საზოგადოება

: საზოგადოება; 06 იანვარი 2021; გადასვლები: 1673

იმერეთში, სოფელ ნაბადურსა და სოფელ ნავარძეთში ცეცხლის კერები ისევ რჩება

დილის შემდეგ 112-ში შევიდა შეტყობინება ხანძრების შესახებ ხარაგაულში, სოფელ ნადაბურსა და ჭიათურაში, სოფელ ნავარძეთში. ორივე ლოკაციაზე მობილიზებული არიან მეხანძრე- მაშველები და მიმდინარეობს სალოკალიზაციო სამუშაოები.

ამ დროისთვის იმერეთში ლიკვიდირებულია ხანძრები წყალტუბოში, სოფელ ზარათში და ხონში, სოფელ ძეძილეთში.

: საზოგადოება; 06 იანვარი 2021; გადასვლები: 1204

გოჩა ლორთქიფანიძე: „პენიტენციურ სისტემაში ვითარება სრულად ექვემდებარება კონტროლს“

საქართველოს იუსტიციის მინისტრმა გოჩა ლორთქიფანიძემ პენიტენციურ სისტემაში არსებულ სიტუაციაზე გააკეთა განცხადება.

„მინდა, გამოვეხმაურო იმ დეზინფორმაციას, რომელიც რამდენიმე დღის განმავლობაში ვრცელდება პენიტენციურ სისტემაში არსებულ მდგომარეობასთან დაკავშირებით. მინდა, ყველა დაგამშვიდოთ იმიტომ, რომ ვითარება სრულად ექვემდებარება კონტროლს, როგორც ექვემდებარებოდა აქამდე. კონტროლის ყველა ის მექანიზმი, რაც იყო ფილტრი, რაც ემსახურება კოვიდვირუსის პრევენციას, მის აღმოჩენას, გამოვლენას, ასევე, კონტროლს და ვითარების მართვას, კვლავ მოქმედებს ეფექტურად, როგორც აქამდე მოქმედებდა და ეს ჩანს თუნდაც ჩვენ მიერ ბოლო დღეებში გატარებულ ღონისძიებებში“, – განაცხადა გოჩა ლორთქიფანიძემ.

მისი თქმით, ქვეყანაში შექმნილი ეპიდემიოლოგიური ვითარებიდან გამომდინარე, პენიტენციურმა სისტემამ დაიწყო პატიმრების ინტენსიური PCR ტესტირება და ეს პროცესი გრძელდება.

„პატიმრების ინტენსიური PCR ტესტირება დავიწყეთ 31 დეკემბრიდან და გეგმაზომიერად მივყვებით ამ პროცესს. პირველ რიგში, PCR ტესტირებას დაექვემდებარა არასრულწლოვნების პენიტენციური დაწესებულება, სადაც ყველა ტესტი იყო უარყოფითი შედეგით. შემდეგ გადავედით ქალთა დაწესებულებაზე, სადაც, ასევე, ჩატარდა PCR ტესტირება და 23 შემთხვევაში დადასტურდა კოვიდი. ყველა ეს პირი გადაყვანილი და იზოლირებულია, ასევე, მათი კონტაქტები, თანამესაკნეები. ყველა ამ შემთხვევაში ხდება მყისიერი რეაგირება და ვიმეორებ, სისტემა კვლავ ეფექტურად ფუნქციონირებს. ხაზს ვუსვამ, არავითარი საფუძველი არ აქვს ამ აჟიოტაჟს და დეზინფორმაციას. და რატომ ვუსვამ ხაზს – ჩვენ ახლა პასუხისმგებლები ვართ ამ 9 ათასამდე ადამიანის წინაშე, მათი ოჯახების წინაშე, რომლებიც გვიყურებენ. არავითარი საფრთხე და შეშფოთების არავითარი საფუძველი არ არსებობს“, – განაცხადა იუსტიციის მინისტრმა.

: საზოგადოება; 06 იანვარი 2021; გადასვლები: 2050

ჟურნალისტი ელისო კილაძე გეგუთის კოლონიაში არსებულ რთულ სიტუაციაზე საუბრობს

ჟურნალისტი ელისო კილაძე გეგუთის კოლონიიდან პატიმრების გაყვანის შესახებ საუბრობს.

,,ქრონიკა პლიუსის,, რედაქტორი პატიმარ კახაბერ ტორჩინავას ოჯახის წევრისგან მიღებულ ინფორმაციას ასაჯაროებს. მისი თქმით, კოლონიაში კოვიდ სიტუაციიდან გამომდინარე, წუხელ ღამით იყო ბუნტი, რის შემდეგაც ადმინისტრაციამ ციხიდან პატიმრების გაყვანა დაიწყო.

კილაძე მიმართავს ადვოკატებს, შევიდნენ პენიტენციურ დაწესებულებაში და ზუსტი ინფორმაცია გამოიტანონ.

ჟურნალისტის თქმით, ოფიციალური ინფორმაციის მიღება ვერ ხერხდება.

,,მივმართავ პენიტენციურ სამსახურს, დროულად გამოაქვეყნონ ინფორმაცია.ეს არის პანდემია, ეს არ არის წამების ან ძალადობის ფაქტები, ეს არ არის დასამალი და პატიმრების მშობლებმა უნდა იცოდნენ სად არიან, რა ვითარებაში არიან პატიმრები და სჭირდებათ თუ არა მათ დახმარება.,, -აცხადებს ელისო კილაძე

: საზოგადოება; 06 იანვარი 2021; გადასვლები: 1353

,,ნამოხვანჰესის" წინააღმდეგ მოსახლეობის აქციას ახალგაზრდული ორგანიზაცია უერთდება

არასამთავრობო ორგანიზაციის "ერთიანი ახალგაზრდობა საქართველოსთვის" წევრები წყალტუბოს მუნიციპალიტეტის სოფელ ჟონეთში ჩავიდნენ და ჰესის მშენებლობის მოწინააღმდეგეებს სოლიდარობა გამოუცხადეს. მათი თქმით, გიგანტური ჰესი საფრთხეს უქმნის, როგორც მოსახლეობას, ასევე გარემოს. აქციის მონაწილეები ხელისუფლებას მშენებლობის შეჩერებისკენ მოუწოდებენ.

რიონის ხეობის მოსახლეობის ნაწილი 73-ე დღეა ჰესის მშენებლობას უწყვეტ რეჟიმში აპროტესტებს.

: საზოგადოება; 06 იანვარი 2021; გადასვლები: 1196

იმერეთის სამ ლოკაციაზე- საჩხერეში, ჭიათურასა და ხარაგაულში ხანძარია

იმერეთის მასშტაბით ხანძარი ამჟამად 3 ლოკაციაზეა. ესენია: საჩხერე, ჭიათურა და ხარაგაული, ამის შესახებ სახელმწიფო რწმუნებულმა იმერეთში ზვიად შალამბერიძემ განაცხადა. მისივე თქმით, გუშინ იმერეთში 8 ლოკაციაზე იყო ხანძარი, აქედან ყველაზე რთული ვითარება წყალტუბოს რაიონი სოფელი ზარათში იყო, სადაც 60-მდე მეხანძრე მაშველი მუშაობდა. ცეცხლი 70 ჰექტრამდე ტერიტორიას ეკიდა, იყო საშიშროება,რომ მოსახლეობამდე მივიდოდა, თუმცა მეხანძრეებმნა მისი ლოკალიზება შეძლეს .

როგორც გუბერნატორი აცხადებს, მიუხედავად ცეცხლის რამდენიმე კერისა, ამ ეტაპზე მეხანძრე მაშველების რაოდენობა საკმარისია. ცეცხლის გაჩენის ერთ ერთი ვერსია დაუდევრობაა

: საზოგადოება; 06 იანვარი 2021; გადასვლები: 1373

მეხანძრე-მაშველები ხანძარს 11 ლოკაციაზე აქრობენ

შინაგან საქმეთა სამინისტროს საგანგებო სიტუაცების მართვის სამსახურის ინფორმაციით, ამ დროისთვის ქვეყნის მასშტაბით დარჩენილია 11 კერა, სადაც გრძელდება სალოკალიზაციო სამუშაოები.

რთულია ვითარება სამეგრელოში.წალენჯიხაში, სოფელ ჯაღირში - იწვის ფოთლოვანი ტყის ქვედა საფარი. ხანძარი ლოკალიზებულია. მოსახლეობას საფრთხე არ ემუქრება. ადგილზე მობილიზებულია 3 ერთეული სახანძო- სამაშველო ტექნიკა და მეხანძრე-მაშველთა პირადი შემადგენლობა.

ჯვარი, სოფელი მუჟავა - იწვის ფოთლოვანი ტყის ქვედა საფარი. ხანძრის სიახლოვეს არ არის დასახლებული პუნქტი. რთული რელიეფის გამო, სახანძრო ტექნიკის კერებამდე მიყვანა ვერ ხერხდება. ადგილზე იმყოფება მეხანძრე-მაშველთა პირადი შემადგენლობა და ინდივიდუალური აღჭურვილობების საშუალებით მიმდინარეობს ქრობის სამუშაოები.

წალენჯიხა, სოფელი სქური - იწვის ფოთლოვანი ტყის ქვედა საფარი. ხანძრის სიახლოვეს არ არის დასახლებული პუნქტი. რთული რელიეფის გამო სახანძრო ტექნიკის კერებამდე მიყვანა ვერ ხერხდება. ადგილზე იმყოფება მეხანძრე-მაშველთა პირადი შემადგენლობა და ინდივიდუალური აღჭურვილობების საშუალებით მიმდინარეობს ქრობის სამუშაოები.

მარტვილი, სოფელი ბალდა - იწვის ფოთლოვანი ტყის ქვედა საფარი. მოსახლეობას საფრთხე არ ემუქრება, სიტუაცია კონტროლს ექვემდებარება. რთული რელიეფის გამო სახანძრო ტექნიკის კერებამდე მიყვანა ვერ ხერხდება. ადგილზე იმყოფება მეხანძრე-მაშველთა პირადი შემადგენლობა და ინდივიდუალური აღჭურვილობების საშუალებით მიმდინარეობს ქრობის სამუშაოები.

აჭარა

ქედა, სოფელი ბზუბზუ - იწვის ფოთლოვანი ტყის ქვედა საფარი. ხანძარი ლოკალიზებულია, ამ დროისთვის აღნიშნულ ტერიტორიაზე შეინიშნება ცალკეული მხრჩოლავი კერები. ხანძრის სიახლოვეს არ არის დასახლებული პუნქტი. ადგილზე მობილიზებულია 2 ერთეული სახანძრო-სამაშველი ავტო ტექნიკა და მეხანძრე-მაშველთა პირადი შემადგენლობა.

რაჭა-ლეჩხუმი და ქვემო სვანეთი

ონი, სოფელი ონჭევის და სოფელი წოლას მიმდებარედ - იწვის შერეული ტყის ქვედა საფარი. ხანძრის სიახლოვეს არ არის დასახლებული პუნქტი. გრძელდება სალოკალიზაციო სამუშაოები. ამ დროისათვის ადგილზეა მეხანძრე-მაშველთა პირადი შემადგენლობა შესაბამისი ინდივიდუალური სახანძრო სპეც-აღჭურვილობით.

ცაგერი, სოფელი ჩქუმი - იწვის ფოთლოვანი ტყის ქვედა საფარი. ხანძრის სიახლოვეს არ არის დასახლებულებული პუნქტი. რთული რელიეფის გამო სახანძრო ტექნიკის კერებამდე მიყვანა ვერ ხერხდება. ადგილზე იმყოფება მეხანძრე-მაშველთა პირადი შემადგენლობა და ინდივიდუალური აღჭურვილობების საშუალებით მიმდინარეობს ქრობის სამუშაოები.

ცაგერი, სოფელი ლაილაში - კლდოვან და ქვა-ღორღიან მთაზე იწვის ფოთლოვანი ტყის ქვედა საფარი. ხანძრის სიახლოვეს არ არის დასახლებული პუნქტი. ამ დროისთვის, ადგილზეა მეხანძრე-მაშველთა ქვეითი შემადგენლობა და 1 სახანძრო-სამაშველო ავტო ტექნიკა. მიმდინარეობს სალოკალიზაციო სამუშაოები.

შიდა ქართლი

კასპი, რკონის ხეობაში იწვის შერეული ტყის ქვედა საფარი, ბუჩქები და ხეები. ხანძრის სიახლოვეს არ არის დასახლებული პუნქტი. მოყინული და დაზიანებული გზის საფარის მიუხედავად, ადგილზე მობილიზებულია შესაბამისი ავტო ტექნიკა. ადგილზე მუშაობენ მეხანძრე-მაშველთა ქვეითი ჯგუფები და 3 ერთეული სახანძრო-სამაშველო ავტო ტექნიკა.

ბოლო 48 საათში ქვეყნის მასშტაბით დაფიქსირდა 243 ხანძრის კერა, რომელთაგან 232 უკვე ლიკვიდირებულია.

ამ დროისთვის ყველა კერაზე ხანძარი კონტროლს ექვემდებარება. მზადყოფნაში არიან შინაგან საქმეთა სამინისტროს სასაზღვრო პოლიციის ვერტმფრენები და საჭიროების შემთხვევაში, საჰაერო ტექნიკა ჩაერთვება ქრობის სამუშაოებში, თუმცა ამ დროისთვის არც ერთ კერაზე საჭიროება არ არის.

შინაგან საქმეთა სამინისტროს საგანგებო სიტუაციების მართვის სამსახური მოსახლეობას მოუწოდებს - თავი შეიკავონ მინდვრებში და სახნავ მიწებზე ბალახის დაწვისგან. დასავლეთ საქართველოში ძლიერი ქარია და მშრალი ამინდი, რაც ხელს უშლის მეხანძრე-მაშველებს ხანძრების სალიკვიდაციო სამუშაოებში.

მინდორში და სახნავ მიწებზე ბალახის დაწვამ შეიძლება გამოიწვიოს ხანძრის გავრცელება როგორც საცხოვრებელ სახლებზე, ასევე ტყის მასივებზე.

დღის სიახლეები

საზოგადოება

Search