#რახდებაგზებზე

საქართველოს ახალგაზრდა იურისტთა ასოციაცია გელათის ირგვლივ მიმდინარე პროცესებს ეხმაურება.

საიას განცხადებაში წერია,რომ კულტურული მემკვიდრეობის დაზიანების შესახებ საქმეს იძიებს ის საგამოძიებო ორგანო, რომელსაც ფინანსური დანაშაულების გამოძიების გამოცდილება აქვს და არ გააჩნია კულტურული მემკვიდრეობის სფეროში ჩადენილ დანაშაულთა გამოძიებასთან დაკავშირებით შესაბამისი გამოცდილება.

გარემოს ეროვნული სააგენტო მოსახლეობას აფრთხილებს.სააგენტოს ინფორმაციით, 19-20 იანვარს საქართველოში კვლავ მოსალოდნელია ამინდის არახელსაყრელი პირობები: დროგამოშვებით ნალექი, უმეტესად თოვლის სახით, ზოგან  ძლიერი, ჰაერის ტემპერატურის მნიშვნელოვანი დაკლება, ძლიერი ქარი, მთაში და მაღალმთაში ძლიერი თოვა, ნისლი და ქარბუქი, ზღვაზე 4-5 ბალიანი შტორმი, საავტომობილო გზებზე ლიპყინული, ელექტროგადამცემ ხაზებზე შემოყინულობა, მთიან რეგიონებში ზვავსაშიშროება. 

ააიპ ,,ქუთგანათების სერვისის" თანამშრომლებმა ქალაქის მთავარი ნაძვის ხის დემონტაჟი დაიწყეს.უამინდობის მიუხედავად სამუშაოები ინტენსიურ რეჟიმში მიმდინარეობს.

ქალაქის მასშტაბით საახალწლო დეკორაციებისა და ილუმინაციების დემონტაჟი უახლოეს დღეებში  დასრულდება.

 რთული მეტეოროლოგიური პირობების გამო, საავტომობილო გზებზე გაწმენდითი სამუშაოები მთელი ღამის განმავლობაში შეუფერხებლად მიმდინარეობდა და ახლაც ინტენსიურ რეჟიმში გრძელდება. ყველა მიმართულებით ადგილზე მობილიზებულია თოვლმწმენდი ტექნიკა, გზებზე განუწყვეტლივ იყრება ტექნიკური მარილი, რათა ავტოტრანსპორტის მოძრაობა უმოკლეს პერიოდში აღდგეს.

გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა იმერეთში უკანონო ნადირობის 16 ფაქტი გამოავლინეს.