საზოგადოება

: საზოგადოება; 30 ოქტომბერი 2022; გადასვლები: 1215

ბაღდათის მუნიციპალიტეტში დღეს ბაღდათობა 2022 აღინიშნება

ბაღდათის მუნიციპალიტეტში დღეს ტრადიციული სახალხო დღესასწაული ბაღდათობა 2022 აღინიშნება.

ბაღდათში მოსულ სტუმრებს მთელი დღის მანზილძე საშუალება აქვს სხვადასხვა სახის შემეცნებით, სპორტულ და კულტურულ ღონისძიებებს დაესწრონ.

მთელი დღე იქნება წარმოდგენილი ხელთნაკეთი ნამუშევრების განოფენა გაყიდვა. გასტრონომისს და ადგილობრივი მეღვინეების სივრცეები.

დღესვე გაიმართება საპატიო ბაღდათელების დაჯილდოება .

ღონისძიებას მომღერალ ოთო ნემსაძის კონცერტი და ფოიერვერკი დაასრულებს.

: საზოგადოება; 28 ოქტომბერი 2022; გადასვლები: 876

ხვალ ჭიათურობა აღინიშნება

ხვალ,29 ოქტომბერს ჭიათურაში ტრადიციული სახალხო დღესასწაული ,, ჭიათურობა -2022“ აღინიშნება.

პროგრამა:

11:00 საათი - სტუმრების დახვედრა ნინოშვილის ქუჩაზე,მერიის მიმდებარე სკვერში

11:30-13:00 საათამდე-საზეიმო მსვლელობა ქალაქის ცენტრალური ქუჩებში (ნინოშვილი,თხელიძე,წერეთელი), სადაც წარმოდგენილი იქნება სხვადასხვა სპორტული ღონისძიებები,გამოფენა-გაყიდვა,საჯარო სკოლებისა და საბავშვო ბაღების მონაწილეობით ფლეშმობი.

კოსტუმირებული დრამერების,მასკოტების და მსახიობების მსვლელობა ქალაქში დღის განმავლობაში.

12:00 საათიდან -კულტურის ცენტრის ეზოში მოეწყობა საბავშვო სივრცე ( ანიმატორი,ჯამბაზი,ზღაპრის გმირები,საპნის ბუშტების შოუ,დიჯეი და ბატუტები)

13:00 საათიდან-სახელდახელოდ მოწყობილ ფაცხებში შემოდგომის ნობათების გამოფენა.

12:30 საათიდან კონცერტი კულტურის ცენტრის ეზოში ქალაქის შემოქმედებითი ჯგუფების მონაწილეობით.

17:00 საათი -კონცერტი მოწვეული მომღერლების მონაწილეობით.

17:30 საათიდან- ჭიათურის საპატიო მოქალაქეების საზეიმო დაჯილდოება.

ღონისძიებები დასრულდება სადღესასწაულო ფოიერვერვერკით.

: საზოგადოება; 27 ოქტომბერი 2022; გადასვლები: 932

პოლიციამ დააკავა პირი,რომელიც არასრულწლოვანს სახლის კარების გაღებას აიძულებდა

შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 1996 წელს დაბადებული, წარსულში ნასამართლევი და ამჟამად პირობითი მსჯავრის ქვეშ მყოფი ვ.დ., არასრულწლოვნის მიმართ განხორციელებული მუქარის ბრალდებით, თბილისში დააკავეს.

დანაშაული 3 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის 25 ოქტომბერს, ბრალდებულმა 2012 წელს დაბადებულ ა.ქ.-ს საცხოვრებელი ბინის კარზე დაუკაკუნა და განუცხადა, რომ დახმარება სჭირდებოდა, უარის მიღების შემდეგ კი, სხვადასხვა ხერხით, მათ შორის მუქარით ცდილობდა, იძულებული გაეხადა არასრულწლოვანი, მისთვის ბინის კარი გაეღო.

მას შემდეგ, რაც არასრულწლოვანმა ვ. დ.-ს უთხრა, რომ ის პოლიციაში დარეკავდა, ბრალდებული ადგილიდან მიიმალა.

სამართალდამცველებმა, ჩატარებული საგამოძიებო მოქმედებების შედეგად, დანაშაულის სავარაუდო ჩამდენი პირი მომხდარიდან მეორე დღეს, თბილისში დააკავეს.

გამოძიება საქართველოს სისხლის სამართლის კოდექსის 151-ე მუხლის მე-2 ნაწილით მიმდინარეობს, რაც არასრულწლოვნის მიმართ განხორციელებულ მუქარას გულისხმობს.

: საზოგადოება; 26 ოქტომბერი 2022; გადასვლები: 1010

ქუთაისში პოლონეთის პირველი პრეზიდენტის ძეგლი გაიხსნა

ქუთაისში, ქართულ-პოლონური მეგობრობის სკვერში , პოლონეთის პირველი პრეზიდენტის ვლადისლავ რაჩკევიჩის ძეგლი გაიხსნა.

ძეგლის გახსნას ესწრებოდნენ ქუთაისის მერი იოსებ ხახალეიშვილი, იმერეთში სახელმწიფო რწმუნებული ზვიად შალამბერიძე, კუიავსკო-პომორსკის მარშალის მოადგილე სლავომირ კოპიშჩი, პოლონეთის კულტურის მინისტრის მოადგილე ვანდა ზვინოგროდსკა, პოლონეთის რესპუბლიკის საგანგებო და სრულუფლებიანი ელჩი საქართველოში მარიუშ მაშკიევიჩი, პოლონეთის ოფიციალური დელეგაცია და ადგილობრივი ხელისუფლების წარმომადგენლები.

" ქართულ-პოლონური ურთიერთობების ისტორიაში გამორჩეული ადგილი უჭირავს ქუთაისის მეგობრულ კავშირებს პოლონეთის რეგიონებთან და ქალაქებთან. ცოტა ხნის წინ , პოლონეთის ქალაქ ტორუნში გაიხსნა წარმოშობით ქუთაისელის და პოლონეთში მოღვაწე ქართველის, ვიტალი უგრეხელიძის სახელობის მოედანი. დღეს კი, ქუთაისში, ქართულ-პოლონური მეგობრობის სკვერში დამოუკიდებელი პოლონეთის პირველი პრეზიდენტის , ქუთაისში დაბადებული ვლადისლავ რაჩკევიჩის ბიუსტი გავხსენით.

ძეგლის გახსნას ესწრებოდა ოფიციალური დელეგაცია პოლონეთიდან.

ვლადისლავ რაჩკევიჩის ძეგლი კიდევ ერთი წინგადადგმული ნაბიჯია ქართულ-პოლონურ ურთიერთობებში. ჩვენი ქვეყნის და ქალაქის პოლონელი სტუმრებისთვის საქართველოში აუცილებლად მოსანახულებელ ადგილებს შორის ამიერიდან ეს სკვერი და ძეგლიც იქნება.“- განაცხადა იოსებ ხახალეიშვილმა.

ქუთაისის ტურიზმის ცენტრში პოლონეთის დელეგაციის ოფიციალური მიღება გაიმართა, სადაც მხარეებმა სამომავლო ურთიერთობებსა და გეგმებზე ისაუბრეს.

: საზოგადოება; 26 ოქტომბერი 2022; გადასვლები: 840

ჭიათურაში 2002 წელს ჩადენილი მკვლელობისთვის ძებნილი მამაკაცი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის ძებნის სამმართველოს თანამშრომლებმა 2002 წელს ჩადენილი დანაშაულისთვის ძებნილი პირი - 1975 წელს დაბადებული კ.ც. დააკავეს. იგი დამამძიმებელ გარემოებაში ჩადენილი მკვლელობის მცდელობისთვის იძებნებოდა.

გამოძიებით დადგენილია, რომ მსჯავრდებულმა კ.ც.-მ 2002 წლის 4 სექტემბერს, ჭიათურაში, ნინოშვილის ქუჩაზე მდებარე სკვერთან, ცეცხლსასროლი იარაღიდან გასროლით გ.ტ.-ს სხეულზე 5 ჭრილობა მიაყენა, ხოლო მისმა თანმხლებმა კ.ვ.-მ ცეცხლსასროლი იარაღიდან გასროლით სასიკვდილოდ დაჭრა ჯ.ზ., რის შემდეგაც ორივე პირი შემთხვევის ადგილიდან მიიმალა.

დაჭრილი გ.ტ. სამედიცინო დაწესებულებაში გადაიყვანეს, სადაც შესაბამისი მკურნალობა ჩაუტარდა, ხოლო ჯ.ზ. მეორე დღეს საავადმყოფოში გარდაიცვალა.

კ.ვ. პოლიციამ 2004 წელს დააკავა.

2002 წელს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ჭიათურის რაიონული სამმართველოს წარმოებაში კ.ც.-ის მიმართ არსებულ სისხლის სამართლის საქმეზე სასამართლომ გამამტყუნებელი განაჩენი გამოიტანა და სასამართლოს გადაწყვეტილებით, იმავე წლიდან მასზე ძებნა მიმდინარეობდა.

დაკავებული კ.ც. გადაყვანილია პენიტენციურ დაწესებულებაში.

: საზოგადოება; 26 ოქტომბერი 2022; გადასვლები: 965

ხვალიდან ამინდი გაუარესდება

გარემოს ეროვნული სააგენტოს ინფორმაციით,27-28 ოქტომბერს დასავლეთ საქართველოში მოსალოდნელია ნალექიანი ამინდი, ხოლო აღმოსავლეთ საქართველოში ზოგან იწვიმებს, მაღალ მთაში შესაძლოა თოვლი მოვიდეს. იქროლებს დასავლეთის მიმართულების ქარი, ზღვაზე შესაძლებელია 2-3 ბალიანი ღელვა.

29 ოქტომბერს გამოიდარებს და 2 ნოემბრამდე უმეტესად უნალექო ამინდი იქნება. ჰაერის ტემპერატურა დღის საათებში დაბლობსა და ბარში +14, +19 გრადუსის ფარგლებში დაფიქსირდება.

ქ. თბილისში 2 ნოემბრამდე უნალექო ამინდია მოსალოდნელი. ჰაერის ტემპერატურა დღის საათებში +18, +20 გრადუსის ფარგლებში იქნება. 27-28 ოქტომბერს იქროლებს ჩრდილო-დასავლეთის მიმართულების ქარი.

დღის სიახლეები

საზოგადოება

Search