გელათის მონასტრის წინამძღვრის ადგილმონაცვლედ (კეთილმოწესედ) იღუმენი დავითი (უმანკოშვილი) დადგინდა.
აღნიშნული გადაწყვეტილება სრულიად საქართველოს კათოლიკოს-პატრიარქ ილია მეორესთან შეთანხმებით, ქუთათელ-გაენათელმა მიტროპოლიტმა, იოანემ მიიღო.
იღუმენი დავითი მონაზვნად აღკვეცილი, იეროდიაკვნად და შემდგომ მღვდელმონაზვნად ხელდასხმულია ქუთათელ-გაენათელი მიტროპოლიტის კალისტრატეს მიერ. მამა დავითი მრავალი წლის მანძილზე გახლდათ არქიმანდრიტ იოსების (ბურჯანაძე) სულიერი შვილი.
შეგახსენებთ, რომ გელათის მონასტრის წინამძღვრის აწ განსვენებული ადგილმონაცვლე (კეთილმოწესე), არქიმანდრიტი იოსები, სხეულზე მიღებული დამწვრობის შედეგად გართულებული ჯანმრთელობის მდგომარეობის გამო, 2023 წლის 30 იანვარს გარდაიცვალა.
