ჭომა-ალპანა-მამისონის უღელტეხილზე მოძრაობა აღდგენილია
საზოგადოება
გადასვლები: 753

ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 47-ე კმ-ზე  ავტოტრანსპორტის მოძრაობა აღდგენილია.

 შეგახსენებთ, რომ ქვისცვენის გამო, აღნიშნულ მონაკვეთზე დროებით აკრძალული იყო ყველა სახის ავტოტრანსპორტის გადაადგილება.
ხვალ ქუთაისში საშობაო მსვლელობა მოეწყობა
საზოგადოება
გადასვლები: 827

ხვალ,12:00 საათზე ქუთაისში  ტრადიციული  საშობაო მსვლელობა გაიმართება.შობის მახარობლები  ქალაქის  ქუჩებში  საშობაო სიმღერით  ჩაივლიან და მოსახლეობას დღესასწაულს მიულოცავენ.

"ალილოს" ტრადიციულად ადგილობრივი თვითმმართველობის შენობის წინ მხარისა და ქალაქის პირველი პირები დახვდებიან და შობის მახარობლებს ტკბილეულს გადასცემენ.
საშობაო მსვლელობის დროს შეგროვებული  ნობათი ქველმოქმედებას მოხმარდება, ნობათი ,,დღის ცენტრებისა,,  და წყალწითელას მოხუცთა პანსიონის ბენეფიციარებს გადაეცემა. 
 
ტრადიციული საშობაო მსვლელობა 
წმინდა გიორგის სახელობის ტაძრიდან დაიწყება .
 
 
უამინდობა დასავლეთ საქართველოში-გარემოს ეროვნული სააგენტო მოსახლეობას აფრთხილებს
საზოგადოება
გადასვლები: 849

3-5 იანვარს საქართველოში (ძირითადად ქვეყნის დასავლეთ ნაწილში) მოსალოდნელია დროგამოშვებით წვიმა, მთიან და მაღალმთიან რეგიონებში ზოგან ძლიერი თოვა, ქარბუქი, ნისლი, ლიპყინული და ზვავსაშიშროება, ზღვაზე შესაძლებელია 3-4 ბალიანი შტორმული ღელვა. 

 
საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო შესაძლებელია შეიზღუდოს ტრანსპორტის მოძრაობა. 
 
მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
ნაქერალას უღელტეხილსა და მცხეთა-სტეფანწმინდა-ლარსის მონაკვეთზე მოძრაობა შეზღუდულია
საზოგადოება
გადასვლები: 719

თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ52 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია

 საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.
 
თოვის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
 
გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)–კობის  მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში,  გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით.
 
აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.
ბაღდათში საახალწლო ღონისძიება გაიმართა
საზოგადოება
გადასვლები: 945

ბაღდათში საქართველოს მთავრობის ადმინისტრაციის ორგანიზებით გამართული ღონისძიება გალა კონცერტით დასრულდა .

 ღონისძიებაზე მსმენელების წინაშე პოპულარული ქართველი შემსრულებლები წარსდგნენ.

საახალწლო ღონისძიებაზე მისულ სტუმრებს მთელი დღის განმავლობაში სხვადასხვა სახის გასართობი, მხატვრული, მუსიკალური თუ საბავშვო პროგრამების ნახვის შესაძლებლობა ჰქონდა.

მოეწყო ორკესტრის და კოსტიუმირებული გმირების მსვლელობა, საშობაო ბაზრობა, ადგილობრივი ნაწარმის, ხელნაკეთი ნივთების გამოფენა-გაყიდვა.

წარმოდგენილი იყო საბავშვო სივრცე, ზღაპრის გმირების მსვლელობა, სანტას შეხვედრა ბავშვებთან.

 გალა კონცერტი გრანდიოზული ფოიერვერკით დასრულდა.

დღეს 10 საათიდან ქუთაისის ცენტრალურ ნაწილში მოძრაობა შეიზღუდება
საზოგადოება
გადასვლები: 701

ქუთაისის ცენტრალურ ნაწილში სატრანსპორტო საშუალებათა მოძრაობა და პარკინგი დროებით შეიზღუდება.  

განცხადებას ქუთაისის მუნიციპალიტეტის მერია ავრცელებს.
 
31 დეკემბერს,  ქუთაისის მუნიციპალიტეტის
მერიის ორგანიზებით, ქალაქის ცენტრალურ მოედანზე დაგეგმილია სხვადასხვა
საახალწლო ღონისძიება.
 
აღნიშნული ღონიძიებების შეუფერხებლად განხორციელებისთვის, დროებით შეიზღუდება სატრანსპორტო  საშუალებათა მოძრაობა და პარკირება  შემდგომ ლოკაციებზე:
 
 31 დეკემბერს,  08 :00 საათიდან 24:00 საათამდე,  სატრანსპორტო საშუალებათა
მოძრაობისა და პარკირების შეზღუდვა ზაქარია ფალიაშვილის ქუჩაზე,  საჯარო
ბიბლიოთეკის შენობამდე და კოლუმბია-მისურის ქუჩაზე;
 
 31 დეკემბერს,  10:00 საათიდან ღონისძიებების დასრულებამდე, 
სატრანსპორტო საშუალებათა მოძრაობისა და პარკირების სრული შეზღუდვა დავით აღმაშენებლის მოედანზე, გარდა თბილისის და გელათის ქუჩებისა.
 
 შესაბამისად, შეიცვლება მუნიციპალური ტრანსპორტის მოქმედი სვლაგეზები :
 
 წრიული მარცხენა სვლაგეზი (1L)  -  თამარ მეფის ქუჩა, ფანჯიკიძის ქუჩა, წერეთლის ქუჩა, აღმაშენებლის გამზირი, გალაკტიონ ტაბიძის ქუჩა, წითელი ხიდი, რუსთაველის გამზირი, ზვიად გამსახურდიას ქუჩა, ჭავჭავაძის გამზირი, ლადო ასათიანის ქუჩა, აღმაშენებლის გამზირი, წერეთლის ქუჩა, მანდარიას ქუჩა, თამარ მეფის ქუჩა.
 
 წრიული მარჯვენა სვლაგეზი (1R) იმოძრავებს ჩვეული გრაფიკით.
 
 N3 სვლაგეზი - აღმაშენებლის მოედნისა და ფალიაშვილის ქუჩის ნაცვლად, მობრუნდება გურამ ფანჯიკიძის ქუჩაზე   (კ/თ „საქართველო“).
 
 N 41 სვლაგეზი - აღმაშენებლის მოედნისა და ფალიაშვილის ქუჩის ნაცვლად, მობრუნდება გურამ ფანჯიკიძის ქუჩაზე (კ/თ „საქართველო“).
 
 N 4 სვლაგეზი - წერეთლის ქუჩა, მანდარიას ქუჩა, თამარ მეფის ქუჩა, გურამ ფანჯიკიძის ქუჩა, წერეთლის ქუჩა, აღმაშენებლის გამზირი, გალაკტიონ ტაბიძის ქუჩა, წითელი ხიდი, რუსთაველის გამზირი, ივანე ჯავახიშვილის ქუჩა, ბუხაიძის ქუჩა, ირაკლი აბაშიძის ქუჩა, ავტომშენებლის გამზირი. ავტომშენებლის გამზირიდან  წერეთლის ქუჩის მიმართულებით იმოძრავებს არსებული გრაფიკით.
 
 N 5 სვლაგეზი - წერეთლის ქუჩა, მანდარიას ქუჩა, თამარ მეფის ქუჩა, გურამ ფანჯიკიძის ქუჩა, წერეთლის ქუჩა, აღმაშენებლის გამზირი, გალაკტიონ ტაბიძის ქუჩა, წითელი ხიდი. ხოლო წითელი ხიდიდან რევაზ თაბუკაშვილის ქუჩამდე იმოძრავებს არსებული გრაფიკით.
 
 N 6 სვლაგეზი - ნაცვლად აღმაშენებლის მოედნისა, იმოძრავებს რუსთაველის გამზირიდან გალაკტიონ ტაბიძის ქუჩაზე, დავით და კონსტანტინეს ქუჩის გავლით, ჯაჭვის ხიდისკენ, შემდეგ ვარლამიშვილის მოედანზე, აქედან კი გუმათის დასახლებამდე არსებული გრაფიკით.
 
 N 10 სვლაგეზი - ნაცვლად აღმაშენებლის მოედნისა, იმოძრავებს გალაკტიონ ტაბიძის ქუჩაზე წითელი ხიდით, შემდეგ - არსებული გრაფიკის შეუცვლელად.
 
 N 19 სვლაგეზი - ნაცვლად აღმაშენებლის მოედნისა, იმოძრავებს წერეთლის ქუჩაზე, მანდარიას ქუჩა, თამარ მეფის ქუჩა, სოლომონ პირველის ქუჩა, საფიჩხიის მოედანი, 26 მაისის ქუჩა, მერაბ კოსტავას ქუჩა, მარი ბროსეს ქუჩა, ვარლამიშვილის ქუჩა, ფალიაშვილის ქუჩა, აქედან კი ნიკეას ქუჩამდე  არსებული გრაფიკით.
 
 N 20 სვლაგეზი - ნაცვლად აღმაშენებლის მოედნისა, იმოძრავებს რუსთაველის ქუჩა,  გალაკტიონ ტაბიძის ქუჩა, წითელი ხიდი, თაბუკაშვილის ქუჩაზე კი დაბრუნდება  არსებული გრაფიკით.
 
 N 106 სვლაგეზი (M2 კატეგორია) - იმოძრავებს ნაცვლად აღმაშენებლის მოედნისა, რუსთაველის გამზირი, გალაკტიონ ტაბიძის ქუჩა, დავით და კონსტანტინეს ქუჩა, ჯაჭვის ხიდი, ვარლამიშვილის მოედანი, გუმათის დასახლებამდე კი დადგენილი გრაფიკით.
 
 N 126 სვლაგეზი (M2 კატეგორია) - რუსთაველის გამზირიდან, აღმაშენებლის მოედნის ნაცვლად, იმოძრავებს გალაკტიონ ტაბიძის ქუჩის გავლით, წითელ ხიდზე.
 N 133 სვლაგეზი (M2 კატეგორია) - აღმაშენებლის მოედნის ნაცვლად, იმოძრავებს ვარლამიშვილის ქუჩაზე, მარი ბროსეს ქუჩის გავლით, გელათის ქუჩაზე.
 
 N 141 სვლაგეზი (M2 კატეგორია) - დავით აღმაშენებლის მოედნის ნაცვლად, ვარლამიშვილის ქუჩიდან იმოძრავებს მარი ბროსეს ქუჩის გავლით გელათის ქუჩის მიმართულებით, 26 მაისის ქუჩაზე და სვლაგეზს განაგრძობს არსებული გრაფიკით. ის უკან დაბრუნდება საფიჩხიის მოედნით, 26 მაისის ქუჩის გავლით, გელათის ქუჩაზე და მარი ბროსეს ქუჩის გავლით ვარლამიშვილის ქუჩაზე.
 
 მუნიციპალური ტრანსპორტი იმუშავებს 1 იანვრის 01:00 საათამდე.  ავტობუსები  წითელი ხიდიდან გავა ყველა არსებული სვლაგეზით.
  1. მოხდა სასამართლო გადაწყვეტილების აღსრულება-ქუთაისის მერია კაფე სავანეს დემონტაჟს ეხმაურება
  2. ხარაგაულის მუნიციპალიტეტის სოფელ კიცხის სკოლა დაზიანებულია
  3. სამტრედია-გრიგოლეთის ხიდის ჩავარდნის მიზეზი უხარისხოდ შესრულებული სამუშაო გახდა
  4. ელექტროენერგიის ტარიფი 3 თეთრით მცირდება
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search