საზოგადოება

: საზოგადოება; 19 დეკემბერი 2021; გადასვლები: 1452

წყალტუბოსა და ხონში ხე- ტყის უკანონო ტრანსპორტირება ფაქტები გამოვლინდა

გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა ხე-ტყის უკანონო ტრანსპორტირების 5 ფაქტი გამოავლინეს.

ამბროლაურის მუნიციპალიტეტის სოფელ წესში, გადამოწმების მიზნით შეჩერებული ავტომანქანის ძარაზე, მოქალაქეს განთავსებული ჰქონდა 3 კუბური მეტრი წიწვოვანი სახეობის პირველადი გადამუშავების პროდუქტი (ფიცარი). მძღოლმა ვერ წარმოადგინა შესაბამისი დოკუმენტაცია.

ცაგერის მუნიციპალიტეტის სოფელ ორბელიდან, მოქალაქე, თბილისის მიმართულებით, 25 კუბური მეტრი წიწვოვანი სახეობის პირველადი გადამუშავების პროდუქტის (ფიცარი) ტრანსპორტირებას შესაბამისი დოკუმენტაციის გარეშე ახდენდა.

ხონის მუნიციპალიტეტის სოფელ ღვედში, მოქალაქე, 1 კუბური მეტრი მოცულობის წიფლის სახეობის დახერხილი ხე-მასალის უკანონო ტრანსპორტირებას ახორციელებდა.

წყალტუბოს მუნიციპალიტეტის სოფელ სორმონში, მოქალაქე, მიკროავტობუსით 2,5 კუბური მეტრი ეკლისა და რცხილის სახეობის საშეშე მერქნის ტრანსპორტირებას ახდენდა.

დასავლეთის რეგიონული სამმართველოს თანამშრომლების მიერ გადამოწმების მიზნით შეჩერებული ავტომანქანა, მოქალაქეს 19,92 კუბური მეტრი წიფლის სახეობის ხე-მასალით ჰქონდა დატვირთული. ავტომობილზე გააქტიურებული ელექტრონული ზედნადების მიხედვით დასტურდება 13,28 კუბური მეტრი ხე-ტყის კანონიერება, 6,64 კუბური მეტრი მოცულობის დახერხილ ხე-მასალაზე კი, მოქალაქეს, ელექრტონულ ბაზაში, არანაირი დოკუმენტაცია არ აქვს ატვირთული.

მანქანები დაილუქა. სამართალდამრღვევების მიმართ შედგა შესაბამისი დოკუმენტაცია.

: საზოგადოება; 19 დეკემბერი 2021; გადასვლები: 1324

განახლებული რეგიონების ფარგლებში ჭიათურაში 10 პროექტი განხორციელდება

საქართველოს პრემიერ-მინისტრის მიერ ინიცირებული პროგრამის „განახლებული რეგიონები“- ს ფარგლებში, ჭიათურის მუნიციპალიტეტში სამუშაოები აქტიურ ფაზაში მიმდინარეობს.

მუნიციპალიტეტში 10 პროექტი ხორციელდება, რაც მიზნად ისახავს ჭიათურაში თანამედროვე ინფრასტრუქტურის მოწყობასა და ინოვაციების დანერგვას.

პროექტის "განახლებული რეგიონები"-ს ფარგლებში, მიმდინარე სამუშაოები იმერეთში სახელმწიფო რწმუნებულმა, ზვიად შალამბერიძემ და რეგიონული განვითარებისა და ინფრასტრუქტურის მინისტრის პირველმა მოადგილემ, ილია ბეგიაშვილმა ჭიათურის მუნიციპალიტეტის მერთან ერთად დაათვალიერეს.

,, პროგრამა ,,განახლებული რეგიონები“-ს ფარგლებში ჭიათურაში მიმდინარეობს 10 პროექტის განხორციელება, რომელიც თვისობრივად განსხვავდება ერთმანეთისგან და არის, როგორც კორპუსების რეაბილიტაცია ასევე, სკვერებისა და რეკრეაციული სივრცეების მოწყობა. სამუშაოები ძირითადად ხორციელდება ქალაქის ცენტრში და რა თქმა უნდა დასრულების შემდეგ, შეცვლის მთლიანად ჭიათურის იერსახეს, გახდება უფრო ლამაზი და მისაღები, როგორც ჩვენი მოქალაქეებისთვის ასევე უცხოელი ტურისტებისთვის“ - ზვიად შალამბერიძე.

,, საქართველოს ყველა მუნიციპალიტეტში აქტიურად მიმდინარეობს ,,განახლებული რეგიონები“-ს პროგრამა, რომელიც მოიცავს ოთხწლიან ვადას. ამ ოთხი წლის განმავლობაში რამდენიმე ასეული მილიონი ლარი იქნება მიმართული ურბანული განახლების პროექტებზე. საკმაოდ აქტიურად და მასშტაბურად გამოიყურება პროექტი, რომელიც ხორციელდება ამჟამად ქალაქ ჭიათურაში. პარალელურად ,,განახლებული რეგიონები“-ს პროგრამასთან ერთად ქალაქის მერიამ მიიღო გადაწყვეტილება თანხა გამოეყო, როგორც ადგილობრივი ბიუჯეტიდან ასევე, რეგიონული განვითარების ფონდიდან და ჯამში სამივე დაფინანსების წყარო ქმნის ამ დიდი მასშტაბს“ - ილია ბეგიაშვილი.

ჭიათურაში პროგრამის ფარგლებში კულტურის სახლის ტერიტორიაზე სკეიდბორდის მოედნის და სკვერის მოწყობა მიმდინარეობს, გარდა ამისა სკვერის რეაბილიტაცია ხორციელდება წერეთლის ქუჩაზეც. ასევე, აქტიურ ფაზაშია ქორწინების სახლისა და ცენტრალურ ქუჩაზე არსებული მრავალბინიანი საცხოვრებელი კორპუსების ფასადებისა და ტროტუარების რეაბილიტაცია.

: საზოგადოება; 19 დეკემბერი 2021; გადასვლები: 1285

ნაქერალას უღელტეხილზე თოვლის გამო მოძრაობა შეზღუდულია

ინტენსიური თოვის გამო, შიდასახელმწიფოებრივი მნიშვნელობის ქუთაისი-ტყიბული-ამბროლაურის საავტომობილო გზის კმ39-კმ60 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია

გზის დანარჩენ მონაკვეთებზე ავტოტრანსპორტის მოძრაობა თავისუფალია.

შეზღუდვებია გუდაური კობის მონაკვეთზე,სადაც

თოვლისა და ლიპყინულის გამო, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია

გუდაური-კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით

აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით

: საზოგადოება; 18 დეკემბერი 2021; გადასვლები: 1005

შსს-მ თბილისში,ქუთაისში,თერჯოლასა და ზესტაფონში 5 პირი დააკავა

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს თანამშრომლებმა, გენერალურ პროკურატურასთან ერთად ჩატარებული აქტიური კომპლექსური საგამოძიებო და ოპერატიული ღონისძიებების შედეგად, თბილისში, ქუთაისში, ზესტაფონსა და თერჯოლაში 5 პირი დააკავეს.

„ქურდული სამყაროს“ წევრობისა და „ქურდული სამყაროს“ წევრისთვის მიმართვის ბრალდებით დაკავებულები არიან: 1982 წელს დაბადებული ი.მ., 1975 წელს დაბადებული გ.გ. (მეტსახელად „გადაბმული“), 1978 წელს დაბადებული კ.ჟ., 1984 წელს დაბადებული შ.კ. და 1966 წელს დაბადებული გ.ს.

დანაშაულები 7-დან 10-მდე წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ფინანსური უთანხმოების გამო მოდავე მხარეებმა არსებული დავის მოსაგვარებლად მიმართეს „ქურდული სამყაროს“ წევრებს: ი.მ.-ს, გ.გ.-ს და კ.ჟ.-ს, რომლებიც აღნიშნული დავის გადაწყვეტის მიზნით, თავის მხრივ დაუკავშირდნენ საზღვარგარეთ მყოფ ქართველ „კანონიერ ქურდებს“.

ამის შემდეგ, ქურდული სამყაროს“ წევრებმა, მოდავე მხარეებთან ერთად, ფინანსური დავის ქურდული წესით გარჩევისთვის რამდენიმე შეხვედრა გამართეს თბილისში, წინასწარ დაქირავებულ ბინაში, ასევე, ერთ-ერთი მოდავე მხარის ოფისში. შეხვედრებზე "ქურდული სამყაროს" წევრებმა მოუსმინეს დაპირისპირებულ მხარეებს და დაავალეს, სადავო ფულიდან - 50 000 ლარიდან ობიექტურად განსაზღვრული კუთვნილი წილების ერთმანეთისთვის გადახდა, ასევე, ორივე მხარეს მოსთხოვეს მათ დავაში ჩართული "კანონიერი ქურდებისათვის" გარკვეული თანხის გაგზავნა. მოდავე მხარეები ვერ შეთანხმდნენ კუთვნილ წილებზე, რის შემდგომაც "ქურდული სამყაროს" წევრებმა ისინი დაავალდებულეს, ჩასულიყვნენ საბერძნეთში მყოფ „კანონიერ ქურდებთან“, რომლებიც უკვე ქურდული გარჩევის საფუძველზე მიიღებდნენ საბოლოო გადაწყვეტილებას.

გამოძიება „ქურდული სამყაროს“ წევრობისა და „ქურდული სამყაროს“ წევრისთვის მიმართვის ფაქტზე, საქართველოს სსკ-ის 223-ე პრიმა მუხლის 1-ლი ნაწილით და 223-ე პრიმა-4 მუხლის 1-ლი ნაწილით მიმდინარეობს.

: საზოგადოება; 18 დეკემბერი 2021; გადასვლები: 1205

ჯემალ ჭკუასელი 86 წლის ასაკში გარდაიცვალა

საქართველოს სახალხო არტისტი ჯემალ ჭკუასელი 86 წლის ასაკში გარდაიცვალა. ამის შესახებ ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.

საქართველოს კულტურის, სპორტისა და ახალგაზრდობის სამინისტრო უსამძიმრებს გარდაცვლილის ოჯახს, კოლეგებს და სრულიად საქართველოს.

"ჯემალ ჭკუასელი 1935 წლის 18 მაისს ცნობილი მომღერლის, შერმანდი ჭკუასელის ოჯახში დაიბადა. სწორედ მამამ აზიარა ჯემალ ჭკუასელი განუმეორებელი ქართული ფოლკლორის სიყვარულს. 1976 წლიდან ჯემალ ჭკუასელი საქართველოს ხალხური სიმღერისა და ცეკვის სახელმწიფო დამსახურებული ანსამბლის სოლისტ-მომღერალი იყო, ხოლო 1979 წელს ქუთაისის სიმღერისა და ცეკვის სახელმწიფო ანსამბლის სამხატვრო ხელმძღვანელად დაინიშნა. 1986 წლიდან იმდროინდელი კულტურის მინისტრის - ვალერი ასათიანის ბრძანებით ჯემალ ჭკუასელი საქართველოს ხალხური სიმღერისა და ცეკვის სახელმწიფო აკადემიური ანსამბლის სამხატვრო ხელმძღვანელად დაინიშნა, 2015 წლიდან კი ის "ერისიონის" მთავარი დირიჟორი იყო. 130 წლის განმავლობაში ანსამბლმა უამრავ წარმატებას მიაღწია და სხვადასხვა დროს მასში მოღვაწეობდნენ ქართული ფოლკლორის გამოჩენილი და ღვაწლმოსილი პროფესიონალები. მიუხედავად ამისა, თამამად შეიძლება ითქვას, რომ ჯემალ ჭკუასელისა და რევაზ ჭოხონელიძის ტანდემით დაიწყო „ერისიონის“ ოქროს ხანა", - ნათქვამია კულტურის სამინისტროს მიერ გავრცელებულ ინფორმაციაში.

: საზოგადოება; 17 დეკემბერი 2021; გადასვლები: 1468

ბაღდათში შიდა საუბნო გზების რეაბილიტაცია იწყება

ბაღდათში მალე შიდა საუბნო გზების სარეაბილიტაციო სამუშაოები დაიწყება.

ხელშეკრულება მუნიციპალიტეტსა და სამშენებლო კომპანიას შორის დღეს გაფორმდა.

ბაღდათის ქუჩაზე, კოსტავასა და ჭავჭავაძის ქუჩების ჩიხებში ასფალტო-ბეტონის საფარი დაიგება.

სამუშაოებს შ.პ.ს. “ბაღდათის ავტოგზა “ შეასრულებს.

ბაღდათის მუნიციპალიტეტის მასშტაბით შიდა საუბნო გზების რეაბილიტაცია ეტაპობრივად განხირციელდება.

ბაღდათის მუნიციპალიტეტის ადგილობრივი თვითმმართველობის არჩევნების, საარჩევნო კამპანიის ერთ- ერთი მთავარი პრიორიტეტი შიდა საუბნო გზების კეთილმოწყობა იყო.

დღის სიახლეები

საზოგადოება

Search