სოციალურ ქსელში ქუთაისში, ავტოქარხნის დასახლებაში, დაზიანებული სპორტული მოედნის რკინის ღობის ფოტოები ვრცელდება.
,,იანვარში დააზიანა სტიქიამ.
ავტოქარხანაში, ლეჟავას 5ბ-ს მიმდებარედ. ძლიერმა ქარმა სპორტული მოედნის ერთი მხარე მთლიანად მოგლიჯა და რკინის მძიმე კონსტუქციის ერთი ნაწილი საბავშვო სასრიალოს, მეორე კი ტრენაჟორების გადახურვას ეყრდნობა.
საღამოობით აქ უამრავი ბავშვი იყრის თავს და სიცოცხლისთვის საშიშია.
შაბათს ავტოქარხანა მაჟორიტარ დეპუტატს ირჩევს საკრებულოში და იქნებ მოესწროს გაკეთება,,-წერს ჯგუფში ,,ქუთაისში არსებული ინფრასტრუქტურული პრობლემები,, მოქალაქე ალამი ხერხაძე.
