  სოფელ ფერსათში,
ე .წ თავხელიძეების  ბოგირიდან პირველ  საჯარო სკოლამდე მისასვლელ გზაზე. სამუშაოებს სამშენებლო კომპანია "გი-ან11" ასრულებს.
ორივე საგზაო პროექტი რეგიონებში განსახორციელებელი პროექტების ფონდიდან ფინანსდება.
 
მიმდინარე სამუშაოების მონიტორინგს ბაღდათის მუნიციპალიტეტის მერი კახა ენუქიძე, მერიისა და საკრებულოს წარმომადგენლებთან ერთად პერმანენტულად ახორციელებს და სამუშაო პროცესს ეცნობა. 
ქუთაისელი ნუგზარ კოხრეიძის კანდიდატურას სახალხო დამცველის პოსტზე მხარს 40 რეგიონული არასამთავრობო ორგანიზაცია უჭერს
საზოგადოება
გადასვლები: 1567

სამეცნიერო - ინტელექტუალური კლუბი "თაობათა დიალოგის" თანადამფუძნებელს ნუგზარ კოხრეიძეს საქართველოს სახალხო დამცველის არჩევის კონკურსში ღია მხარდაჭერას უკვე 40-მდე რეგიონული არასამთავრობო ორგანიზაცია უცხადებს. ამის შესახებ კოხრეიძემ დღეს გამართულ  ბრიფინგზე ისაუბრა.

 
მხარდამჭერი ორგანიზაციები მოუწოდებენ საქართველოს პარლამენტში შემავალ ყველა პოლიტიკურ სუბიექტს, კოხრეიძე განიხილონ, როგორც  საქართველოს სახალხო დამცველის პოტენციური კანდიდატი.
 
ბრიფინგზე ნუგზარ კოხრეიძემ აღნიშნა, რომ სახალხო დამცველის პოზიციის დაკავების შემთხვევაში მისი სურვილია ომბუდსმენის მთავარი ოფისი ქუთაისში იყოს. 
 
"მადლობა მინდა ვუთხრა ყველა ორგანიზაციას, რომელმაც ჩემ მიმართ მხარდაჭერა გამოხატა. ვფიქრობ, მნიშვნელოვანია, რომ რეგიონული არასამთავრობო ორგანიზაციები აქტიურად არიან ჩართული ამ პროცესში. ჩემი ერთ-ერთი ამოცანაც სწორედ ეს არის. ვფიქრობ, ასეთი აქტურობა და ჩართულობა ინსტიტუციურ დონეზეც შეიძლება გაგრძელდეს .თუ მხარდაჭერა ექნება ჩემ სურვილს ,ქვეყნის ეს მნიშვნელოვანი სტრუქტურა თავის მთავარ ოფისს ქუთაისში დაიდებს. მიმაჩნია, ეს იქნება შესაძლებლობა დასავლეთ საქართველოსთვის და განსაკუთრებით გააძლიერებს ადამიანის უფლებათა დაცვის ორგანიზაციებს რეგიონებში. რა თქმა უნდა, წარმატებებს ვუსურვებ ყველა კანდიდატს და ჩვენს ქვეყანას ,რადგან ეს მნიშვნელოვანი პროცესია 12 პუნქტის აღსრულების მიმართულებით"-განაცხადა ნუგზარ კოხრეიძემ.
 
ნუგზარ კოხრეიძეს ადგილობრივ და საერთაშორისო ორგანიზაციებში მუშაობის 25 წლიანი გამოცდილება აქვს.
ის 2007-2018 წლებში მუშაობდა გაეროს მიგრაციის სააგენტოში (მიგრაციის საერთაშორისო ორგანიზაცია) ქუთაისის ოფისის საველე კოორდინატორად;
2018 წლიდან თანამშრომლობს გერმანულ არასამთავრობო ორგანიზაციასთან “ბერგჰოფის ფონდი”, რომელიც საქართველოში ქართულ-აფხაზურ და ქართულ-სამხრეთ ოსურ სამშვიდობო დიალოგის საკითხებზე მუშაობს; 2021 წლიდან არის აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის თავმჯდომარის მოადგილე და მესამე სამუშაო ჯგუფის თანაკოორდინატორი; 
2022 წლიდან აღმოსავლეთ ევროპის, კავკასიისა და ცენტრალური აზიის რეგიონში კლიმატის მოქმედებათა ქსელის (Climate Action Network - CAN) საბჭოს წევრი.
დღეს სახალხო დღესასწაული შემოდგომის წყალტუბო აღინიშნა
საზოგადოება
გადასვლები: 758

 
პირველ ოქტომბერს, წყალტუბოში ტრადიციული სახალხო დღესასწაული  ,, შემოდგომის წყალტუბო” მრავალფეროვანი და  მასშტაბური ღონისძიებებით აღინიშნა. 
 
სახალხო დღესასწაულს დაესწრნენ: იმერეთში სახელმწიფო რწმუნებულის პირველი მოადგილე ლევან სანიკიძე, მაჟორიტარი დეპუტატი პარლამენტში გივი ჭიჭინაძე, ქალაქის მერი გენადი ბალანჩივაძე, ადგილობრივი ხელისუფლების წარმომადგენლები, დელეგაციები წყალტუბოს  მეგობარი და პარტნიორი ქალაქებიდან და სხვა მიწვეული სტუმრები.
 
სახალხო დღესასწაულის ფარგლებში წარმოდგენილი იყო ფოლკლორი, თეატრალიზებული სანახაობები, საგამოფენო სივრცეები, ეთნოგრაფიული კუთხეები.
 
დღის განმავლობაში გაიმართა  სხვადასხვა  შემეცნებითი, კულტურული და სპორტული  ღონისძიებები, დაიწურა ყურძენი და ჩამოისხა ბრენდირებული ღვინო- ,,წყალტუბო’’,  იმერულ  ფაცხებში კი სოფლის ნობათი და ტკბილეული იქნა წარმოდგენილი.   
 
სახალხო დღესასწაულზე ტრადიციულად წყალტუბოს საპატიო მოქალაქეების დაჯილდოვების ცერემონია შედგა.
 
,, შემოდგომის წყალტუბო -2022“  საზეიმო კონცერტით დასრულდება. ღონისძიებას გახსნის ფოლკლორული ანსაბლი ,,ნადური’’,   ლეგენდარული ანსამბლი  „ქართული ხმები“ შეასრულებს ქართველ კომპოზიტორთა შედევრებს, ასევე საკუთარ მუსიკალურ პროგრამას წარმოადგენს გიორგი გაბუნია და ღამის  შოუს ბენდი.
 
სახალხო დღესასწაული ,,შემოდგომის წყალტუბო 2022” ფოიერვერკით დასრულდება.
სამტრედიაში ოჯახის წევრის მიმართ ჩადენილი ძალადობის ფაქტზე შსს დაცვის პოლიციის თანამშრომელია დაკავებული
საზოგადოება
გადასვლები: 728

სპეციალურმა საგამოძიებო სამსახურმა შსს დაცვის პოლიციის დეპარტამენტის თანამშრომელი დააკავა.

 
სპეციალურმა საგამოძიებო სამსახურმა სამტრედიაში ოჯახის წევრის მიმართ ჩადენილი ძალადობის ფაქტებზე შსს დაცვის პოლიციის თანამშრომელი დააკავა, 
 
სპეციალური საგამოძიებო სამსახურის მიერ ჩატარებული გამოძიების შედეგად, სამტრედიის მუნიციპალიტეტის სოფელ იანეთში 2021 წლის სექტემბრის თვეში და 2022 წლის 15 აგვისტოს, არასრულწლოვნის თანდასწრებით, ოჯახის წევრის მიმართ ძალადობასა და სიცოცხლის მოსპობის მუქარისთვის, დაკავებული იქნა საქართველოს შინაგან საქმეთა სამინისტროს დაცვის პოლიციის დეპარტამენტის თანამშრომელი ს.ჯ.
საქართველოს პროკურატურამ აღნიშნულ პირს საქართველოს სისხლის სამართლის კოდექსის 126' მუხლის მე-2 ნაწილის „ბ“ ქვეპუნქტითა და 11', 151-ე მუხლი მე-2 ნაწილის „დ“ ქვეპუნქტით გათვალისწინებული დანაშაულისთვის ბრალი 2022 წლის 29 სექტემბერს წარუდგინა.
 
ბაღდათის მუნიციპალიტეტში ევროპის მდგრადი ენერგეტიკული კვირეულის ეგიდით , შემეცნებითი და სპორტული ღონისძიებები გაიმართა
საზოგადოება
გადასვლები: 709

ბაღდათის მუნიციპალიტეტში „ევროპის მდგრადი ენერგეტიკული კვირეულის“ ეგიდით , შემეცნებითი და სპორტული ღონისძიებები გაიმართა.

 კვირეულის ფარგლებში ბაღდათის მუნიციპალიტეტში , ა.ა.ი.პ ბაღდათის სპორტისა და მოზარდთა აქტივობის ცენტრის აღსაზრდელებმა მოკლე მანძილის დისტანციაში გარბენი მოაწყვეს, გამარჯვებულ მონაწილეებს  კი სიმბოლური საჩუქრები გადაეცათ.
მდგრად ენერგეტიკას და ენერგიის ეფექტურად გამოყენებას მიეძღვნა შემეცნებითი გაკვეთილები, სოფელ საკრაულასა და ზეგანის საჯარო  სკოლებში. მოსწავლეებმა თავიანთი თვალით დანახული ეკოლოგიურად ჯანსაღი გარემო ფურცლებზე ასახეს და თემატურად მიხატეს სკოლის ეზო.
 
 ევროპის მდგრადი ენერგეტიკის კვირეული ,(EUSEW) 2009 წლიდან აღინიშნება.
კვირეული ცნობიერების  ამაღლების მიზნით საზოგადოების სხვადასხვა სფეროს წარმომადგენლებს აერთიანებს, სადაც საუბარი ეხება,  ენერგიის დაზოგვის, განახლებადი - უფრო სუფთა, უსაფრთხო და ეფექტური ენერგეტიკის ინიციატივებს.
ბაღდათის მუნიციპალიტეტში „ევროპის მდგრადი ენერგეტიკის კვირეული“-ს ფარგლებში  ღონისძიებები, ბაღდათის მერიის  საერთაშორისო და ადგილობრივ დონორ ორგანიზაციებთან ურთიერთობის განყოფილების  და კულტურის სამსახურის ორგანიზებით, ასევე ენერგოეფექტურობის ცენტრის მხარდაჭერით გაიმართა.
  1. ბაღდათის მუნიციპალიტეტის სოფელ როხში ე. წ. სანიკიანების უბანში, საავტომობილო გზის რეაბილიტაცია დაიწყო.
  2. ქუთაისში 60 წლამდე ქალს ავტომანქანა დაეჯახა
  3. ანტიკორუფციული მოძრაობის იმერეთის ორგანიზაციის თავმჯდომარე ქუთაისის პოლიციის განყოფილებაში გამოკითხეს
  4.  ქუთაისში კინეზიოლოგიური ცენტრი მალა-მედი იხსნება
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search