ბაღდათის მუნიციპალიტეტის მერიასა და „ადგილობრივი დემოკრატიის სააგენტო საქართველო“-ს, ასევე „განათლების განვითარების და დასაქმების ცენტრი“-ს შორის ურთიერთთანამშრომლობის მემორანდუმი გაფორმდა.
მემორანდუმის მიზანია ბაღდათის მუნიციპალიტეტის მერიასთან არსებული ახალგაზრდული საბჭოს გაძლიერება, ახალგაზრდულ საკითხებზე თანამშრომლობის გაზრდა , ადგილობრივ და საერთაშორისო ორგანიზაციებთან და ახალგაზრდებთან კომუნიკაციისთვის ეფექტიანი მექანიზმის შემუშავება და დანერგვა.
შეხვედრას ბაღდათის მუნიციპალიტეტის მერი კახა ენუქიძე, მერიის კულტურის სამსახურის წარმომადგენლები და ახალგაზრდული საბჭოს წევრები დაესწრნენ. დამსწრე საზოგადოებას ახალგაზრდული საბჭოს გაძლიერების მიმართულებით მემორანდუმზე ხელმომწერი მხარეების მიერ დაგეგმილი აქტივობები გააცნეს. ასევე, ახალგაზრდული საბჭოს თავმჯდომარემ წარმოადგინა საბჭოს საქმიანობის სამომავლო ხედვები და მიღწერული შედეგები.
პრეზენტაციის შემდეგ ჰაბის ინიცირებით გაიმართა დისკუსია, სადაც შეხვედრის მონაწილეებმა იმსჯელეს ბაღდათის მუნიციპალიტეტის მერიის ახალგაზრდული საბჭოს გაძლიერებასთან დაკავშირებულ მოლოდინებზე, რაც მემორანდუმზე ხელმომწერ მხარეებს მნიშვნელოვნად დაეხმარება შექმნას მუნიციპალიტეტში ახალგაზრდული საბჭოს გაძლიერების მიმართულებით არსებულ საჭიროებებზე მორგებული სამოქმედო გეგმა.
