საყოველთაო პროტესტის 46-ე დღეს აქცია ქუთაისში უცვლელი მოთხოვნებით ისევ იმართება.

,,სოლიდარობა ბათუმს,, ,,თავისუფლება რეჟიმის ტყვეებს,, ,,ცეცხლი ოლიგარქიას,, -ამ ტრანსფარანტებით აქციის მონაწილეები ქუთაისის მერიის წინ არიან შეკრებილები.

ისინი საპროტესტო აქციების დროს დაკავებულთა უპირობოდ გათავისუფლებას ითხოვენ.

15 იანვარს სლოგანით ,,იფიცება საქართველო,, საყოველთაო, გამაფრთხილებელი გაფიცვა იგეგმება.

,,15 იანვარს, 15:00 საათზე, დამსაქმებლები და დასაქმებულები ვაწყობთ საყოველთაო გამაფრთხილებელ გაფიცვას! 

3 საათის განმავლობაში დროებით დავკეტავთ ჩვენს კარს და დავდგებით გარეთ. ჩვენი გაფიცვით ვაჩვენებთ თუ რა გველის იზოლაციის პირობებში:

• გაჩერებული ეკონომიკა;

• დაკეტილი ბიზნესი;

• სიღარიბე და უმუშევრობა.

საფრთხეც და გამოსავალიც ყველასთვის საერთოა – ახალი არჩევნები და დაკავებულების გათავისუფლება.

ამიტომ:იმის მიუხედვად თუ სად მუშაობ, ბიზნესის მფლობელი ხარ, მენეჯერი თუ დასაქმებული – შემოგვიერთდი!

იფიცება საქართველო!,,-წერია ინფორმაციაში.  

ქუთაისში საპროტესტო აქციები გრძელდება.

,,მშვიდობის ნიღაბს ამოფარებული მოძალადე სისტემა,,  ,,უსამართლო სასამართლო,,-ამ სლოგანებით ქუთაისის მერიის წინ აქცია მიმდინარეობს. 

,,თავისუფლება რეჟიმის ტყვეებს,,-სკანდირებდნენ შეკრებილები და დაპატიმრებულების დაუყოვნებლივ გათავისუფლებას ითხოვენ. 

დღეს აქციების 45-ე დღეა.

საქართველოს მთავრობამ 9 იანვარი გლოვის დღედ გამოაცხადა. ამის შესახებ განცხადებას მთავრობის ადმინისტრაცია ავრცელებს.

როგორც გავრცელებულ განცხადებაშია ნათქვამი, აღნიშნული გადაწყვეტილება საბერიოში მომხდარ ტრაგედიას უკავშირდება.

"საქართველოს მთავრობის გადაწყვეტილებით, ოკუპირებული გალის რაიონის სოფელ საბერიოში მომხდარ ტრაგედიასთან დაკავშირებით, რომელსაც ხუთი ბავშვის სიცოცხლე ემსხვერპლა, 9 იანვარი გლოვის დღედ გამოცხადდა.

მთავრობის შესაბამისი განკარგულების თანახმად, რომელსაც ხელს აწერს პრემიერ-მინისტრი ირაკლი კობახიძე, გლოვის დღესთან დაკავშირებით, საქართველოს ტერიტორიაზე, ადმინისტრაციულ შენობებზე სახელმწიფო დროშები დაეშვება.

საქართველოს მთავრობა კიდევ ერთხელ სამძიმარს უცხადებს ხანძრის შედეგად დაღუპული ბავშვების ოჯახსა და ახლობლებს", - ნათქვამია განცხადებაში.

ბაღდათის მუნიციპალიტეტის მერმა კახა ენუქიძემ და საკრებულოს თავმჯდომარემ ნოდარ გიორგიძემ, საგანგებო რეჟიმში მომუშავე სამსახურებს შობა- ახალი წელი მიულოცეს.

 მერმა და საკრებულოს თავმჯდომარემ, სასწრაფო სამედიცინო დახმარების ცენტრის, შპს ჯეო ჰოსპიტალსის ბაღდათის მრავალპროფილური სამედიცინო ცენტრის, პოლიციის და სახანძრო-სამაშველო სამსახურის თანამშრომლებს, შობა-ახალი წელი სამუშაო ადგილებზე მიულოცეს, საჩუქრები გადასცეს და მადლობა გადაუხადეს ქვეყნისა და მოქალაქეების ზრუნვაზე გაწეული სამსახურისთვის.

ბაღდათის მუნიციპალიტეტში დღეს ტრადიციული საშობაო მსვლელობა მოეწყო.

მაცხოვრის შობის დღესასწაულთან დაკავშირებით ბაღდათის მუნიციპალიტეტში საშობაო მსვლელობა “ალილო” მოაწყო. . 

საშობაო მსვლელობის დროს საგალობლები სასულიერო პირებმა და ა.ა.ი.პ. ბაღდათის მუნიციპალიტეტის მოსწავლე ახალგაზრდობის სახლის სალოტბარო სკოლის აღსაზრდელებმა შეასრულეს