ბექა ლომთაძემ (61 კგ) თავიდანვე წარმატებით დაიწყო.  შვეიცარიელი ლეუტერი აშკარა უპირატესობით 10-0 და საფრანგეთის სახელით მოასპარეზე ადამ ბიბულატოვი წმინდად დაამარცხა.

ნახევარფინალში ლომთაძემ  ასევე იოლად, 10-0 მოუგო გერმანელ ლიზენს.

ფინალურ ორთაბრძოლაში, ქუთაისელი ფალავანი, ბელგიის წარმომადგენელ აიუბ მუსაევს დაუპირისპირდა, მეტოქეს 8-1 მოუგო და საფრანგეთის გრან-პრის გამარჯვებული გახდა.

აღსანიშნავია, რომ ანრი დეგლანი სახელობის საერთაშორისო გრან-პრის გათამაშებაზე საქართველოს თავისუფალი სტილით ნაკრებმა 4 ოქროს, 2 ვერცხლის და 3 ბრინჯაოს მედლის მოპოვებასთან ერთად, გუნდური პირველი ადგილი დაიკავა.