დღეს ტოკიოში ზაფხულის ოლიმპიადა იწყება, რომელიც 8 აგვისტოს დასრულდება. 24 აგვისტოდან 5 სექტემბრამდე კი პარაოლიმპიური თამაშები გაიმართება.
ოლიმპიადაზე სპორტსმენები 33 სახეობაში დაუპირისპირდებიან ერთმანეთს, პარაოლიმპიადაზე კი - 22 სახეობაში.
ტოკიო დაახლოებით 11 000 სპორტსმენს მასპინძლობს.
იმერეთიდან ოლიმპიადაში 6 სპორტსმენი მონაწილეობს.
დღეს, იაპონიის დედაქალაქ ტოკიოში საქართველოს დროით 15:00 საათზე, იაპონიის დროით 20:00 საათზე გაიმართება ზაფხულის XXXII ოლიმპიური თამაშების გახსნის საზეიმო ცერემონია.
ოლიმპიადა გასულ წელს უნდა გამართულიყო, თუმცა კორონავირუსის პანდემიის გამო გადაიდო.
საერთაშორისო ოლიმპიური კომიტეტი ამტკიცებს, რომ ოლიმპიადა, რომელიც მაყურებლის გარეშე ჩატარდება, „უსაფრთხო და დაცული" იქნება.