ინტენსიური თოვის და ლიპყინულის გამო, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზაზე, დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

ქუთაისში დილიდან თოვს.

ქალაქში მოსული ნალექის გამო ა(ა)იპ “ სპეციალური სერვისები” მუშაობის საგანგებო რეჟიმზე გადავიდა.სამსახურის მიერ გავრცელებულ ინფორმაციის მიხედვით, მობილიზებილია რამდენიმე თოვლმწმენდი სპეციალური ტექნიკა და ცოცხალი მუშა ხელიც. 

ამ მომენტისთვის გადაადგილება ქალაქის მასშტაბით დაუბრკოლებლად შეიძლება. 

შუაღამიდანვე დაიწყო იმ მონაკვეთების გაწმენდა , რომელიც რელიეფურად შედარებით რთულ ლოკაციებს წამოადგენდა.

საქართველოში თოვლიანი ამინდები 25 თებერვლამდე გაგრძელდება. ღამით გაძლიერდება ყინვები.

„ბათუმელების“ დამფუძნებელმა, მზია ამაღლობელმა შიმშილობა შეწყვიტა. ამის შესახებ მზია ამაღლობელის წერილშია ნათქვამი, რომელიც კლინიკა "ვივამედთან" გამართულ ბრიფინგზე „ბათუმელების“ რედაქტორმა, ეთერ თურაძემ წაიკითხა.

„ბათუმში, „ოცნების ქალაქში“ მომხდარი ტრაგედიის ორი არასრულწლოვანი ბავშვის თხრილში ჩავარდნის და დაღუპვის ფონზე, ჩემს ჯანმრთელობას და სიცოცხლეზე საზოგადოების წუხილის მოსმენა, წარმოუდგენლად მძიმეა ჩემთვის. ამ დღეებში, ექიმების დახმარებით შევეცდები როგორმე შევძლო კვების აღდგენა. "სინდისის პატიმრებს" მადლობა სოლიდარობისთვის, ვთხოვ მათაც შეწყვიტონ შიმშილობა. განსაკუთრებულ პასუხისმგებლობა ვგრძნობ ჩემი თანამოაზრეების კოლეგების, მეგობრების და ოჯახის მიმართ. არ მინდა, ჩემმა შიმშილობამ დაგასუსტოთ, თქვენ ჩემს ნაცვლადაც უნდა იბრძოლოთ", - აღნიშნულია წერილში.

მზია ამაღლობელი ბათუმის პოლიციის უფროსის, ირაკლი დგებუაძისთვის სილის გაწვნის ფაქტზე, პოლიციელზე თავდასხმის ბრალდებით დააკავეს.

ის დაკავების მომენტიდან,38 დღე შიმშილობდა.

 19 – 21 თებერვალს საქართველოში მოსალოდნელია ნალექი, უმეტესად თოვლის სახით, ზოგან ძლიერი, მთაში და მაღალმთაში ზოგან ნისლი, ქარბუქი და ზვავსაშიშროება, საავტომობილო გზებზე ლიპყინული, ელექტროგადამცემ ხაზებზე შემოყინულობა. 

დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა. (საფრთხის დონე საშუალო).

,, აჯანყდი,რადგან წინააღმდეგობა დამცირებაზე უკეთესია.,, ,,თავისუფლება, თანასწორობა, სოლიდარობა,,  ,,სამართალი ხალხს,დამხობა ოლიგარქიას,,-ამ შინაარსის ბანერები დღეს სამოქალაქო აქტივისტებმა ქუთაისში, წითელ,რუსთაველის და თეთრ ხიდებზე გადმოფინეს.

პროტესტის ამ ფორმით  მათ ,,ქართული ოცნების,, დამფუძნებლის,ბიძინა ივანიშვილის დაბადების დღე აღნიშნეს.

ქუთაისში, ჩხობაძის ქუჩაზე  უთავსახურო  ჭები მოსახლეობის სიცოცხლესა და ჯანმრთელობას საფრთხეს უქმნის.

,,უთავსახურო ჭები ჩხობაძის ქუჩაზე, 3 მეტრში სტადიონია და ბავშვები თამაშობენ. ვინ უნდა მიხედოს ამას ? ,,-წერს ჯგუფში ,,ქუთაისში არსებული ინფრასტრუქტურული პრობლემები,, მოქალაქე ნათია უგლავა.