ქუთაისის "ტორპედოს"შესყიდვის მსურველი "ალიანს ჯგუფი" გუნდის გასხვისებასთან დაკავშირებით გამართული აუქციონის ჩაშლას ეხმაურება და განცხადებას ავრცელებს.
- სპორტი
- გადასვლები: 717
დავფარავთ სახელფასო დავალიანებებს-ალიანს ჯგუფი ტორპედოსთან დაკავშირებით განცხადებას ავრცელებს
"იმის მაგივრად, რომ პოტენციური ინვესტორების დაინტერესება მომხდარიყო სხვადასხვა მიმზიდველი შეთავაზებით, კლუბის გასხვისების პირობები გაიწერა ბუნდოვნად და გამიზნულად თუ უნებლიედ რისკის შემცველ პერსპექტივებად.
ამიტომაც, ლოგიკურად, ბიზნესისათვის ეს აქტივი არ აღმოჩნდა საინტერესო და აუქციონი ჩაიშალა.
შესაბამისად, დადგა არასასურველი შედეგი, კლუბს ისევ არ ჰყავს ინვესტორი.
მზად ვართ, კიდევ უფრო კრიტიკული ვითარების მიუხედავად, სასწრაფო რეჟიმში შევიდეთ "ტორპედოს" მართვაში და განვახორციელოთ სოლიდური ინვესტიციები შემდეგი პირობებით:
1. დავფარავთ მიმდინარე სახელფასო დავალიანებებს
2. დავფარავთ ძველი ინვესტორის დავალიანებებს
3. მომავალი 2 წლის განმავლობაში კლუბის ბიუჯეტისთვის გამოვყოფთ მინიმუმ $6 მილიონს
4. მუნიციპალიტეტი თავის თავზე აიღებს სხვა გაუგებარ არაღიარებულ, აღიარებულ თუ წარმოშობილ დავალიანებებს.
ამ შემთხვევაში 1 სამუშაო კვირის განმავლობაში მზად ვართ დავიწყოთ კლუბის გადაფორმების და მართვის პროცესი."-წერია განცხადებაში.